BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلەۋسىنوۆ بەسىنشى جەڭىسىنە قول جەتكىزدى

استانا، baq.kz. وليمپيادا چەمپيونى قازاقستاندىق دانيار ەلەۋسىنوۆ نيكاراگۋالىق ماركوس موحيكانى نوكاۋتقا ٴتۇسىردى.

vesti.kz پورتالىنىڭ جازۋىنا قاراعاندا، جارتىلاي ورتا سالماق دارەجەسى بويىنشا جەكپە-جەك موناكوداعى "كازينو دە مونتە-كارلوداعى" رەسەيلىك دەنيس لەبەدەۆ (31-2، 23 كو) پەن امەريكالىق مايك ۋيلسون (19-0، 8 كو) اراسىنداعى بوكس كەشىنىڭ اندەركارتىندا ٴوتتى.

سەگىز راۋندقا جوسپارلانعان ەلەۋسىنوۆ-موحيكا جەكپە-جەگى ٴۇشىنشى راۋندتا اياقتالدى. ەكىنشى ٴۇشمينۋتتىقتا قازاقستاندىق بوكسشى قارسىلاسىن ەكى رەت نوكداۋنعا ٴتۇسىردى. ٴۇشىنشى راۋندتا موحيكا تاعى دا كانۆاسقا ٴتۇسىپ، 1:53-تە رەفەري جەكپە-جەكتى توقتاتتى.

27 جاستاعى ەلەۋسىنوۆ ٴۇشىن بۇل بەسىنشى جەڭىس (ۇشەۋى نوكاۋتپەن)، ول كاسىپقوي بوكستا بەس كەزدەسۋ وتكىزدى. ال 33 جاستاعى موحيكا مانساپ جولىندا ٴۇشىنشى رەت جەڭىلىپ وتىر، قورجىنىندا 16 جەڭىس بار (12 نوكاۋت) جانە ەكى رەت تەڭ تۇسكەن.

ايتا كەتەيىك، وسى كەشتە قازاقستاندىق سۇلتان زاۋىربەك (2-0. 1 كو) نيكاراگۋالىق دجونسون تەللەستى (12-44-5، 6 كو) تەحنيكالىق نوكاۋتپەن جەڭدى.

ەسكە سالا كەتەيىك، دانيار ەلەۋسىنوۆ كاسىپقوي بوكسقا ناۋرىز ايىنىڭ باسىندا تۇبەگەيلى اۋىستى. وعان دەيىن ٴبىر رەت بارۋعا بەل بۋعانمەن، رەتى كەلمەگەن ەدى. ۇلىبريتانيالىق پروموۋتەر ەددي حيرنمەن (matchroom boxing) ٴۇشجىلدىق كەلىسىمشارتقا قول قويىپ، كاسىپقوي بوكستاعى مانسابىنا جول اشىلدى. قازىرگى تاڭدا ەددي حيرن باسقاراتىن كومپانيا قۇرامىندا اسا اۋىر سالماقتا wba super، ibf جانە ibo چەمپيوندىق اتاقتارىنا يە ەنتوني دجوشۋا بار. سونداي-اق بريتاندىق پروموۋتەر رايان بارنەتت (18-0، 9 كو) (wba super جانە ibf)، دجەيمي ماكدوننەلل (29-2-1، 13 كو) (wba)، حاليد يافاي (23-0، 14 كو) (wba super)، كەلل برۋك (37-2، 26 كو)، دەنيەل دجەيكوبس (33-2، 29 كو) سىندى بوكسشىلارمەن جۇمىس جاسايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي