BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاتار كۋبوگى: قازاقستان قۇراماسى نەشە مەدال الدى

استانا، baq.kz. قازاقستاندىق راۋشان مەشىتحانوۆا اۋىر اتلەتيكادان مارەگە جەتكەن كاتار كۋبوگى تۋرنيرىندە كۇمىس جۇلدەگەر اتاندى. بۇل تۋرالى قر ۇلتتىق وليمپيادا كوميتەتى مالىمدەدى.

ۇلتتىق وليمپيادا كوميتەتىنىڭ مالىمەتىنشە، راۋشان 2020 جىلعى توكيو وليمپياداسى قارساڭىندا ليسەنزيالىق تۋرنيرلەردىڭ ٴبىرى بولىپ تابىلاتىن اتالمىش جارىستا 87 كەلى سالماقتاسىنعا ٴتۇستى. قازاقستاندىق اتلەت جۇلقا كوتەرۋدەن 100 كەلىنى كوتەرىپ، جەڭىمپاز اتاندى. سەرپە كوتەرۋدەن 115 كەلىنى باعىندىرىپ، ەكىنشى ورىنعا كوتەرىلدى. قوس سايىس قورىتىندىسىندا 215 كەلىنى ەڭسەرگەن قازاق قىزى تۋرنيردە ۇزدىك شىققان ۆەنگريالىق اتلەتتەن 1 كەلىگە عانا قالىپ قويدى.

اتالمىش تۋرنير بارلىق سالماق ٴتۇرى بويىنشا وتەتىن، 2020 جىلعى وليمپيادا ويىندارىنا ليسەنزيا بەرۋ بويىنشا ٴىرى جارىستاردىڭ ٴبىرى.

سايىستىڭ العاشقى كۇنى اۋىر اتلەتتەر فارحاد حاركي مەن ارلي چونتەي ٴتورتىنشى ورىن يەلەنگەن. يگور سون بولسا قازاقستان قۇراماسىنىڭ قورجىنىنا كۇمىس مەدال سالعان.

نيجات راحيموۆ (73 كەلىگە دەيىنگى سالماقتا) قولا مەدال يەلەنگەن ەدى.

سونىمەن بىرگە، قوس سايىستىڭ بىرىنەن ورىن العانى ٴۇشىن بەرىلەتىن «كىشى» مەدالعا ايدار قازوۆ (81 كەلىگە دەيىنگى سالماقتا، سەرپە كوتەرۋ)، كارينا گوريچەۆا (64 كەلىگە دەيىنشى سالماقتا، سەرپە كوتەرۋدە) يە بولدى.

سونىمەن بىرگە، 89 كەلىگە دەيىنگى سالماقتا ونەر كورسەتكەن رۇستەم سىباي قوس سايىستىڭ قورىتىندىسى بويىنشا ٴ8-شى ورىننان كورىندى.

جاراقات الۋىنا بايلانىستى ليسەنزيالىق ٴتۋرنيردىڭ پوموستىنا يليا يلين شىعا الماي قالعان ەدى. باپكەرلەر قۇرامى اۋىر اتلەتكە سايىسقا قاتىسۋعا رۇقسات بەرمەگەن.

«ٴبىز يليانىڭ اۋىر جاراقات الۋىن بولدىرماۋ كەرەك دەپ شەشتىك. ەم جۇرگىزىلىپ، دەنساۋلىعىن قالپىنا كەلتىرۋ پروسەسى جۇرگىزىلىپ جاتقانىنا قاراماستان، جاتتىعۋ كەزىندە ومىترتقاسى قايتا سىر بەردى. ناتيجەگە قول جەتكىزۋگە بارىنشا تىرىسۋعا بولار ەدى، ٴبىراق ونداي جاعدايدا بەلدى ٴۇزىپ الۋ ٴقاۋپى بار-تىن. جاتتىقتىرۋشىلار شتابى ونى پوموستقا جىبەرمەۋ تۋرالى شەشىم قابىلدادى، ويتكەنى الداعى ۋاقىتتا باسىمدىققا يە باسەكەلى سايىستار بار»، - دەدى اۋىر اتلەتيكادان قر ۇلتتىق قۇراماسىنىڭ باس باپكەرى يۋريي مەلنيكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي