BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلجاردا «كونفەدەراسيا كۋبوگى – 2018» جارىسىنىڭ العاشقى ىرىكتەۋ تۋرى ٴوتتى

فوتو: Автор

قىزىلجاردا سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراسياسىنىڭ كۋبوگى ٴۇشىن العاشقى ىرىكتەۋ سايىسى ٴوتتى. تاەكۆان-دو، دزيۋدو، گرەك-ريم جانە ەركىن كۇرەستەردەن ۇيىمداستىرىلعان ٴتۋرنيردىڭ «د» توبىندا سولتۇستىك قازاقستان، تۇركىستان، قىزىلوردا جانە اقمولا وبلىستارىنىڭ قۇرامالارى ٴوزارا مىقتىنى انىقتادى، دەپ حابارلايدى baq.kz اقپارات اگەنتتىگىنىڭ ايماقتاعى ٴتىلشىسى.

قازاقستاندا «كونفەدەراسيا كۋبوگى» وسىمەن ٴۇشىنشى جىل قاتارىنان ۇيىمداستىرىلىپ وتىر. ونىڭ ىرىكتەۋ تۋرى ەلىمىزدىڭ 4 قالاسىندا وتەدى. كەلەسى كەزدەسۋ قازاننىڭ 13-14 كۇندەرى تالدىقورعان قالاسىندا وتەدى.

وعان الماتى، اقتوبە، قاراعاندى وبلىستارى مەن استانا جانە شىمكەنت قالالارىنىڭ قۇرامالارى قاتىسادى. ودان كەيىن سەمەيدە قازاننىڭ 20-21 كۇندەرى شىعىس قازاقستان، قوستاناي، باتىس قازاقستان جانە پاۆلودار وبلىستارىنىڭ سپورتشىلارىنىڭ شەبەرلىگى سىنالادى.

الماتى، جامبىل، ماڭعىستاۋ جانە اتىراۋ وبلىسى قۇرامالارىنىڭ كەزدەسۋى اتىراۋ قالاسىندا قازاننىڭ 27-28 جۇلدىزىندا وتەدى دەپ جوسپارلانعان. 4 كەزدەسۋ ناتيجەسىندە ٴار سپورت تۇرىنەن ٴبىر كوماندادان ىرىكتەلىپ، اقتىق سايىسقا جولداما الادى.

«وسىعان دەيىن بوكستان ىرىكتەۋ كەزەڭى ٴوتتى. 4 وبلىس قۇراماسى ىرىكتەلىپ الىندى. ەندى قاراشا ايىندا قازاق كۇرەسىنەن دە مىقتىلار انىقتالادى. سايىستىڭ ەڭ باستى ەرەكشەلىگى – بەلدەسۋلەر ٴبىر ۋاقىتتا، ٴبىر زالدا وتەدى. بۇل جارىستىڭ باستى ماقساتى – قازاقستاننىڭ بارلىق وبلىستارىنىڭ قۇرامالارى اراسىنداعى باسەكەلەستىكتى ارتتىرۋ. سول ارقىلى اتالعان سپورت تۇرلەرىن دامىتۋ. سوندىقتان، بۇل سايىستا كوماندالىق ەسەپ قانا نازارعا الىنادى. ٴار بالۋان جەڭگەن سايىن، ٴوز وبلىسىنا 1 ۇپاي اكەلەدى. دەمەك بارلىق سالماق دارەجەسى بويىنشا جاقسى دايىندىق كەرەك. مىسالى، بۇگىنگى جارىسقا اقمولا وبلىسى دزيۋدو مەن تاەكۆان-دودان كوماندا جىبەرمەگەن. بۇل – ۇلكەن ولقىلىق. دەمەك، اتالعان سپورت تۇرلەرى بويىنشا اقمولادا جۇرگىزىلىپ جاتقان جۇمىستا جۇيە جوق»، – دەيدى سپورتتىق جەكپە-جەك جانە كۇش قولدانىلاتىن سپورت تۇرلەرى كونفەدەراسياسىنىڭ وكىلى، جارىس ۇيىمداستىرۋشىسى باقىتبەك حاميت.

قىزىلجارداعى كەزدەسۋ ناتيجەسىندە گرەك-ريم كۇرەسىنەن سقو قۇراماسى، ەركىن كۇرەس پەن تاەكۆان-دودان تۇركىستان، دزيۋدودان قىزىلوردا سپورتشىلارى باسىم ٴتۇسىپ، ٴتۋرنيردىڭ فينالىنا جولداما الدى.

«جارىس العاش ۇيىمداستىرىلعان جىلى سولتۇستىك قازاقستان وبلىسىنىڭ گرەك-ريم قۇراماسى ٴۇشىنشى ورىن الدى. ال بىلتىر جولىمىز بولمادى. سوندىقتان وسى جولى كوپ دايىندالدىق. تۇركىستان وبلىسىنىڭ سپورتشىلارى مىقتى بولعانىن مويىنداۋ كەرەك. دەگەنمەن، قىزىلجارلىقتار باسىم ٴتۇستى. ەندى جەلتوقسان ايىندا الماتى قالاسىندا وتەتىن جارىسقا دايىندالامىز»، – دەيدى گرەك-ريم كۇرەسىنەن سقو قۇراماسىنىڭ اعا باپكەرى قونىسبەك تۇكەنوۆ.

كەزدەسۋ جەلتوقسان ايىندا الماتى قالاسىنداعى بالۋان شولاق اتىنداعى سپورت سارايىندا وتەدى.

«جارىس تارتىستى ٴوتتى. ٴوزىم – تۇركىستان وبلىسىنىڭ ەركىن كۇرەس قۇراما كومانداسىنىڭ مۇشەسىمىن. بۇگىنگى دوداعا ٴبىزدىڭ وڭىردەن سايدىڭ تاسىنداي ىرىكتەلگەن 6 بالۋان كەلدى. 86 كەلى سالماق جارەجەسىندە بوز كىلەمگە ٴۇش رەت شىعىپ، القاشقىسىندا قىزىلوردالىق عالىمجان نوسەربايەۆتان جەڭىلىپ قالدىم. سوڭعى ەكەۋىندە قارسىلاسىمنان باسىم ٴتۇستىم. ۇيىمداستىرۋشىلارعا العىسىم شەكسىز»، – دەدى قر سپورت شەبەرى، تۇركىستاندىق سايد اببازوۆ.

كونفەدەراسيا كۋبوگى 6 سپورت ٴتۇرى بويىنشا ۇيىمداستىرىلادى. اتاپ ايتار بولساق: بوكس، تاەكۆان-دو، دزيۋدو، گرەك-ريم، قازاق جانە ەركىن كۇرەس. بۇل قازاقستاندا وتەتىن سايىستاردىڭ ىشىندە جۇلدە قورى ەڭ كوبى. ۇيىمداستىرۋشىلاردىڭ سوزىنە قاراعاندا، 5 وليمپيادالىق سپورت ٴتۇرىنىڭ ٴارقايسىسىنا 25 ميلليون تەڭگەدەن بولىنگەن. قازاق كۇرەسى ەلىمىزدە جاڭا دامىپ كەلە جاتقان سپورت ٴتۇرى بولعاندىقتان ونىڭ جۇلدە قورى 20 ميلليون تەڭگە.

فوتولار: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي