BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دەنيس تەن اكادەمياسى اشىلادى

فوتو: Нұржас Жақсыбай

استانا، baq.kz ٴتىلشىسى. ۇرىلاردىڭ قولىنان قازا تاپقان وليمپيادا قولا جۇلدەگەرى دەنيس تەننىڭ اناسى وكسانا تەن ۇلىنىڭ يدەيالارىن جۇزەگە اسىرۋ ماقساتىندا الداعى جىلى مانەرلەپ سىرعاناۋشىلار اكادەمياسى اشىلاتىنىن ٴمالىم ەتتى.

بيىل قۇرىلعان دەنيس تەن اتىنداعى قور العاشقى كەزدەسۋىن وتكىزدى. شارادا وكسانا تەن الداعى جىلى مانەرلەپ سىرعاناۋشىلار اكادەمياسى اشىلاتىنىن حابارلادى.

«قوردىڭ ماڭىزدى باعىتتارىنىڭ ٴبىرى مانەرلەپ سىرعاناۋ باعىتىنداعى جوبالاردى جۇزەگە اسىرۋ. دەنيس تەن مانەرلەپ سىرعاناۋ اكادەمياسىن اشۋدى ارماندادى. ونى ول global skating academy دەپ اتادى. ٴبىز وسى باعىتتا جۇمىس ىستەپ جاتىرمىز. اكادەميانى 2019 جىلى اشۋدى جوسپارلاپ وتىرمىز. العاشقى قادامدار جاسالدى»، - دەدى ول جۋرناليستەرگە استانادا وتكەن بريفينگتە.

ايتا كەتەيىك، بريفينگكە قر مادەنيەت جانە سپورت ٴمينيسترى ارىستانبەك مۇحامەدي ۇلى، «بايتەرەك» ۇلتتىق باسقارۋ حولدينگى» اق مەن وعان ەنشىلەس كومپانيالارىنىڭ قىزمەتكەرلەرى، باق وكىلدەرى قاتىستى.

كەزدەسۋ بارىسىندا اتالعان قوعامدىق قوردىڭ قامقورشىلىق كەڭەسىنىڭ مۇشەلەرى، قوردىڭ 2019 جىلعا ارنالعان جوسپارلارىمەن ٴبولىسىپ، قور جۇمىسىنىڭ العاشقى ناتيجەلەرى تۋرالى اڭگىمەلەدى.

قامقورشىلىق كەڭەسىنىڭ قۇرامىنا كسرو-نىڭ ەڭبەك سىڭىرگەن جاتتىقتىرۋشىسى، كسرو حالىقارالىق دارەجەدەگى سپورت شەبەرى تاتيانا تاراسوۆا، ۇلتتىق كونكيمەن سىرعاناۋشىلار فەدەراسياسىنىڭ باسشىسى، قدب باسقارما ٴتوراعاسى بولات جامىشەۆ، تانىمال كينورەجيسسەر تيمۋر بەكمامبەتوۆ، «ورتالىق ازيا وتىن-ەنەرگيتيكالىق كومپانياسى» اق پرەزيدەنتى سەرگەي كان، ٴارى باسقا دا ادامدار كىرەدى.

قوردىڭ قامقورشىلىق كەڭەسىن قر مادەنيەت جانە سپورت ۆيسە-مينيسترى ەرلان قوجاعاپانوۆ باسقارادى.

فوتو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي