BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دينارا ٴسادۋاقاسوۆا شىمكەنت پەن قىزىلوردادا ٴبىر مەزگىلدى ويىن سەانسىن وتكىزدى

استانا، baq.kz. شاحماتتان الەمنىڭ بىرنەشە دۇركىن چەمپيونى، الەمدەگى ەڭ مىقتى 15 ايەلدىڭ قاتارىنا ەنگەن دينارا ٴسادۋاقاسوۆا قازاقستاننىڭ ايماقتارىندا قوعامدىق جۇمىستارىن جالعاستىرۋدا.

2018 جىلدىڭ 19-20 جەلتوقسانىندا دينارا ٴسادۋاقاسوۆا شىمكەنت جانە قىزىلوردا قالالارىندا العاش رەت ٴبىر مەزگىلدى ويىن سەانسىن وتكىزدى. سەانس قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ قورى، شىمكەنت قالاسىنىڭ جانە قىزىلوردا وبلىسى اكىمدىگىنىڭ قولداۋىمەن ٴوتتى. ويىنعا مەكتەپ وقۋشىلارى مەن جاس شاحماتشىلار قاتىستى.

قازاقستان ايماقتارىندا ٴبىر مەزگىلدە وتكىزىلەتىن ويىنداردىڭ ماقساتى - قازاقستاندا شاحمات ويىنىن ايگىلەۋ. اۆتورلىق كىتاپتاردى جارىققا شىعارۋىن، ۇنەمى تۋرنيرلەردى جانە ٴبىر مەزگىلدە وينايتىن سەانستاردى وتكىزۋىن دينارا بۇگىنگى كۇنگى شاحمات - بيزنەس-كۇرەس ۇلگىسىنىڭ ٴبىرى دەپ تۇسىندىرەدى. شاحمات ويناعان ادامنىڭ داعدىلارىن: لوگيكانى دامىتادى، ميدى جاتتىقتىرادى، ەستە ساقتاۋدى ارتتىرادى، تيىمدىلىكتى جوعارىلاتادى جانە شەكتەۋلى ۋاقىت كەزىندە نازارىن شوعىرلاندىرۋعا ىقپال ەتەدى.

وسى تۇستا بالالار مەن جاسوسپىرىمدەر اراسىنداعى شاحمات ويىنىن تانىمال ەتۋ ماقساتىندا قازاقستاننىڭ ٴارتۇرلى وڭىرلەرىندە دينارا ۇلكەن الەۋمەتتىك جۇمىس اتقارۋدا. ٴوز قىزمەتى اياسىندا دينارا ٴسادۋاقاسوۆا بيىلعى جىلى رەسپۋبليكانىڭ كوپتەگەن قالالارىندا جانە وبلىس ورتالىقتارىندا ٴبىر مەزگىلدە ويىندار، ماستەر-كلاسستار جانە تۋرنيرلەر وتكىزدى.

«مەن ٴۇشىن جاستارعا شاحمات - ويىن عانا ەمەس، ٴوزىن-وزى دامىتۋداعى ەڭ كۇشتى قۇرال ەكەنىن جەتكىزۋ وتە ماڭىزدى. بۇگىنگى كۇنى شاحمات - بيزنەس-كۇرەس ۇلگىسىنىڭ ٴبىرى. شاحمات ويناعان ادامنىڭ داعدىلارى لوگيكانى دامىتادى، ميدى جاتتىقتىرادى، ەستە ساقتاۋدى ارتتىرادى، تيىمدىلىكتى جوعارىلاتادى جانە ۋاقىتتىڭ قىسىمى كەزىندە نازارىن شوعىرلاندىرۋعا ىقپال ەتەدى. شاحمات ستراتەگيالىق ويلاۋدى عانا ەمەس، سونىمەن قاتار ادامنىڭ جەڭىلىسكە دەگەن دۇرىس كوزقاراسى مەن ماقسات قويۋ رۋحىن قالىپتاستىرادى. ال وزدەرىنىڭ ونەرىڭ يگىلىككە قولدانا بىلەتىن، ادال جانە باسەكەلەستىككە مىقتى جاستار، مەنىڭ ويىمشا، قازاقستاننىڭ بولاشاعى. قازاقستان رەسپۋبليكاسىنىڭ تۇڭعىش پرەزيدەنتى – ەلباسى قورىنىڭ قولداۋىمەن بيىل مەن اتىراۋ، اتىراۋ وبلىسىندا سەانستار وتكىزدىم. وتكەن جىلى اقتاۋ قالاسىندا بولدىم. كەلەسى جىلى ٴبىز گەوگرافيامىزدى كەڭەيتەمىز جانە ەلىمىزدىڭ ودان دا كوپ ايماقتارىنا جەتەمىز دەگەن ۇمىتتەمىن. مەنىڭ سەسسيالارىمنىڭ ويىنشىلارى اراسىندا بولاشاق الەم چەمپيوندارى، گروسسمەيستەرلەر مەن شەبەرلەر بار دەپ شىنايى سەنەمىن. ٴبىزدىڭ بالالارىمىز ينتەللەكتۋالدى الەۋەتكە يە، ونى اشۋعا جانە دامىتۋعا ٴبىز ٴوز ۇلەسىمىزدى قوسۋىمىز كەرەك»، - دەپ اتاپ ٴوتتى ٴوزىنىڭ قۇتتىقتاۋ سوزىندە دينارا ٴسادۋاقاسوۆا.

سەانستىڭ قورىتىندىسى بويىنشا ەڭ قىزىقتى ويىندارعا شاxماتشى ٴوزىنىڭ 2018 جىلى جەلتوقسان ايىنىڭ باسىندا جارىققا شىققان «شاحمات ويناپ ۇيرەنەيىك» اتتى كىتابىن سىيعا تارتتى. كىتاپتىڭ ەرەكشەلىگى - قازاقستاندا وسى كىتاپقا ۇقساس حالىقارالىق شاحمات تەحنيكاسىن الەمدىك چەمپيوناتتار مەن حالىقارالىق تۋرنيرلەردى پايدالانا وتىرىپ كورسەتەتىن قازاق تىلىندە وقۋ قۇرالدارى جوق.

ساپار اياسىندا دينارا ٴسادۋاقاسوۆا قىزىلوردا وبلىسىنىڭ اكىمى قىرىمبەك كوشەربايەۆپەن كەزدەستى. كەزدەسۋ بارىسىندا قىزىلوردا وبلىسىنىڭ سپورتىن دامىتۋ، جاستار ٴۇشىن شاحماتتىڭ ارتىقشىلىقتارى جانە ەلدەگى شاحماتتى ناسيحاتتاۋ ماسەلەلەرى تالقىلاندى. دينارا وبلىس اكىم مەن وبلىس اكىمشىلىگىنە شاحمات ويىنىڭ دامىتۋعا قولداۋ كورسەتىپ، ونىڭ كىتاپتارىڭ ۇسىنعانى ٴۇشىن العىسىن ٴبىلدىردى.

سونىمەن قاتار، قىزىلوردا وبلىسىندا بولعان كەزىندە دينارا ٴسادۋاقاسوۆا يۋنيسەف-تىڭ بالالارعا قاتىستى زورلىق-زومبىلىقتى بولدىرماۋ جونىندەگى اقپاراتتىق كامپانياسى شەڭبەرىندە ۇكىمەتتىك ۇيىمدار، قوعامدىق ۇيىمدار مەن ۇەۇ، باق وكىلدەرىمەن كەزدەستى.

ەسكە سالا كەتەيىك، 2017 جىلدىڭ قاراشا ايىنان بەرى قازاقستانداعى ەڭ اتاقتى شاحماتشى يۋنيسەف-تىڭ قازاقستانداعى ادال نيەتتى ەلشىسى بولىپ تابىلادى جانە قازاقستانداعى بالالاردى مەن جاستاردى دامىتۋدا ۇلكەن الەۋمەتتىك باعدارلامانى جۇزەگە اسىرادى.

قازاقستاننىڭ شاحمات xانشايىمى 2019 جىلدىڭ باسىندا اتىراۋدا دينارا ٴسادۋاقاسوۆا اتىنداعى شاحمات اكادەمياسىن اشۋعا جانە 2018 جىلى 22 جەلتوقساندا استاناداعى ٴوزىنىڭ اكادەمياسىنىڭ رەسمي اشىلۋىن جوسپارلاپ وتىر. مەكتەپتە از قامتىلعان وتباسىلاردان شىققان بالالار، ەرەكشە قاجەتتىلىكتەرى بار بالالار مەن جەتىم بالالار ٴۇشىن تەگىن ساباق بەرىلەدى. ال 2019 جىلدىڭ ٴساۋىر ايىندا دينارا استانا قالاسىندا رەسپۋبليكالىق ستۋدەنتتىك ٴتۋرنيردى وتكىزۋدى جوسپارلاپ وتىر.

انىقتاما:

ٴسادۋاقاسوۆا دينارا رامازانقىزى

* شاxمات بويىنشا الەمنىڭ كوپدۇركىن چەمپيونى

* ايەلدەر اراسىنداعى حالىقارالىق گروسسمەيستەر، ەرلەر اراسىنداعى حالىقارالىق شەبەر

* ايەلدەر اراسىنداعى ازيا بويىنشا ۆيسە-چەمپيون

* ازيانىڭ ەكى دۇركىن چەمپيونى

* قازاقستاننىڭ بىرنەشە دۇركىن چەمپيونى

* 11 جاسىنان باستاپ ايەلدەر قۇراماسىنىڭ نەگىزگى مۇشەسى

* 2018 جىلعى تامىزدا الەمدەگى ەڭ مىقتى ايەلدەردىڭ قاتارىندا 12 ورىندى يەلەندى

* حالىقارالىق جارىستاردىڭ جەڭىمپازى جانە جۇلدەگەرى

قازاقستانداعى شاحماتتى دامىتۋعا جانە بەلسەندى قوعامدىق جۇمىستارعا قوسقان ۇلەسى ٴۇشىن «قازاقستان رەسپۋبليكاسىنىڭ تاۋەلسىزدىگىنە 20 جىل» مەدالىمەن، سپورتتى دامىتۋعا قوسقان ۇلەسى ٴۇشىن «قۇرمەت» جانە «ٴۇمىت» وردەندەرىمەن ماراپاتتالدى.

2017 جىلدان باستاپ دينارا ٴسادۋاقاسوۆا يۋنيسەف-تىڭ قازاقستانداعى ادال نيەت ەلشىسى قىزمەتىن اتقارادى.

يۋنيسەف ادال نيەت ەلشىسىنىڭ اتاعىن 1954 جىلدان بەرى تاعايىندايدى. ادال نيەتتى ەلشىنىڭ تاعايىندالۋى بەلگىلى تۇلعالارعا بالالاردىڭ ماسەلەلەرىنە بەي-جاي قارامايتىن، مۇقتاج بالالار مەن ولاردىڭ وتباسىلارىنىڭ قاجەتتىلىكتەرىنە نازار اۋدارتۋعا مۇمكىندىك بەرەدى. 2009 جىلى قازاقستانداعى يۋنيسەف-تىڭ ٴبىرىنشى ادال نيەتتى ەلشىسى ٴانشى جانە كومپوزيتور باتىرحان شۋكەنوۆ بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي