BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يليا يلين «كاتار كۋبوگى» حالىقارالىق تۋرنيرىنە قاتىسادى

استانا، baq.kz. كاتار استاناسى دوحادا 19-23 جەلتوقسان ارالىعىندا «كاتار كۋبوگى» حالىقارالىق ٴتۋرنيرى وتەدى. اۋىر اتلەتتەردىڭ بۇل باسەكەسى 2020 جىلعى وليمپيادا ويىندارىنا ىرىكتەۋ كەزەڭى اياسىنداعى جارىستار قاتارىنا ەنەدى.

قازاقستان اۋىر اتلەتيكا فەدەراسياسىنىڭ ٴباسپاسوز قىزمەتى حابارلاعانداي، دوحاداعا دودا وليمپيادالىق سالماق دارەجەلەرى بويىنشا وتەدى. جارىسقا قازاقستان اتىنان 9 اۋىر اتلەت قاتىسادى. ولاردىڭ قاتارىندا يليا يلين دە بار، دەپ جازدى vesti.kz.

«كاتار كۋبوگى» حالىقارالىق تۋرنيرىنە قاتىسۋشىلار قاتارىندا يليننەن وزگە ارلي چونتەي (61 كگ)، يگور سون (61 كگ)، فارحاد حاركي (67 كگ)، نيجات راحيموۆ (73 كگ)، ايدار قازوۆ (81 كگ)، رۇستەم سىباي (96 كگ)، كارينا گوريچەۆا (64 كگ) جانە راۋشان مەشىتحانوۆا (87 كگ) بار.

«وليمپياداعا ەكىنشى ىرىكتەۋ كەزەڭى بولىپ سانالاتىن بۇل ٴتۋرنيردىڭ ٴبىز ٴۇشىن ماڭىزى جوعارى. «كاتار كۋبوگى» حالىقارالىق تۋرنيرىنە قاتىسۋ سپورتشىلارعا رەيتينگتىك ۇپاي سىيلايدى. بۇل الەم چەمپيوناتىنا قاتىسا الماي قالعان نەمەسە تومەن ناتيجە كورسەتكەن اۋىر اتلەتتەر ٴۇشىن ٴبىر مۇمكىندىك. بۇل الەم چەمپيوناتىنان كەيىنگى از ۋاقىت ىشىندە وتكەلى جاتقان جارىس. سوندا دا جوعارى ناتيجە كورسەتۋگە تىرىسامىز»، - دەدى قر ۇلتتى قۇراماسىنىڭ باس جاتتىقتىرۋشىسى يۋريي مەلنيكوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي