BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بورانبايەۆ "قايراتتىڭ" جاڭا باپكەرىن تانىستىردى

الماتى. baq.kz. «قايرات» فك-نىڭ قاداعالاۋ كەڭەسىنىڭ ٴتوراعاسى قايرات بورانبايەۆ الماتىلىق كوماندانىڭ باس جاتتىقتىرۋشىسى بولىپ نەمىس مامانى تاعايىندالعانىن ٴمالىم ەتتى. بۇل جايىندا vesti.kz پورتالى جازدى.

«ٴبىز بۇگىن گەرمانيا ۇلتتىق قۇراماسى جاتتىقتىرۋشىسىنىڭ كەڭەسشىسىمەن كەلىسىمشارت جاساستىق. ول گەرمانيا قۇراماسىمەن 19 جىل جۇمىس ىستەگەن. بۇل مامان اكادەميانىڭ كومانداسىنا كەڭەس بەرەتىن بولادى. مەنىڭ ويىمشا، نەمىس فۋتبولى بىزدىكىنە ۇقساس. ول ايتارلىقتاي زور بولماعانىمەن، ناتيجەلى. ەگەر فەررەر ٴبىرىنشى ورىن العاندا ونى قالدىرار ەدىك. قازىرگى جاعدايعا تەك ٴبىر ادام عانا كىنالى دەپ ايتۋعا كەلمەيدى. ٴبىز جاڭا جاتتىقتىرۋشىنىڭ ۇمىتكەرىن انىقتاپ قويدىق. «قايراتتى» نەمىس مامانى جاتتىقتىرادى. ول كوماندانى وسى چەمپيوناتتىڭ اياعىنا دەيىن باسقارادى. اندرەي كارپوۆيچ «قايراتتىڭ» جاتتىقتىرۋشىسى مىندەتىن ۋاقىتشا اتقاراتىن بولادى. ونىڭ جۇمىس ىستەۋگە دەگەن ىنتاسى زور ٴارى تاجىريبەسى دە از ەمەس. كارپوۆيچتىڭ الدىندا قازاقستان كۋبوگىن ۇتۋ مىندەتى تۇر»، -دەدى بورانبايەۆ.

ەسكە سالايىق، بۇگىن الماتىلىق «قايرات» كومانداسى باس جاتتىقتىرۋشى كارلوس فەررەر جۇمىستان بوساتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي