BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاننىڭ العاشقى دەنساۋلىق ەلشىسى بوكستان تمد چەمپيونى اتاندى

ماسكەۋدە وتكەن كاسىپقوي بوكس كەشىندە ٴانشى، قازاقستاننىڭ العاشقى دەنساۋلىق ەلشىسى يبراگيم ەسكەندىر قارسىلاسىن نوكاۋتقا ٴتۇسىرىپ، چەمپيوندىق بەلبەۋدى يەلەندى.

يبراگيم ەسكەندىر ٴازىربايجاندىق انار ابدۋللايەۆپەن شارشى الاڭعا شىعىپ، 90،7 كگ اۋىر سالماقتا pro box نۇسقاسى بويىنشا تمد چەمپيونى تيتۋلىنا تالاسقان بولاتىن. 10 راۋندقا ەسەپتەلگەن جەكپە-جەكتە قازاقستاندىق بوكسشى العاشقى ٴۇش مينۋتتا-اق نوكاۋتپەن جەڭىسكە جەتتى.

ەلگە جەڭىسپەن ورالعان كاسىبي بوكسشى جەڭىسىن تاۋەلسىزدىك مەرەكەسىنە ارناعانىن اتاپ ٴوتتى.

«تاۋەلسىزدىك قارساڭىندا رينگكە شىققان مەن ٴۇشىن ەرەكشە رۋح بەردى. اتا-بابالارىمىز تاۋەلسىزدىك ٴۇشىن كۇرەسكەن، بۇگىنگى قازاقستاننىڭ ۇرپاعى تاۋەلسىزدىكتى ساقتاپ قالۋمەن كۇرەسۋىمىز كەرەك. ول ونەر، سپورت، عىلىم جولى بولۋى مۇمكىن. ٴاربىر قازاقتىڭ بالاسى تۋ كوتەرسەم دەپ ارماندايتىن بولسا، ٴبىزدىڭ ەلىمىز جامان بولمايدى»، - دەدى بوكسشى.

«كوك تۋدىڭ جەلبىرەگەنى» انىمەن حالىققا تانىلعان يبراگيم ەسكەندىر سوڭعى جىلدارى بوكستان كورىنىپ ٴجۇر. بۇل – ونىڭ كاسىپقوي مانسابىنداعى التىنشى جەكپە-جەگى. بۇعان دەيىن ول 5 جەكپە-جەكتە دە نوكاۋت جاساعان بولاتىن.

ايتا كەتسەك، قازان ايىندا دەنساۋلىق ساقتاۋ ٴمينيسترى ەلجان ٴبىرتانوۆ ەلىمىزدىڭ بەلگىلى سپورتشىلارى، انشىلەرىمەن كەزدەسۋ وتكىزىپ، ولارعا «دەنساۋلىق ەلشىسى» اتاعىن بەرگەن بولاتىن. ولاردىڭ قاتارىندا ٴانشى، كاسىبي بوكسشى يبراگيم ەسكەندىر بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي