BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆەلوسپورتتان قازاقستان كومانداسى جاسوسپىرىمدەر وليمپياداسىنىڭ چەمپيونى اتاندى

فوتو: Сали Сабиров

استانا، baq.kz. ۆەلوسپورتتان قازاقستان ەرلەر كومانداسى بۋەنوس-ايرەستە ٴوتىپ جاتقان جاسوسپىرىمدەر وليمپياداسىنىڭ چەمپيونى اتاندى.

olympic.kz سايتىنىڭ مالىمەتىنە قاراعاندا، گلەب برۋسەنسكيي مەن ەۆگەنيي فەدوروۆ بەس كەزەڭگە سوزىلعان كەشەندى جارىستا كوش تىزگىنىن ەشكىمگە بەرگەن جوق.

بۇگىن ماۋنتينبايكتەن وتكەن كريتەريۋم جارىسىندا گلەب برۋسەنسكيي ەكىنشى ورىن يەلەنىپ، كوماندا قورجىنىنا 80 ۇپاي سالدى.

«ٴبىز ٴارى كەتسە ۇزدىك ۇشتىككە ەنەمىز دەگەن ماقسات قويعان ەدىك. الايدا، الەۋەتەمىز ودان دا جاقسى ەكەنىنە كوز جەتكىزدىك. التىن مەدال الۋعا مۇمكىندىك بارىن سەزگەن سوڭ، ٴوزىمىزدى قامشىلاۋمەن بولدىق. قازىرگى كوڭىل-كۇيىمىزدى سوزبەن جەتكىزۋ مۇمكىن ەمەس. شىنى كەرەك، ماۋنتينبايك بىزگە قيىن سوقتى. ونىڭ ۇستىنە، بۇگىن جارىس كەزىندە ۆەلوسيپەدىمنىڭ وتىرعىشى سىنىپ كەتتى. قۋانىشقا قاراي، ٴبارى جاقسى اياقتالدى»، - دەيدى برۋسەنسكيي.

ەۆگەنيي فەدوروۆ تا ۇپايسىز قالعان جوق. ول التىنشى ورىننان كورىنىپ، 30 ۇپايعا قول جەتكىزدى.

«قارسىلاستارىمىزدى العا جىبەرمەۋگە تىرىستىق. ٴبىزدى وكشەلەپ كەلە جاتقان ليۋكسەمبۋرگ سپورتشىلارىنا ەرەكشە باقىلاۋدا ۇستادىق. ۇزدىك ۇشتىككە ەنەمىز دەپ كەلگەن ەدىك، التىنمەن ورالعالى تۇرمىز. ٴبىزدىڭ جەڭىسىمىزگە سەپتىگىن تيگىزگەن جاندارعا العىسىم زور. باپكەرىمىزگە بارشا اقىل-كەڭەسى ٴۇشىن باس يەمىز»، - دەدى فەدوروۆ.

وسىلايشا، قازاقستان كومانداسى جالپى ەسەپتە 418 ۇپاي جيناپ، التىن مەدال يەگەرى اتاندى. كۇمىس جۇلدەگەر اتانعان ليۋكسەمبۋرگ قۇراماسىندا 276، قولا جۇلدە يەلەنگەن ۇلىبريتانيادا 253 ۇپاي بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي