BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاريحتا تۇڭعىش رەت قازاقستاندىق شاحماتشى ٴاچ شيرەك فينالىنا شىقتى

استانا، baq.kz. 3-23 قاراشا ارالىعىندا حانتى-مانسييسكىدە (رەسەي) ايەلدەر اراسىندا الەم چەمپيوناتى وتەدى. جەرلەسىمىز جانسايا ابدىمالىك جارىستىڭ ¼ فينالىنا شىقتى. بۇل تۋرالى قازاقستان شاحمات فەدەراسياسىنىڭ ٴباسپاسوز قىزمەتى حابارلادى.

بۇعان دەيىن قازاقستاننىڭ شاحمات تاريحىندا سپورتشىلاردىڭ ٴتورتىنشى راۋندقا دەيىن جەتكەن جەتىستىگى بولعان ەمەس. العاش رەت مۇنداي دارەجەگە جانسايا ابدىمالىك جەتتى.

«ەرەسەكتەر اراسىندا قاتىسىپ جاتقان العاشقى چەمپيوناتىم. ماعان وڭاي بولمايتىنىن ٴتۇسىندىم. سەبەبى قارسىلاستارىم – تاجىريبەلى، تيتۋلى كوپ سپورتشىلار. بۇعان دەيىن جاسوسپىرىمدەر مەن 20 جاسقا دەيىنگىلەردىڭ اراسىندا الەم چەمپيوناتىندا جەڭگەنمىن»، - دەپ ٴبولىستى جانسايا.

حانتى-مانسييسكىدەگى «ۋگرا» شاحمات اكادەمياسىنا الەمنىڭ 29 ەلىنەن 64 ۇزدىك سپورتشى الەم چەمپيونى اتانۋعا جينالدى. جارىس نوكاۋت-تۋرنير جۇيەسى بويىنشا ٴوتىپ جاتىر. ياعني، ويىنشى ٴبىر رەت جەڭىلسە، جارىستان شىعىپ قالادى. ٴار راۋند سايىن قاتىسۋشىلاردىڭ سانى ەكى ەسە ازايا بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي