BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كونفەدەراسيا كۋبوگى: قازاق كۇرەسىنەن ىرىكتەۋ جارىسى باستالدى

فوتو: автор

استانا، baq.kz ٴتىلشىسى. بۇگىن استاناداعى «داۋلەت» سپورت كەشەنىندە «كونفەدەراسيا كۋبوگىنىڭ» قازاق كۇرەسىنەن ىرىكتەۋ جارىسى باستالدى.

2017 جىلى بەس سپورت تۇرىنەن وتەتىن بەدەلدى باسەكەنىڭ باعدارلاماسىنا قازاق كۇرەسى ەنگىزىلگەن بولاتىن. بىلتىر ىرىكتەۋگە سەگىز ايماقتان ون كلۋب قاتىسىپ، الماتىنىڭ «qazaq kuresi» سپورت كلۋبى جەڭىمپاز اتاندى. بيىل دا ەلوردادا ٴوتىپ جاتقان قازاق كۇرەسىنەن ىرىكتەۋ تۋرنيرىنە 10 كلۋب قاتىسىپ وتىر.

كوماندالىق سىندا سپورتشىلار 8 سالماق دارەجەسى بويىنشا بوز كىلەمگە شىعادى: 55 كگ، 60 كگ، 66 كگ، 74 كگ، 82 كگ، 90 كگ، 100 كگ، +100 كگ.

جارىس قر قازاق كۇرەسى فەدەراسياسىنىڭ پرەزيدەنتى ارمان شورايەۆتىڭ العىسوزىمەن باستالدى.

«داۋلەت» سپورت كەشەنى ٴبىزدىڭ كۇرەسىمىز ٴۇشىن ەرەكشە كەشەن. وسىدان 8 جىل بۇرىن تۇڭعىش رەت وسى جەردە «قازاقستان بارىسى» دوداسىن وتكىزدىك. ۇلان رىسقۇل باۋىرىمىز سول كەزدە قازاقستان بارىسى دەگەن اتاققا يە بولدى. «كونفەدەراسيا كۋبوگى» دا ٴدال سولاي قاناتىن كەڭىنەن جايىپ، ۇلكەن دوداعا اينالادى دەگەن سەنىم بار. وسىدان ٴۇش جىل بۇرىن تاراز قالاسىندا ٴبىر عانا كلۋب اشىلدى. ٴقازىر ودان ون ەسە كوبەيدى. ەكى-ۇش جىل ىشىندە قازاق كۇرەسىنەن كاسىبي كلۋبتاردىڭ سانى تاعى ەسەلەنە تۇسەدى دەپ ويلايمىن»، - دەدى ارمان شورايەۆ.

قازاقستاندا «كونفەدەراسيا كۋبوگى» وسىمەن ٴۇشىنشى جىل قاتارىنان ۇيىمداستىرىلىپ وتىر. كۋبوك 6 سپورت ٴتۇرى بويىنشا وتەدى. اتاپ ايتقاندا: بوكس، تاەكۆوندو، دزيۋدو، گرەك-ريم، قازاق جانە ەركىن كۇرەس. ونىڭ ىرىكتەۋ تۋرى ەلىمىزدىڭ ٴتورت قالاسىندا وتەدى دەپ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي