BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحتارحان دىلدابەكوۆ جاڭا قىزمەتكە تاعايىندالدى

استانا، baq.kz. قر ۇلتتىق سپورت قاۋىمداستىعى قۇرامىنداعى رەسپۋبليكالىق «كوكپار» جانە «اۋدارىسپاق» فەدەراسيالارىنىڭ باسشىلىق قۇرامىنا وزگەرىستەر ەندى. قۇرىلتايشىلاردىڭ جالپى جينالىسىنىڭ حاتتاماسىنا سايكەس، رەسپۋبليكالىق «كوكپار» فەدەراسياسىنىڭ پرەزيدەنتى بولىپ دىلدابەكوۆ مۇحتارحان قوبىلانبەك ۇلى، ال رەسپۋبليكالىق «اۋدارىسپاق» فەدەراسياسىنىڭ پرەزيدەنتى بولىپ قوبىلاندين دانيار جاڭاباي ۇلى تاعايىندالدى.

داڭقتى بوكسشى مۇحتارحان دىلدابەكوۆ ەسىمى سپورتسۇيەر قاۋىمعا جاقسى تانىس. ٴبىراق، ەكى وليمپيادا ويىندارىندا باق سىناعان، سيدنەي وليمپياداسىنىڭ كۇمىس جۇلدەگەرى، ٴحىى ازيالىق ويىندارىنىڭ جەڭىمپازى، ٴحىv ازيالىق ويىندارىنىڭ كۇمىس جۇلدەگەرى، الەم چەمپيوناتىنىڭ كۇمىس جۇلدەگەرى اتانعان اتاقتى بوكسشىنىڭ ۇلكەن سپورتقا دەيىن دودابۇزار كوكپارشى بولعانىن ەكىنىڭ ٴبىرى بىلە بەرمەيدى.

تانىستىرىپ وتەلىك، مۇحتارحان دىلدابەكوۆ 1976 جىلى تۇركىستان وبلىسى ماقتارال اۋدانى، اباي اۋىلىندا دۇنيەگە كەلگەن. قازاقستان رەسپۋبليكاسىنىڭ ەڭبەك سىڭىرگەن سپورت شەبەرى. ٴبىلىمى جوعارى. م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى، ق.ا.ياساۋي اتىنداعى حالىقارالىق قازاق -تۇرىك ۋنيۆەرسيتەتىن ٴتامامداعان. «پاراسات» وردەنىنىڭ يەگەرى، وڭتۇستىك قازاقستان وبلىسىنىڭ قۇرمەتتى ازاماتى.

بوكس قولعابىن شەگەگە ىلگەن 2006 جىلدان مۇحتارحان دىلدابەكوۆ شىمكەنت قالاسىنىڭ №5 بوكستان وليمپيادا رەزەرۆىنىڭ ماماندىرىلعان بالالار مەن جاسوسپىرىمدەر سپورت مەكتەبىنىڭ ديرەكتورى، 2008 جىلدان وسى ۋاقىتقا دەيىن «وڭتۇستىك قازاقستان وبلىسىنىڭ بوكستان وليمپيادا رەزەرۆىن دايىندايتىن بالالار مەن جاسوسپىرىمدەردىڭ ماماندىرىلعان سپورت مەكتەبىنىڭ» ديرەكتورى قىزمەتتەرىن اتقارىپ كەلدى.

الايدا، ات جالىن تارتىپ مىنگەننەن كوكپارقۇمار بولعان مۇحتارحان دىلدابەكوۆ وسى جىلدار ارالىعىندا وڭتۇستىك وڭىردە ٴجيى ۇيىمداستىرىلاتىن جاپپاي كوكپاردىڭ دوداسىنان دا الىس كەتكەن ەمەس. سوندىقتان بولار، اتاقتى بوكسشىنىڭ كوكپارشىلىعى تۋرالى كەزىندە بۇقارالىق اقپارات قۇرالدارىندا كولەمدى ماقالالار مەن سۇحباتتار از جاريالانعان جوق.

مىنە، بوكس جانكۇيەرلەرى مەن كوكپار جانكۇيەرلەرىنە اتى ٴماشھۇر بولىپ كەلگەن مۇحتارحان دىلدابەكوۆ ەندى رەسپۋبليكالىق كوكپار فەدەراسياسىنىڭ پرەزيدەنتى بولىپ تاعايىندالدى. جۇدىرىعى گۇرزىدەي مۇحتارحان دىلدابەكوۆ شارشى الاڭدا ۇزاق جىل اتوي سالىپ، قازاق ۇلتىنىڭ مەرەيىن ٴوسىردى. ەندى ەلىمىزدىڭ كوكپار تىزگىنىن قولعا العان مۇحتارحانعا ۇلتتىق ونەرىمىزدىڭ بەدەلىن ارتتىرىپ، كوماندالىق كوكپار ويىنىن الەمدىك دەڭگەيگە كوتەرەدى دەگەن سەنىم ارتىلىپ وتىر. بۇعان دەيىن ٴوزى قادام باسقان سالاسىندا تاباندىلىق تانىتىپ كەلگەن مۇحتارحان دىلدابەكوۆ ەل سەنىمىنىڭ ۇدەسىنەن شىعا بىلگەن ازاماتتىڭ ٴبىرى.

ال، رەسپۋبليكالىق «اۋدارىسپاق» فەدەراسياسىنىڭ پرەزيدەنتى بولىپ تاعايىندالعان قوبىلاندين دانيار جاڭاباي ۇلى جايلى ماعلۇمات تومەندەگىدەي.

دانيار قوبىلاندين 1984 جىلى الماتى قالاسىندا دۇنيەگە كەلگەن. ٴبىلىمى جوعارى. ل. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ، قر پرەزيدەنتى جانىنداعى مەملەكەتتىك باسقارۋ اكادەمياسىنىڭ تۇلەگى. ەڭبەك جولىن اقتوبە وبلىسى پروكۋراتۋراسىنان باستاعان. قر كولىكتىك باقىلاۋ كوميتەتىندە، قر پرەزيدەنت اكىمشىلىگىندە، الماتى قالاسى اكىمدىگىندە قىزمەت ەتكەن. قازىرگى كەزدە جەكە كاسىپكەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي