BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

استانادا قىسقى مارافون وتەدى

استانا، baq.kz ٴتىلشىسى. 23 جەلتوقساندا استانادا قازاقستاننىڭ دەنساۋلىق ەلشىلەرى مارات جىلانبايەۆتىڭ جانە يبراگيم ەسكەندىردىڭ قاتىسۋىمەن «مۇمكىندىك شەگىنەن تىس» ۇرانىمەن جىل سايىنعى ٴ2-شى «اstana winter marathon-2018» مارافونى وتەدى. مارافون ترياتلون پاركىندە وتەدى.

300-دەن استام ادام قازاقستاننىڭ، رەسەي جانە ۋكراينادىڭ ٴارتۇرلى قالالارىندا دا جۇگىرەدى. جۇگىرۋگە 12 جاستان 74 جاسقا دەيىنگى سپورتشىلار قاتىسادى.

ۆيدەو: نۇرجاس جاقسىباي

جارىستىڭ ماقساتى – حالىقتى اۋا-رايى جاعدايىنا قاراماستان، تازا اۋادا دەنە شىنىقتىرۋمەن جانە سپورتپەن بەلسەندى تۇردە اينالىسۋعا شاقىرۋ; سپورتتىق تۋريزم سالاسىندا بۇقارالىق سپورتتى جانە استانانىڭ الەۋەتىن دامىتۋ; جاس سپورتشىلاردى قولداۋ.

جارىس باعدارلاماسى بويىنشا قاتىسۋشىلار 42 كم، 21 كم، 10 كم جانە 5 كم قاشىقتىققا جۇگىرەدى.

- 42 كم مارافون جانە 21 كم جارتىلاي مارافونعا 18 جاستاعىلار جانە ودان جوعارىلار;

- 10 كم قاشىقتىققا سەرىكتەسىپ جۇگىرۋگە 14 جاستاعىلار جانە ودان جوعارىلار (اتا-انالارىنىڭ/قامقورشىلارىنىڭ جازباشا كەلىسىمى ارقىلى);

- 5 كم قاشىقتىققا 12 جاستاعىلار جانە ودان جوعارىلار (اتا-انالارىنىڭ/قامقورشىلارىنىڭ جازباشا كەلىسىمى جانە بىرگە قاتىسۋى ارقىلى) جىبەرىلەدى.

جەڭىمپازدار مەدالدار جانە باعالى سىيلىقتارمەن ماراپاتتالادى. فينيشكە جەتكەن قاتىسۋشىلارعا ەستەلىك مەدالدار بەرىلەدى.

جارىستى وتكىزۋ كۇنى جانە ۋاقىتى: 2018 جىلعى 23 جەلتوقسان، ساع. 09.00-دەن باستاپ ساع. 15.30-عا دەيىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي