BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توعىزقۇمالاق ٴتورت قۇرلىقتىڭ باسىن قوستى

فوتو: Абзал Қалиев

بۇگىن استانادا ەكسپو-2017 كورمەسى اياسىندا توعىزقۇمالاقتان ٴىv الەم چەمپيوناتى جالاۋىن كوتەردى. ٴتورت قۇرلىقتان، ناقتىراق ايتساق الەمنىڭ 25 ەلىنەن 70-تەن استام سپورتشى قاتىسىپ، باعىن سىناپ جاتىر. قىركۇيەكتىڭ 3-8 ارالىعىندا ٴوتىپ جاتقان حالىقارالىق ٴتۋرنيردى دۇنيەجۇزىلىك توعىزقۇمالاق فەدەراسياسى، قر مادەنيەت جانە سپورت مينيسترلىگى جانە استانا قالاسى اكىمدىگى ۇيىمداستىرۋدا، دەپ حابارلايدى baq.kz اقپارات اگەنتتىگى.

جارىستىڭ اشىلۋ سالتاناتىندا دۇنيەجۇزىلىك توعىزقۇمالاق فەدەراسياسى پرەزيدەنتى اليحان بايمەنوۆ پەن قر مادەنيەت جانە سپورت مينيسترلىگى سپورت جانە دەنەشىنىقتىرۋ ىستەرى كوميتەتىنىڭ ٴتوراعاسى ەلسيار قاناعاتوۆ جىلى لەبىزدەرىن ٴبىلدىردى.

اليحان بايمەنوۆ ادامزات وركەنيەتى مەن ٴار ۇلت مادەنيەتىنىڭ قالىپتاسۋى مەن دامۋىنداعى زياتكەرلىك ويىنداردىڭ ماڭىزىنا توقتالدى. «زياتكەرلىك ويىندار ۇزدىكتەردى انىقتايتىن سپورتتىق جارىس ٴتۇرى عانا ەمەس، وسكەلەڭ ۇرپاق تاربيەسىندە، ۇلتتاردىڭ ينتەللەكتۋالدىق الەۋەتىن كوتەرۋدە ەرەكشە فەنومەن ەكەنىن» اتاپ ٴوتتى فەدەراسيا پرەزيدەنتى.

«جۇيەلى جانە قيسىندى ويلاۋ، ٴبىلىم مەن عىلىمعا بەيىمدىلىك نەگىزدەرىن قالاۋدا، ىجداھاتتىق پەن تاباندىلىقتى تاربيەلەۋدە توعىزقۇمالاق سەكىلدى زياتكەرلىك ويىندار - ەرەكشە ۇتىمدى ٴارى تاپتىرماس تاربيە قۇرالى»، - دەدى اليحان بايمەنوۆ.

الەم چەمپيوناتىندا اقش، انتيگۋا، باربۋدا، اۋعانستان، ازەربايجان، گەرمانيا، گرۋزيا، كولۋمبيا، قازاقستان، قىرعىزستان، قىتاي، مونعوليا، وزبەكستان، رەسەي، سيريا، تاجىكستان، تۇركيا، تۇركمەنستان، ٴۇندىستان، ۇلىبريتانيا، چەحيا، شۆەيساريا سياقتى مەملەكەتتەردەن - الەمنىڭ ٴتورت قۇرلىعىنان سپورتشىلار قاتىسۋدا. اۆستريا، كامەرۋن، پولشا جانە ۋكراينا سپورتشىلارى تۇڭعىش رەت توعىزقۇمالاقتان الەمدىك ارەنادا شەبەرلىكتەرىن كورسەتپەك.

چەمپيونات ەرلەر جانە ايەلدەر اراسىندا جەكە-جەكە كلاسسيكا، راپيد، بليس بويىنشا وتۋدە. العاش رەت توعىزقۇمالاقتان جۇپتىق كوماندالىق جارىس بولادى. وعان ٴار مەملەكەتتەن 1 ەر، 1 ايەل ادام قاتىسۋدا. ٴار ەلدىڭ قۇراماسى 2 ەر جانە 2 ايەلدەن تۇرادى.

الەمدىك چەمپيونات قازاقتىڭ ۇلتتىق زياتكەرلىك ويىنىن الەمدىك دەڭگەيدە ناسيحاتتاۋ، ونىڭ بۇقارالىق سيپاتىن ارتتىرۋ جانە وسى سپورت تۇرىندەگى ەڭ ۇزدىك سپورتشىلاردى انىقتاۋ ماقساتىندا وتكىزىلۋدە.

"بۇعان دەيىن وتكەن الەم بىرىنشىلىگىڭ بارلىعىنا قاتىستىم. بيىل باس تورەشى رەتىندە كەلىپ وتىرمىن. موڭعوليا قازاقتارىنىڭ اراسىندا توعىزقۇمالاق ويىنى جاقسى ساقتالعان جانە جاقسى دامىپ كەلەدى. ٴوزىم بۇل جولعى ويىنعا 5 قاتىسۋشى الىپ كەلدىم. نەگىزىنەن كوشپەندىلەرگە، سونىڭ ىشىندە قازاق پەن قىرعىزعا ەتەنە ويىنعا بيىل اقش، انتيگۋا، باربۋدا، اۋعانستان، ازەربايجان، گەرمانيا، گرۋزيا، كولۋمبيا، ت.ب. قاتارلى ەرەكشە ەلدەردەن دە كەلدى. بۇل توعىزقۇمالاقتىڭ كوشپەندىلەرگە عانا ەمەس، ادامزاتقا ورتاق زياتكەرلىك ويىن ەكەنىن بايقايمىز" - دەيدى موڭعوليا توعىزقۇمالاق فەدەراسياسىنىڭ ديرەكتورى، بيىلعى الەم چەمپيوناتىنىڭ باس تورەشىسى اسىلحان ساكەي ۇلى.

توعىزقۇمالاقتان تۇڭعىش الەم چەمپيوناتى 2010 جىلى استانا قالاسىندا وتكىزىلىپ، 16 ەلدەن سپورتشىلار قاتىسقان. 2012 جىلى چەحيانىڭ پاردۋبيسە قالاسىندا بولعان ٴىى الەم چەمپيوناتىنا 10 ەلدەن سپورتشى كەلگەن. ٴىىى الەم چەمپيوناتى 2015 جىلى الماتىدا وتكىزىلىپ، 23 ەلدىڭ سپورتشىلارى باق سىنادى. توعىزقۇمالاق لوندون (2006)، پاردۋبيسە (2007)، كانن (2009) دۇنيەجۇزىلىك زياتكەرلىك فەستيۆالدەر مەن وليمپيادالاردىڭ باعدارلاماسىنا ەنگىزىلگەن.

2009 جىلدىڭ 15 قىركۇيەگىنەن باستاپ، توعىزقۇمالاق الەمدىك عالامتوردا www.iggamecenter.com – سايتىندا زياتكەرلىك ويىن رەتىندە تىركەلىپ، ونلاين جۇيەدە وينايتىن باعدارلاماسى جاسالىندى، ٴقازىر سايتتاعى ويىندار رەيتينگىسىن باستاپ تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي