BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەنيستىڭ شوۋى جالعاسادى

استانا، baq.kz ٴتىلشىسى. دەنيس تەن اتىنداعى قوعامدىق قور ۇرىلاردىڭ قولىنان قازا تاپقان تانىمال قازاقستاندىق سپورتشىنىڭ مۇز ۇستىندەگى شوۋ جالعاسىن تاباتىنىن حابارلادى.

بۇگىن استانادا اتالعان قور مۇشەلەرى العاشقى كەزدەسۋىن وتكىزدى.

«ٴبىزدىڭ جوسپارىمىز بار. مۇز ۇستىندەگى شوۋدى جىل سايىن ۇيىمداستىرىمىز. مۇنى دەنيس قولعا الدى. ونى ازاماتتار جاقسى كورەدى. وكسانا الەكسەەۆنا (دەنيس تەننىڭ اناسى – اۆتور) مەن ونىڭ دوستارى اتالعان شاراعا جىلدا كەلىپ، وعان قولداۋ بىلدىرۋگە نيەت تانىتتى. ٴبىز جوبانى جۇزەگە اسىرۋ جاعىن قاراستىرىپ جاتىرمىز. ول مىندەتتى تۇردە بولادى»، - دەدى «ورتالىق ازيا وتىن-ەنەرگيتيكالىق كومپانياسى» اق پرەزيدەنتى سەرگەي كان.

ايتا كەتەيىك، دەنيس تەن اتىنداعى قوعامدىق قوردىڭ قامقورشىلىق كەڭەسىنىڭ قۇرامىنا كسرو-نىڭ ەڭبەك سىڭىرگەن جاتتىقتىرۋشىسى، كسرو حالىقارالىق دارەجەدەگى سپورت شەبەرى تاتيانا تاراسوۆا، ۇلتتىق كونكيمەن سىرعاناۋشىلار فەدەراسياسىنىڭ باسشىسى، قدب باسقارما ٴتوراعاسى بولات جامىشەۆ، تانىمال كينورەجيسسەر تيمۋر بەكمامبەتوۆ، «ورتالىق ازيا وتىن-ەنەرگيتيكالىق كومپانياسى» اق پرەزيدەنتى سەرگەي كان، ٴارى باسقا دا ازاماتتار كىرەدى.

قوردىڭ قامقورشىلىق كەڭەسىن قر مادەنيەت جانە سپورت ۆيسە-مينيسترى ەرلان قوجاعاپانوۆ باسقارادى. وسىعان دەيىن 2019 جىلى دەنيس تەن اكادەمياسى اشىلاتىنىن جانە دەنيس تۋرالى فيلم تۇسىرىلەتىنىن حابارلاعانبىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي