BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«شاحتەر» مەن «ەرتىس» كوماندالارى نەگە قۇلدىراپ كەتتى؟

استانا، baq.kz ٴتىلشىسى. فۋتبولدان قازاقستان پرەمەر-ليگاسىنىڭ اياقتالۋىنا نەبارى 3 تۋر قالدى. قازىرگى كەزدە پاۆلوداردىڭ «ەرتىس» كلۋبى مەن قاراعاندىنىڭ «شاحتەرى» سوڭعى ەكى ورىندى ٴوزارا ٴبولىسىپ تۇر. الداعى 3 ويىندا قاجەتتى ۇپاي جيناي الماسا، ەكى كوماندا جوعارى توپتان ۇشىپ كەتۋى مۇمكىن.

ەگەر ەكى كوماندا دا ٴبىرىنشى ليگاعا ٴتۇسىپ كەتەتىن بولسا، وندا قازاقستان پرەمەر-ليگاسىندا تاعى ٴبىر تاريحي وقيعا تىركەلەيىن دەپ تۇر. ويتكەنى، «ەرتىس» پەن «شاحتەر» پرەمەر-ليگا ويىندارىندا ەشقاشان تومەنگى ليگاعا تۇسپەگەن. 1992 جىلدان بەرى تۇراقتى تۇردە ٴوتىپ كەلە جاتقان فۋتبولدان ەل بىرىنشىلىگىنىڭ تاريحىندا اتالعان ەكى كوماندانىڭ بارلىعى كەم دەگەندە ٴبىر تومەنگى ليگادا ويناعان. ەندى، مىنە، 2018 جىلعى چەمپيوناتتا ەكەۋىنە دە ٴقاۋىپ ٴتونىپ تۇر.

«ەرتىس» 30 ويىننان كەيىن 29 ۇپايمەن 11-ورىندا كەلەدى. ەندى كەرەكۋ كومانداسى الماتىدا «قايراتپەن» (27 قازان)، ٴوز الاڭىندا «اقجايىقپەن» (3 قاراشا) جانە سوڭعى تۋردا «استانامەن» وينايدى (11 قاراشا).

شىنى كەرەك، ديميتار ديميتروۆ شاكىرتتەرىنىڭ «استانا» جانە «قايرات» كوماندالارىنا قارسى ويىندا مۇمكىندىكتەرى از ەكەنى ايتپاسا دا تۇسىنىكتى شىعار. بيىلعى جەكە كەزدەسۋلەرىنە توقتالىپ وتسەك:

7 ٴساۋىر

«ەرتىس» – «استانا» – 1:6

28 ٴساۋىر

«ەرتىس» – «قايرات» – 1:2

17 ماۋسىم

«استانا» – «ەرتىس – 3:0

6 شىلدە

«قايرات» – «ەرتىس» – 4:0

پاۆلودار كومانداسى چەمپيوناتتىڭ كوشباسشى ەكى كومانداسىنان 4 ماتچتا دا ۇتىلعان. ال ورالدا «اقجايىققا» ەسە جىبەرىپ، ٴوز الاڭىندا باسىم تۇسكەن.

ال «شاحتەر» 28 ۇپايمەن سوڭعى ورىندا كەلەدى. «كەنشىلەردىڭ» الدا 4 ويىنى بار. الدىمەن، شىمكەنتتە «ورداباسىمەن» (27 قازان) كەزدەسەدى، سوسىن «استانانى» (31 قازان) قابىلدايدى. ودان كەيىن قاراعاندىدا «توبىلمەن» (3 قاراشا)، الماتىدا «قايراتپەن» (11 قاراشا) وينايدى.

«شاحتەر» «ەرتىسپەن» سالىستىرعاندا «استانانى» بيىل ٴبىر ۇتقان، «قايراتپەن» تامىزدا تەڭ تۇسكەنى بار. پرەمەر-ليگادان بىردەن ەكى كوماندا ۇشىپ كەتسە، 10-ورىنداعى كلۋب ٴبىرىنشى ليگانىڭ قولا جۇلدەگەرىمەن جولىعادى.

«ەرتىس» ٴبىر ماۋسىمدا 4 باپكەر اۋىستىردى

«ەرتىس» وسى ماۋسىمدى 32 جاستاعى يسپانيالىق باپكەر حەرار نۋسپەن باستادى. حەرار ٴبىر كەزدەرى «ليۆەرپۋلدە» رافاەل بەنيتەستىڭ كومەكشىسى بولىپ قىزمەت اتقارعان. ٴبىراق نۋس پاۆلوداردا ۇزاق تۇراقتامادى. ٴساۋىر ايىنىڭ سوڭىندا-اق وتستاۆكاعا كەتتى. سوسىن ۋاقىتشا رەسەيلىك دميتريي كۋزنەسوۆ بۇل مىندەتتى اتقاردى. سەبەبى، ونىڭ الدىندا كۋزنەسوۆ نۋستىڭ كومەكشىسى بولعان. ٴبىراق ونىڭ باپكەر رەتىندەگى pro كاتەگورياسى بولماعاندىقتان ەۋروپا ليگاسىنا تىركەلە المادى. «ەرتىس» كلۋبىنىڭ باسشىلىعى پاۆلودار فۋتبولىنىڭ تۇلەگى ويرات ٴسادۋوۆتى شاقىردى. الايدا، ٴسادۋوۆ تە جەتىستىرگەن جوق.

وسى تۇستا 2016 جىلى «ەرتىسپەن» قولا جۇلدەگەر اتانعان بولگاريالىق مامان ديميتار ديميتروۆ ورالعان بولاتىن. شىنى كەرەك، ديميتروۆتان كلۋب جانكۇيەرلەر كوپ ٴۇمىت كۇتتى. ازىرگە «ەرتىس» كلۋبىن اياقتان تۇرعىزۋ تاجىريبەلى ماماننىڭ دا قولىنان كەلمەي جاتىر.

بولگاريالىق باپكەر كەلگەن كەزدە كلۋبتىڭ سەلەكسيالىق جۇمىسىن سىنعا العان بولاتىن.

«جاڭا كوماندا ەكەنى كورىنىپ تۇر. پروبلەما وتە كوپ، اسىرەسە كوماندانىڭ قۇرامىنا قاتىستى. ماعان ٴبىر جاعداي تۇسىنىكسىز، «ەرتىس» 4-5 وڭ قاپتالدا وينايتىن قورعاۋشى بار، ٴبىراق بىردە-بىر سول قاناتتا وينايتىن قورعاۋشى الماعان. كوماندادا مىندەتتى تۇردە ديسبالانس بولۋ كەرەك. مەن جۇمىس ىستەگەن كەزدەن تەك 3-4 فۋتبولشى قالعان، باسقاسى جاڭا ويىنشىلار. ماۋسىم ارالىق ٴۇزىلىس كەزىندە سۋپەر-سەلەكسيا جاسايتىن شىعار دەپ بولجاعانمىن. ويتكەنى، كلۋبتىڭ ەشقانداي قارىزى جوق ەدى. سوسىن جۇلدەلى ورىنعا تالاساتىن شىعار دەسەم، جاعداي كەرىسىنشە وربىگەن»، ­– دەيدى ديميتار ديميتروۆ «ناشا جيزن» گازەتىنە بەرگەن سۇحباتىندا.

«شاحتەر» – پرەمەر-ليگاداعى ەڭ از گول سوققان كوماندا

«شاحتەر» – قازاقستان كلۋبتارى اراسىندا العاش بولىپ، ەۋروپا ليگاسىنىڭ توپتىق كەزەڭىنە شىققان كوماندا. وعان دا كوپ بولا قويعان جوق. بەس جىلدىڭ ىشىندە جاعدايدىڭ وسىنشا تومەندەپ كەتكەنىنە جانكۇيەرلەر ىزالى.

ەكى رەت قازاقستان چەمپيونى اتانىپ، تالاي مارتە جۇلدەگە ىلىككەن كوماندانىڭ از ۋاقىتتىڭ ىشىندە قۇلدىراپ كەتكەنىنە كوپشىلىك باسشىلىقتى كىنالايدى. «شاحتەردە» سوڭعى جىلدارى باسشىلار دا جىل سايىن اۋىسادى. ونىڭ ۇستىنە بيىل «شاحتەردىڭ» قۇرىلعانىنا 60 جىل. وسىنداي مەرەيتوي كەزىندە كوماندا العاش رەت پرەمەر-ليگادان تىس قالسا، قىزىقتىڭ كوكەسى سوندا بولماق...

«شاحتەر» – وسى ماۋسىمدا پرەمەر-ليگاداعى كوماندالاردىڭ اراسىندا از جەڭىسكە جەتكەن كوماندا. نيكولاي كوستوۆ شاكىرتتەرى 29 ماتچتىڭ تەك التاۋىن عانا ۇتقان. سونداي-اق گول سوعۋدان جاعدايى تىم ناشار. «كەنشىلەر» قارسىلاس قاقپاسىنان تەك 23 مارتە ساڭىلاۋ تاپقان.

كلۋبتا سەلەكسيالىق جۇمىس كەزىندە ەلىمىزدەگى ەڭ تانىمال شابۋىلشىلاردىڭ ٴبىرى بولعان مۇرات تىلەشەۆ جاۋاپتى. ٴبىراق قازاقستاننىڭ ٴۇش دۇركىن سۇرمەرگەنى قاراعاندىعا گول سوعاتىن ٴبىر شابۋىلشى تاۋىپ بەرە المادى.

قاراعاندى كلۋبى شابۋىلشىلارىنىڭ كورسەتكىشتەرىنە توقتالىپ وتسەك: سەرگەي شافف – 23 ويىندا 2 گول، دانيەل سۋبوتيچ – 9 ويىن 0 گول، ايدوس تاتتىبايەۆ – 5 ويىن 0 گول، الەكساندر ميگۋنوۆ – 15 ويىن 1 گول، ورالحان ومىرتايەۆ ­ – 19 ويىن 1 گول.

كوماندانىڭ قازىرگى سۇرمەرگەنى – چەرنوگوريالىق جارتىلاي قورعاۋشى دمير كوياشەۆيچ. ول وسى ماۋسىمدا 22 ويىندا 7 گول سوققان.

«قازاقستانداعى فۋتبول كلۋبتارىنىڭ بارلىعى جەرگىلىكتى اكىمدەرگە بايلانىستى. ەگەر، وبلىس باسشىسى سپورتتى ونىڭ ىشىندە فۋتبولدى جاقسى كورسە، وندا ول ايماقتىڭ كلۋبى جوعارى ورىنداردا جۇرەدى. ٴبىر كەزدەرى قاراعاندى وبلىسىندا دا جاعداي ٴدال وسىلاي بولدى. اسىرەسە، 2011-2014 جىلدار ارالىعىندا. «كەنشىلەر» كلۋبى 2 رەت قازاقستان چەمپيونى اتاندى، سۋپەركۋبوك يەلەندى. ەڭ باستىسى، وتاندىق كوماندالار اراسىندا العاش بولىپ ەۋروپا ليگاسىنىڭ توپتىق كەزەڭىنە شىقتى. بۇدان كەيىن بارلىعىنا قاراعاندىدا فۋتبول دامىپ كەتەتىندەي كورىنگەن. سول كەزدەگى باسشىلىق ٴتىپتى، جاڭا ستاديون سالىناتىنىن ايتىپ ۋادە بەرگەن. ٴقازىر ٴبارى قالدى. قاراعاندىدا ۇلكەن فۋتبول دا، فۋتزال دا بولعان. بۇگىن تاڭدا ەكەۋى دە جوق. وعان جەرگىلىكتى باسشىلىقتان باسقا ەشكىم كىنالى ەمەس. ايتپەسە، قاراعاندىدا تالانتتى فۋتبولشىلار وتە كوپ»، – دەيدى سپورت ساراپشىسى بەك تولەۋوۆ.

تالانتتار كوپ شىعاتىن ايماقتاردىڭ كلۋبتارى نەگە قيىن جاعدايعا ٴجيى تاپ بولادى؟

قازاقستاندا تاراز، قاراعاندى، پاۆلودار وبلىستارىنان تالانتتى فۋتبولشىلار كوپ شىعادى. اسىرەسە، اۋليەاتا وڭىرىندە. ۇلتتىق قۇرامادا جۇرگەندەردىڭ كوبىسى سول ايماقتان شىققان فۋتبولشىلار. «تاراز» 1996 جىلى قازاقستاننىڭ جوعارى ليگاسىندا جەڭىسكە دە جەتكەن. ال بيىل ٴبىرىنشى ليگادا وينادى.

قازاقستاندا ازىرگە بەس رەتتەن چەمپيون اتانعان ەكى كوماندا بار. ونىڭ بىرەۋى «اقتوبە» بولسا، ەكىنشىسى ٴبىز ٴسوز ەتىپ وتىرعان وسى «ەرتىس». پاۆلودارداعى فۋتبولدىڭ دا جاي-كۇيى بەلگىلى بولىپ قالدى. كەرەكۋدە دۇنيەگە كەلگەن تالعات بايسۋفينوۆ، سەرگەي تيموفەەۆ، الەكساندر فاميلسەۆ، ۆيكتور زۋبارەۆ، ويرات ٴسادۋوۆ، دميتريي شومكو جانە ت.ب بىرنەشە فۋتبولشى ۇلتتىق قۇرامادا ونەر كورسەتتى. كەيىننەن قۇرامانىڭ باس باپكەرى دە بولعاندارى بار.

قاراعاندى دا ٴدال سولاي. كەڭەس وداعىنىڭ وزىندە «شاحتەر» الماتىنىڭ «قايراتىنان» كەيىنگى ەكىنشى كوماندا بولعان. سەرگەي ميششەنكو، رۋسلان يمانقۇلوۆ، اندرەي فينونچەنكو سەكىلدى فۋتبولشىلار ۇزاق ۋاقىت وسى كوماندا ساپىندا وينادى.

2011-2012 جىلدارى «شاحتەر» ەكى جىل قاتارىنان چەمپيون اتانعان سوڭ، كلۋبتىڭ بيۋدجەتى ٴوستى. مىسالى، ەڭ العاش رەت 2012 جىلى 2 ميلليارد تەڭگەگە جەتتى. ال 2013 جىلى «شاحتەردىڭ» جۇلدىزدى ٴساتتى بولدى. كوماندا العاش ەۋروكۋبوك ويىندارىنىڭ توپتىق كەزەڭىنە شىقتى. سول جىلى كلۋبتىڭ قارجىسى 3،3 ميلليارد تەڭگە بولدى. ونىڭ 700 ميلليونى ۋەفا-دان ٴتۇستى. 34 ميلليون ستاديونعا جينالعان جانكۇيەرلەردىڭ بيلەتىنەن جينالعان. سونىڭ 1، 8 ميللياردىڭ فۋتبولشىلاردىڭ جالاقىسىنا جۇمسالعان (55 پايىز).

سوڭعى جىلدارى «شاحتەردىڭ» بيۋدجەتتى كۇرت تومەندەپ كەتتى. 2016 جىلدان بەرى كلۋبقا 1 ميلليارد تەڭگە كولەمىندە عانا قارجى ٴبولىنىپ ٴجۇر.

«پاۆلودار مەن قاراعاندى – كەڭەس وداعى كەزىنەن بەرى بىزدەگى فۋتبولى دامىعان قالالار بولىپ سانالادى. بۇل تۇرعىدان ورال، پەتروپاۆل، ٴتىپتى، قوستانايدىڭ ٴوزى رەنجي قويماس. شىنىمەن دە، ەكەۋى دە ەلىمىزدەگى فۋتبولشىلاردىڭ ۇستاناحاسى بولاتىن. وكىنىشتىسى، «شاحتەر» مەن «ەرتىس» بيىل پرەمەر-ليگادا جوعارى ورىندارعا ەمەس، تەك قالۋعا تالپىنىپ جاتىر. بۇل ٴبىزدى ويلاندىرماي قويمايدى»، – دەيدى تانىمال فۋتبول ارداگەرى يۋسۋپ ششاديەۆ «sports.kz» سايتىنا بەرگەن سۇحباتىندا.

ەرنۇر قوجاگەلدى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي