BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گالىشەۆا مەن رەيحەرد ۇزدىكتەر قاتارىنان كورىندى

فوتو: ‎аltaynews.kz

استانا، baq.kz. يۋليا گالىشەۆا مەن دميتريي رەيحەرد فريستايلدىڭ موگۋل تۇرىنەن قىتايدا وتكەن الەم كۋبوگىنىڭ كەزەڭىندە جۇلدەگەرلەر قاتارىنان كورىندى. بۇل تۋرالى altaynews.kz سايتى حابارلايدى.

ەكى كۇنگە سوزىلعان دودادا الدىمەن رەيحەرد كوزگە ٴتۇستى. ٴبىرىنشى جارىس كۇنى سپورتشىلار جەكەلەي سىندا ونەر كورسەتكەن بولاتىن. بۇل كۇنگى ەرلەر اراسىنداعى سايىسقا ٴۇش شىعىسقازاقستاندىق فريستايلشى – دميتريي رەيحەرد، پاۆەل كولماكوۆ پەن الەكساندر گەبەرت قاتىسىپ، ناتيجەسىندە ونىڭ بىرەۋى، 86،92 ۇپاي جيناعان رەيحەرد ٴۇشىنشى ورىنعا تابان تىرەدى.

ال قىزدار باسەكەسىنە قاتىسقان ەكى جەرلەسىمىز – يۋليا گالىشەۆا مەن اياۋلىم امىرەنوۆا سايكەسىنشە ٴ4-شى جانە ٴ28-شى ناتيجەلەر كورسەتتى.

ەسەسىنە، قىزدارىمىز ەكىنشى كۇنگى جۇپتىق سىنداردا تاۋىرلەۋ ناتيجە كورسەتە الدى. اتاپ ايتساق، الدىنا تەك امەريكالىق دجەلين كاۋف پەن فرانسيالىق پەررين لاففوندى عانا جىبەرگەن يۋليا گالىشەۆا ٴۇشىنشى ورىننان كورىنسە، اياۋلىم امىرەنوۆا ٴ16-شى ساتىعا دەيىن كوتەرىلدى.

وسىلايشا جەرلەستەرىمىز ەلىمىزدىڭ تاۋەلسىزدىك كۇنىمەن تۇسپا-تۇس كەلگەن جارىستا قوس جۇلدەگە قول جەتكىزىپ، وتانداستارىنا تاماشا مەرەكەلىك سىيلىق جاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي