BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق سپورت ۇزدىكتەرى انىقتالدى

فوتو: Нұржас Жаақсыбай

استانا، baq.kz. قر ۇلتتىق سپورت قاۋىمداستىعىنىڭ ۇيىمداستىرۋىمەن «قازمەديا» ورتالىعىنىڭ كونسەرت زالىندا «التىن تۇعىر – 2018» اتتى ۇلتتىق سپورت ۇزدىكتەرىن ماراپاتتاۋ جيىنى ٴوتتى.

ۇلتتىق سپورت سالاسىنداعى ۇزدىكتەردىڭ مەرەيىن كوتەرۋدى ماقسات ەتكەن «التىن تۇعىر» سالتاناتتى جيىنى بيىل التىنشى مارتە ۇيىمداستىرىلدى. ٴداستۇرلى ماراپاتتاۋ جيىنىنا قر مادەنيەت جانە سپورت ٴمينيسترى ارىستانبەك مۇحامەدي ۇلى، قر ۇلتتىق سپورت قاۋىمداستىعىنىڭ قۇرمەتتى پرەزيدەنتى، گەنەرال-مايور قايرات ساتىبالدى ۇلى، قر ٴماجىلىس دەپۋتاتى، ۇلتتىق سپورت قاۋىمداستىعىنىڭ پرەزيدەنتى بەكبولات تىلەۋحان قاتىسىپ، ۇلتتىق سپورتتىڭ جىل ۇزدىكتەرىنە سىيلىقتار تاپسىرىپ، قۇتتىقتاۋ ٴسوز سويلەدى.

ەلىمىزگە تانىمال ساحنا ساڭلاقتارىنىڭ سازدى كونسەرتىمەن ورىلگەن بيىلعى «التىن تۇعىر» سىيلىعىنىڭ يەگەرلەرى – 2018 جىلعى ۇلتتىق سپورتتىڭ حالىقارالىق باسەكەسىندە دارا شىققان جەڭىمپازدار بولدى. ناقتى ايتقاندا، اۋدارىسپاقتان ٴىىى ازيا چەمپيوناتىندا، تەڭگە ٴىلۋ مەن قۇسبەگىلىكتەن ٴىى ازيا چەمپيوناتىندا، جامبى اتۋدان xiv الەم چەمپيوناتىندا، كوكپاردان، توعىزقۇمالاقتان، اسىق اتۋدان، قازاق كۇرەسىنەن حالىقارالىق جارىستاردا جۇلدەلى ورىن يەلەنگەن تومەندەگى سپورتشىلار «التىن تۇعىر» سىيلىعىن يەلەندى.

ۇلتتىق سپورت تۇرلەرىنىڭ ۇزدىكتەر نوميناسياسى بويىنشا:

«ۇزدىك مەرگەن» – ابزال تۋلىبەكوۆ،

«ۇزدىك بايگە اتى» – «قاراكوز» (ات يەسى ارتىعالي ميرازوۆ، شاباندوزى بەكزات ٴسادۋاقاس)،

«ۇزدىك شاباندوز» – باۋىرجان مىرزابايەۆ،

«ۇزدىك كوكپار كومانداسى» – «قۇلاگەر» كومانداسى،

«ۇزدىك كوكپارشى» – اسلانبەك سايدۋللا،

«ۇزدىك اۋدارىسپاقشى» – شىڭعىسحان ەرجانوۆ پەن ازامات سەرعازين،

«ۇزدىك تەڭگە ٴىلۋشى» – ماعجان ساپاربەك،

«ۇزدىك قۇسبەگى» – باباجان بەرىكبولسىن،

«ۇزدىك قازاق كۇرەسىنىڭ بالۋانى» – ەرسۇلتان مۋزاپپاروۆ،

«ۇزدىك توعىزقۇمالاق ويىنشىسى» – اسەل داليەۆا،

«ۇزدىك اسىق اتۋشى» – مۇحتار احمەتوۆ.

«ۇزدىك جاتتىقتىرۋشى» – نۇرلان دوداي،

«ۇزدىك تورەشى» – گۇلنار بازارحانوۆا

«ۇزدىك جەتەكشى» – ەربول ەدىلبايەۆ ( رەسەي ۇلتتىق قۇراما كومانداسىنىڭ باپكەرى)

«ەلىمجان» مەدالى – قىزىلوردا وبلىسىنىڭ اكىمى قىرىمبەك كوشەربايەۆقا بەرىلدى.

ال، دەربىس بايدىلدايەۆ، باعدات مۇپتەكەقىزى، جومارت سابىرجانوۆ، ونەرباي جانبالا «ۇلتتىق سپورت ارداگەرى» مەدالىمەن ماراپاتتالدى.

سونىمەن بىرگە، ۇلتتىق سپورت سالاسىنىڭ دامۋىنا ەڭبەك سىڭىرگەن ٴبىرقاتار ازاماتقا ۇلتتىق سپورت قاۋىمداستىعىنىڭ ارنايى ديپلومى، العىس حاتى جانە قارجىلاي سىيلىقتارىنا يە بولدى. بۇلاردىڭ قاتارىندا «ۇزدىك فوتوگراف» اتالىمىمەن argymaq.kz سايتىنىڭ باس رەداكتورى ەرجان جاۋباي دا بار. سونىمەن قاتار، ماراپاتتاۋ سالتاناتى كەزىندە argymaq.kz پورتالى تۇسىرگەن فوتولاردان كورمە ۇيىمداستىرىلدى.

فوتولار: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي