BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق سپورتشىلار دوپينگ بويىنشا قىلمىستىق جازاعا تارتىلمايدى - مينيسترلىك

استانا، baq.kz. قازاقستاندا سپورتشىلار دوپينگ ٴۇشىن قىلمىستىق جاۋاپكەرشىلىككە تارتىلمايدى. بۇل تۋرالى مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ٴباسپاسوز حاتشىسى راۋحان توعىمبايەۆا ايتتى.

"دوپينگ ٴۇشىن قىلمىستىق جاۋاپكەرشىلىك قاراستىرىلمايدى. باس پروكۋراتۋرا بىلتىر ٴبىزدىڭ ۇسىنىمىزدى قابىلداماعان ەدى. قازىرگى جاڭا زاڭنامادا ەندى اكىمشىلىك جاۋاپكەرشىلىك قانا قاراستىرىلادى. ياعني سپورتتىق اتاعىنان ايىرۋ، باسپاناسىن قايتا تارتىپ الۋ، ۇلتتىق كوماندا قۇرامىنان الىپ تاستاۋ، جارىستاردان شەتتەتۋ، اقشالاي وتەماقىنى قايتارۋ جازالارى قولدانىلادى"، - دەيدى راۋحان توعىمبايەۆا.

ٴبىراق ٴباسپاسوز حاتشىسى قازىرگى زاڭنامادا باسپانانى قايتا تارتىپ الۋ، اقشالاي سىياقى مەن سپورتتىق اتاقتاردى قايتارۋ ماسەلەسىنىڭ قاراستىرىلماعانىن ايتتى.

"دوپينگ قولدانعانى ٴۇشىن سپورتشى عانا ەمەس، مامانداردىڭ بارلىعى جاۋاپكەرشىلىككە تارتىلادى. ياعني سپورتشىنىڭ دوپينگ قولدانۋىنا جول بەرگەن مەديسينالىق قىزمەتكەرلەر مەن باپكەرلەر دە جازادان تىس قالمايدى. سونداي-اق، سپورتشىنىڭ 10 جىل بويى باسپانانى ٴوز اتىنا جازدىرا المايتىنى ايتىلادى. سەبەبى دوپينگ سىنامالارى 10 جىل ساقتالادى"، - دەپ ٴتۇسىندىردى راۋحان توعىمبايەۆا.

بۇدان بولەك، قازىرگى ۇسىنىلىپ وتىرعان زاڭنامادا دوپينگپەن ۇستالعان سپورتشىنىڭ 50 ايلىق ەسەپتىك كورسەتكىش كولەمىندە ايىپپۇل تولەيتىنى ايتىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي