BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدىڭ جاس سپورتشىلارىنا قولداۋ كورسەتكىم كەلەدى - گەنناديي گولوۆكين

فوتو: автор

قازاقستاندىق كاسىپكەرلەردى ەلىمىزگە كومەكتەسۋگە جانە ەلسپورتىن قولداۋعا شاقىرامىن. بۇل تۋرالى كاسىبي بوكسشى گەنناديي گولوۆكين الماتىدا وتكەن ٴباسپاسوز ماجىلىسىندە ايتتى، دەپ حابارلايدى baq.kz اقپارات اگەنتتىگىنىڭ ٴتىلشىسى.

گەنناديي گولوۆكين مەن «تەحنودوم» كومپانياسى ەلىمىزدىڭ جاس بوكسشىلارىن الەمدىك دەڭگەيگە شىعارۋ ماقساتىندا بىرلەسە جۇمىس اتقارماق.

«ggg پروموۋتەرلىك كومپانيادا ٴقازىر تالانتى قازاقستاندىق سپورتشىلار جاتىعۋدا. ٴبىز چەمپيون بولعىسى كەلەتىن وتانداستارىمىزعا ٴاردايىم قولداۋ كورسەتۋگە ٴازىرمىز. دەگەنىمەن كاسىبي بوكس وتە ٴقاۋىپتى ەكەنىن ەسكەرگەنىمىز ٴجون. ٴبىر سوققىنىڭ ٴوزى ادام ٴومىرىن وزگەرتىپ جىبەرەدى»، - دەيدى بوكسشى.

سونىمەن قاتار ول، ەلىمىزدە كاسىبي بوكس جوق ەكەنىن، ەگەر ناقتى جوعارى دەڭگەيگە كوتەرىلگىڭ كەلسە شەتەلدە جاتتىعۋ كەرەكتىگىن جەتكىزدى.

«جالپى مەنىڭ پروموۋشەنىمە كەلگەن جاس سپورتشىلارىمدى قۇراما شتاتتاردا جاتتىقتىرىپ، جانىندا باقىلاپ، بار بىلگەنىمدى ۇيرەتكىم كەلەدى. جاتتىقتىرۋشىم ابەل سانچەسپەن دە جۇمىس ىستەي بەرەمىز، ولاردىڭ تاجىريبەسى مول. ەگەر سپورتشى راسىمەن چەمپيون بولعىسى كەلسە، الدىمەن ەڭبەكسۇيگىش بولۋ كەرەك»، - دەيدى گ. گولوۆكين.

سونداي-اق ول، ۇيگە كەلىپ، ٴاردايىم قولداۋ ٴبىلدىرىپ جۇرگەن وتانداستارىمەن قاۋىشقانىنا ريزا ەكەنىن ٴبىلدىردى.

«جەكپە-جەكتى ٴۇشىن تاڭمەن تۇرىپ، ماعان ٴاردايىم قولداۋ كورسەتەتىن بارلىق وتانداستارىما العىس بىلدىرەمىن»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي