BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سادريددين احمەدوۆ قارسىلاسىن نوكاۋتپەن جەڭدى

استانا، baq.kz. جاستار اراسىندا الەم چەمپيونى، قازاقستاندىق بوكسشى سادريددين احمەدوۆ كانادانىڭ ريمۋسك قالاسىنداعى le centre financiere sun life ويىن-ساۋىق كەشەنىندە وتكەن بوكس كەشىندە جەكپە-جەك وتكىزدى.

قارسىلاسى 27 جاستاعى مەكسيكالىق حوسە فرانسيسكو سۋنيگا (14-11-2، 5 كو) بولدى. التى راۋندقا ەسەپتەلگەن ٴبىرىنشى ورتا سالماق بويىنشا جەكپە-جەكتە احمەدوۆ ۋاقىتىنان بۇرىن جەڭىسكە جەتتى. ول قارسىلاسىن ەكىنشى راۋندتا نوكاۋتقا ٴتۇسىردى. وسىلايشا قازاقستاندىق بوكسشى كاسىپقوي بوكستاعى كارەراسىندا بەسىنشى رەت جەكپە-جەكتى ەرتە اياقتاپ وتىر. ال ونىڭ قارسىلاسى 12-رەت جەڭىلىس تاپتى.

ەسكە سالا كەتسەك، سادريددين احمەدوۆ 7 ٴساۋىر كۇنى كاسىپقوي بوكستاعى العاشقى جەكپە-جەگىن وتكىزگەن بولاتىن. ول 31 سەكۋندتىڭ ىشىندە مەكسيكالىق توني باررەراستى (1-2، 1 كو) جەڭىپ، ودان كەينى اريەل الەحاندرو سامپەدريمەن (9-5، 7 كو)، گۋستاۆو گاريبايمەن (14-11-2، 6 كو) جانە حەسۋس حاۆەر مەندوسپەن (7-6-1، 6 كو) كەزدەسىپ، ولاردى نوكاۋتقا تۇسىرگەن بولاتىن.

سادريددين احمەدوۆتىڭ كەلەسى جەكپە-جەگى 14 جەلتوقسانعا جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي