BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تالدىقورعاندىق قىزدار ەل چەمپيونى اتاندى

تالدىقورعان، baq.kz. تالدىقورعاندىق دايروۆا دينا مەن نۇرەكە ۇلجان 16 جەلتوقساندا الماتى وبلىسىندا كيوكۋشينكاي كاراتەدەن قىزدار اراسىندا وتكەن سايىستا ەل چەمپيونى اتاندى. بۇل تۋرالى «بۇكىلقازاقستاندىق كەكۋشينكاي كاراتە ۇيىمى» رقب الماتى وبلىستىق فيليالى حابارلايدى.

ۆەدومستۆو تاراتقان اقپاراتقا سايكەس، قازاقستان رەسپۋبليكاسىنىڭ تاۋەلسىزدىك كۇنى مەرەكەسىنە ورايلاستىرىلعان كيوكۋشينكاي كاراتەدەن قىزدار اراسىنداعى قازاقستان رەسپۋبليكاسىنىڭ ٴحىى اشىق چەمپيوناتىندا دايىروۆا دينا 10-11 جاس ارالىعىنداعى 30 كيلوگرامعا دەيىنگى سالماقتا ەلىمىزدىڭ ەكى دۇركىن چەمپيونى بولسا، نۇرەكە ۇلجان 35 كيلوگرامعا دەيىنگى 12-13 جاستاعى قىزدار اراسىندا ەلىمىزەگى ەڭ ۇزدىك ەكەنىن تاتاميدە ٴۇشىنشى مارتە دالەلدەپ، ٴۇش دۇركىن ەل چەمپيونى اتاندى.

سونىمەن قاتار، الماتى وبلىسىنىڭ نامىسىن قورعاعان مەلس سابينا (12-13 جاس) مەن نۇراسىلوۆا ماريا (16-17 جاس) چەمپيوناتتىڭ كۇمىس مەدالىن يەلەنسە، نۇرعالي دانا (10-11 جاس)، شۇكىروۆا گۇلناز (12-13 جاس) جانە قۇساينوۆا ايدا ٴوز سالماقتارىنداعى ۇزدىك ۇشتىكتى تۇيىندەدى.

تالدىقورعان قالاسىندا قىزدار مەن ايەلدەر اراسىندا كەكۋشينكاي كاراتەدەن وتكەن ەلىمىزدىڭ اشىق چەمپيوناتىنا بارلىق وڭىردەن 15 كوماندا قاتىسىپ، 300 استام سپورتشى تاتاميدە شىعىس جەكپە-جەگىنەن كىمنىڭ ۇزدىك ەكەنىن انىقتادى. جارىس قورىتىندىسى بويىنشا جالپىكوماندالىق ەسەپتە قاراعاندى كومانداسى ۇزدىك دەپ تانىلسا، استانا قالاسىنان كەلگەن سپورتشىلار ەكىنشى ورىننان كورىندى. جارىس يەلەرى – سەنسەي سانيا قاسابايەۆا جەتەكشىلىك ەتەتىن الماتى وبلىسىنىڭ كومانداسى 2 التىن، 2 كۇمىس جانە 3 قولا مەدالعا قول جەتكىزىپ، ٴۇشىنشى ورىندى قاناعات تۇتتى.

ەستەرىڭىزدە بولسا، بۇعان دەيىن 16 جەلتوقسان كۇنى تالدىقورعان قالاسىنىڭ «وركەن» سپورت كەشەنىندە قىزدار مەن ايەلدەر اراسىنداعى قازاقستان رەسپۋبليكاسىنىڭ ٴحىى اشىق چەمپيوناتى مەن ەرلەر اراسىنداعى قازاقستان رەسپۋبليكاسىنىڭ حv كۋبوگى وتەتىنى تۋرالى حابارلاعانبىز.

ايتا كەتەيىك، «بۇكىلقازاقستاندىق كەكۋشينكاي كاراتە ۇيىمى» رقب جيىرما جىلدان استام ۋاقىت ىشىندە ەلىمىزدىڭ بارلىق وڭىرىندە كاراتەنىڭ وسى باعىتى بويىنشا 27 مىڭنان استام سپورتشىعا شىعىس جەكپە-جەگىن مەڭگەرۋگە مۇمكىندىك جاساپ وتىرعان ٴىرى سپورت ۇيىمدارىنىڭ ٴبىرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي