استانا: 
ەلباسىنىڭ «بولاشاققا باعدار، رۋحاني جاڭعىرۋ» باعدارلاماسى اياسىندا، سونداي-اق استانا قالاسى مكقب جەكە قۇرامىنا سالاۋاتتى ٴومىر سالتىن ناسيحاتتاۋ، سپورت شەبەرلىگىن ارتتىرۋ جانە ۇجىمدا مورالدى-پسيحولوگيالىق احۋالدى قالىپتاستىرۋ ماقساتىندا استانادا كۇزەت قىزمەتى باسقارماسى بولىنىستەرىنىڭ اراسىندا فۋتبولدان جارىس ٴوتتى، دەپ حابارلايدى baq.kz اقپارات اگەنتتىگى.
جارىس مەملەكەتىمىزدىڭ انۇرانىمەن اشىلىپ، باسقارما باستىعىنىڭ ورىنباسارى پوليسيا مايورى وماروۆ ورالبەك ٴتاۋباقابىل ۇلى قۇتتىقتاۋ ٴسوزىن جانكۇيەرلەرگە جانە كوماندا ويىنشىلارىنا جولدادى.
قۇتتىقتاۋ ٴسوز كاسىبي دايارلىق اعا ينسپەكتورى ا. تولەگەنوۆتىڭ ٴۇن تاسپامەن قويعان اسەم انمەن جالعاسىپ، قاتىسۋشىلاردىڭ كوڭىلدەرىن ٴبىر سەرگىتىپ تاستادى.
تارتىستى وتكەن جارىستا جۇلدەلى ٴىىى-ورىندى باسقارما اپپاراتىنان قۇرالعان كومانداسى الدى، ٴىى-ورىنعا 3-پوليسيا باتالونىنىڭ كومانداسى يە بولدى، ال جۇلدەلى ٴى-ورىندى 1-پوليسيا باتالونىنىڭ كومانداسى جەڭىپ الدى.
جارىسقا بەلسەندى قاتىسقانى ٴۇشىن 2-پوليسيا باتالونىنىڭ كومانداسى ارنايى گروماتامەن ماراپاتتالدى.
جارىستىڭ ۇزدىك نوميناسيالارى بويىنشا «ۇزدىك قاقپاشى» اتاعىن بەردىبەك ۇلى ساعىناي، «ۇزدىك قورعاۋشى» تولەگەنوۆ ازامات سۇلتانبەك ۇلى، «ۇزدىك شابۋىلشى» شاحابايەۆ بوريتاس باحىت ۇلى، «ۇزدىك ويىنشى» اتاعىن قوعاباي جۇماباي ٴباتىرالى ۇلى يەلەندى.
جەڭىمپازدارعا ماقتاۋ قاعازدارى مەن مەدالدار جانە اۋىسپالى كۋبوك تابىس ەتىلدى. جارىس سوڭىندا باسقارما باستىعىنىڭ ورىنباسارى ورالبەك ٴتاۋباقابىل ۇلى جەڭىمپازداردى قۇتتىقتاپ، سالاۋاتتى ٴومىر سالتى قوعامىمىزدا ەرەكشە ورىن الاتىندىعىن ايتتى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1902 
0
6816
0