گولوۆكيندى نوكاۋتپەن جەڭگىم كەلەدى – «كانەلو» - سپورت|09 تامىز 2017، 09:52
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گولوۆكيندى نوكاۋتپەن جەڭگىم كەلەدى – «كانەلو»

فوتو: Golden Boy Promotions

ەكى سالماق دارەجەسىندە الەمنىڭ بۇرىنعى چەمپيونى مەكسيكالىق ساۋل «كانەلو» الۆارەس ورتا سالماقتا wba (super)، ibo، wbc جانە ibf تۇجىرىمدارى بويىنشا الەم چەمپيونى گەنناديي گولوۆكيندى نوكاۋتپەن جەڭگىسى كەلەتىنىن مالىمدەدى، دەپ حابارلايدى baq.kz اقپارات اگەنتتىگى vesti.kz-كە سىلتەمە جاساپ.

«جەكپە-جەكتىڭ لاس-ۆەگاستا وتەتىنى مەن ٴۇشىن ٴتيىمدى بولا ما؟ جوق. گولوۆكين تاجىريبەسى مول بوكسشى. گولوۆكيننىڭ كومانداسى مەنىڭ سوققىمنىڭ كۇشىن باعالاماي وتىر دەمەيمىن. بوكستا ٴبارى دە مۇمكىن. اسىرەسە نوكاۋتپەن جەڭىسكە جەتىپ جۇرگەن ەكى جىگىت جايلى ٴسوز بولعاندا. ارينە، گولوۆكيندى نوكاۋتپەن جەڭگىم كەلەدى»، - دەپ كەلتىرەدى الۆارەستىڭ ٴسوزىن fansided.com ٴجۋرناليسى دجەك يورگەنسەن.

ال sherdog پورتالىنا بەرگەن سۇحباتىندا الۆارەس فلويد مەيۆەزەرمەن جۇدىرىقتاسقان زاماننان بەرى بوكسشى رەتىندە مىقتىراق بولا تۇسكەنىن ايتتى.

«سەنىم پايدا بولىپ، تاجىريبە جينادىم. گولوۆكيننىڭ السىزدىكتەرى بار، وسى تۇستا جۇمىس ىستەپ جاتىرمىز. 16 قىركۇيەكتە ونىڭ السىزدىكتەرىن كورسەتىپ بەرەمىز»، - دەدى «كانەلو».

ايتا كەتەيىك، مۇنىڭ الدىندا گولوۆكين مەكسيكالىقتى نوكاۋتپەن جەڭگىسى كەلەتىنىن مالىمدەگەن ەدى. ايتۋىنشا، ول دالباسا اڭگىمەسى ٴۇشىن پروموۋتەرلەرىن «جازالاپ»، تيتۋلدارىن ۇزاق ۋاقىتقا ساقتاپ قالعىسى كەلەدى.

ەسكە سالايىق، گولوۆكين - الۆارەس جەكپە-جەگى 16 قىركۇيەكتە لاس-ۆەگاستا 20 مىڭ ادامدىق t-mobile ارەناسىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي