BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بوكسشى ٴالي احمەدوۆ نەگە قانات يسلامنىڭ قاتەلىگىن قايتالاپ ٴجۇر؟

استانا، baq.kz ٴتىلشىسى. جاقىندا قازاقستاندىق كاسىپقوي بوكسشى ٴالي احمەدوۆ (13-0، 10 كو) كوستا-مەسادا وتكەن (كاليفورنيا، اقش) جەكپە-جەگىندە نوكاۋتپەن جەڭىسكە جەتتى.

جەرلەسىمىز اقش-تىڭ كاليفورنيا شتاتىنداعى كوستا-مەسا قالاسىندا وتكەن بوكس كەشىندە مەكسيكالىق دجوۆاني حاۆەر گومەسپەن (17-15، 11 كو) كەزدەسكەن بولاتىن. ٴالي ٴۇشىن 27 جاستاعى حاۆەر گومەس اسا قيىندىق تۋدىرعان جوق. وتانداسىمىز ٴبىرىنشى راۋندتا-اق جەكپە-جەك تاعدىرىن شەشىپ تاستادى. ارينە، وتانداسىمىزدىڭ جەڭىسىنە قۋانىشتىمىز. ٴبىراق «ەكىنشى ggg» بولادى دەپ ٴۇمىت كۇتىپ جۇرگەن احمەدوۆ «d» دەڭگەيدەگى بوكسشىمەن جۇدىرىقتاسىپ جۇرگەن بۇل ارەكەتىن كوپشىلىك تۇسىنبەدى.

قارسىلاسى – دجوۆاني حاۆەر گومەس بىلايشا ايتقاندا كاسىپقوي بوكستاعى «قاپشىقتاردىڭ» قاتارىندا. وسى ۋاقىتقا دەيىن كاسىپقوي بوكستا 14 كەزدەسۋدە ۇتىلعان. ونىڭ 11-ىندە نوكاۋتقا تۇسكەن. مۇنداي بوكسشىلارمەن شارشى الاڭعا شىعىپ، ۋاقىت جوعالتۋ 23 جاستاعى قازاقستاندىق بوكسشىعا ابىروي بەرمەيتىنىن ماماندار دا، جانكۇيەرلەر دە جاقسى تۇسىنەدى.

مۇنى ٴالي احمەدوۆتى بالا كەزىنەن جاتتىقتىرعان العاشقى باپكەرى ساعاتبەك مۇساحانوۆ تا ايتىپ وتىر. ول sports.kz سايتىنا بەرگەن سۇحباتىندا شاكىرتىنىڭ وسىنداي دەڭگەيى تومەن بوكسشىلارمەن كەزدەسىپ جۇرگەنىنە قىنجىلىسىن ٴبىلدىرىپتى.

«ارينە، قارسىلاسى ونىڭ دەڭگەيىندە ەمەس... حاۆەر گومەستىڭ جەڭىلىسىنىڭ سانى قانشا؟ مەنىڭشە، 14 بولۋ كەرەك. ٴاليدىڭ شەبەرلىگى ودان الدەقايدا جوعارى. بالكىم، وسى كەزەڭدەردە سونداي بوكسشىلارمەن جولىعۋى كەرەك بولعان شىعار. قازىرگى كەزدە ونىڭ جاعدايى قالاي بولىپ جاتقانىنان حابارسىزبىن. ياعني قارسىلاستاردى قالاي تاڭداپ جۇرگەنىن بىلمەيىن. ٴاربىر پروموۋتەرلىك كومپانيانىڭ ٴوز كوزقاراسى بولادى. قارسىلاسى دا، جوعارى دەڭگەيلى وزىنە ساي بولسا دەگەن تىلەك قوي بىزدىكى. ۇزدىكتەرمەن جاتتىعىپ نەمەسە شارشى الاڭدا كەزدەسۋ ارقىلى عانا وسەتىنىن ۇمىتپاۋى كەرەك. ال كەرسىنشە ينستيتۋتتا وقىپ ٴجۇرىپ، بالاباقشاداعى بالالارمەن وينايتىن بولساڭ، ودان ٴوزىڭ دە وسپەيسىڭ. مەنىڭشە، بۇلاي بولعانى دۇرىس ەمەس. بۇل جەڭىستەن وعان ەشقانداي پايدا جوق»، – دەيدى ساعاتبەك مۇساحانوۆ.

كوپتەگەن شەتەلدىك جانكۇيەلەردىڭ ٴوزى الەۋمەتتىك جەلىلەردە ٴاليدىڭ وسال قارسىلاسپەن جولىعاتىنا كوڭىلدەرى تولمايتىنىن جازىپ جاتىر. وسى ۋاقىتقا دەيىن 12 كەزدەسۋ وتكىزگەن بوكسشىنىڭ ٴالى كۇنگە دەيىن وسال بوكسشىلارمەن شىعا بەرۋى ارينە ەشكىمگە ۇناعان جوق. سوندىقتان جانكۇيەرلەر بۇعان قازاقستاندىق بوكسشىنىڭ پروموۋتەرى توم لەففلەردى كىنالاپ جاتىر.

مىسالى، تۋيتتەر الەۋمەتتىك جەلىسىندە «ggg people champion» اتتى قولدانۋشى لەففلەرگە بىلاي جازىپتى: «توم، نەلىكتەن ٴالي احمەدوۆ ٴالى كۇنگە «d» دەڭگەيىندەگى بوكسشىلارمەن كەزدەسىپ ٴجۇر؟ ٴالي وتە تاجىريبەلى بوكسشى، ول وزىنەن دەڭگەي جوعارى بوكسشىلارمەن جولىعۋى كەرەك»، دەيدى ول. ازىرگە بۇل ساۋالعا گولوۆكيننىڭ پروموۋتەرى جاۋاپ بەرگەن جوق.

ٴالي احمەدوۆتىڭ كاسىپقوي بوكستاعى رەكوردى – 13-0، 10 كو. سونداي-اق جارتىلاي اۋىر سالماقتا ونەر كورسەتەتىن قازاقستادىق بوكسشى «جاستار» اراسىنداعى wbc تيتۋلى مەن nabf junior بەلبەۋىنە يە.

قازاقستان كاسىپقوي بوكس فەدەراسياسىنىڭ ۆيسە-پرەزيدەنتى ۆيكتور دەميانەنكوعا وسى جاعداي ۇناماپتى. ول sports.kz سايتىنا بەرگەن سۇحباتىندا تولىعىراق ايتىپ وتكەن ەكەن.

«ولار قانداي پرينسيپتەرگە سۇيەنىپ قارسىلاس تاڭدايتىنىن بىلمەيمىن. ەگەر ٴاليدىڭ كومانداسى بوكسشىنىڭ اتاعىن شىعارعىسى كەلسە، دۇرىس قارسىلاستار تاڭداپ بەرۋى كەرەك. وسى جولى مەكسيكالىقتىڭ رەيتينگىن كورگەن كەزدە وزىمىزدە تۇسىنبەي قالدىق. ونىڭ جەڭىسىنىڭ سانىنان جەڭىلىسى كوبىرەك. كىمگە كەرەك مۇنداي قارسىلاس؟ جالپى، احمەدوۆكە بۇل جەكپە-جەك نە بەرەدى؟ ەڭ دۇرىسى، ۆاسيليي لوماچەنكونىڭ جولىن تاڭداۋ كەرەك. ول بىردەن مىقتىلارمەن كەزدەسۋدەن باستادى. ٴالي احمەدوۆ تە ەندى بالا ەمەس. ەگەر، وسىنداي ٴالسىز قارسىلاستارمەن جۇرە بەرسە، كەيىن وزىنە تىم سەنىمدى بولىپ كەتەدى. ٴبىزدىڭ جىگىت اۋەسقوي بوكستا جامان ونەر كورسەتكەن جوق. قازاقستاندىقتىڭ دەڭگەيى قارسىلاسىنان الدەقايدا جوعارى. بالكىم، بوكسشىلاردىڭ كوبىسى كەلىسپەيتىن شىعار، ٴبىراق سوندا دا ايتايىن بىزدە كوبىسى وزدەرىنىڭ رەيتينگتەرىن قۇرتقىسى كەلمەيدى. سوندىقتان وسىنداي قادامدارعا بارىپ جاتادى. ٴبىر جاعىنان، تاۋەكەلگە بارعان دۇرىس. ٴتىپتى، قارسىلاسقا دا اقشا تولەپ، ونى كەزدەسۋدى كوندىرۋ كەرەك. سول كەزدە ٴوزىنىڭ بەدەلى ارتا تۇسەدى»، – دەيدى تانىمال مامان.

ٴالي احمەدوۆ دەگەن كىم؟

وسى رەتتە ٴالي احمەدوۆ تۋرالى وقىرماندارعا از-كەم اقپارات بەرە كەتسەك. ويتكەنى، كاسىپقوي بوكستا ەندى-ەندى تانىلىپ كەلە جاتقاندىقتان كوپشىلىك تولىق بىلە بەرمەۋى مۇمكىن.

ٴالي احمەدوۆ 1995 جىلى 16 شىلدەدە الماتى وبلىسىندا دۇنيەگە كەلگەن. سپورتقا قىزىعۋشىلىعى التى جاسىنان باستالىپتى. الدىمەن، اۋەسقوي بوكسپەن اينالىسقان. كەيىننەن ونى جوعارىدا ايتقان ساعاتبەك مۇساحانوۆ تاۋىپ الىپ، بوكسشى ەتىپ شىعاردى. اۋەسقوي بوكستا 10 جىلداي ٴجۇردى. ۋنيۆەرسيادا ويىندارىندا، ستۋدەنتتەر اراسىنداعى الەم جانە ازيا چەمپيوناتىندا جەڭىسكە جەتكەن. ۇلتتىق قۇراماعا دا شاقىرىلعانىمەن، وليمپيادا ويىندارىنا قاتىسا المادى. سوندىقتان كاسىپقوي بوكسقا اۋىسىپ كەتكەن بولاتىن.

احمەدوۆتىڭ سپورتتا وزىندىك ارمانى بار. ول بوكس تاريحىنداعى اتاقتىلاردىڭ ٴبىرى بولعىسى كەلەدى.

«جالپى، مەنىڭ ارمانىم بار. مەن تەك ٴوز سالماعىمدا عانا ەمەس، جالپى بوكس تارحىنداعى ۇزدىكتەردىڭ ٴبىرى بولعىم كەلەدى. كەزىندە دۇنيەنى دۇرىلدەتكەن مۇحاممەد ٴالي، فلويد مەيۆەزەرلەردىڭ جولىن قۋعىم كەلەدى. بالكىم، كۇلكىلى بولۋى مۇمكىن. ٴبىراق، نەگە بايقاپ كورمەسكە؟ ولار دا قاراپايىم وتباسىنان شىققان. ٴسويتىپ، وزدەرىنىڭ ەڭبەكتەرى مەن تالپىنىستارى ارقاسىندا اتاقتى چەمپيون بولدى. جاستىق جالىنمەن ايتىپ جاتقان شىعارمىن، دەگەنمەن وسىنىڭ ٴبارى مەنىڭ بالالىق ارمانىم. ٴالى كۇنگە بۇل موتيۆاسيا مەنىڭ بويىمنان كەتكەن جوق»، –دەيدى بوكسشى menshealth.kz سايتىنا بەرگەن سۇحباتىندا.

ggg promotions ٴاليدى ۇزدىكتەردىڭ قاتارىنا قوسا الا ما؟

بيىل ٴالي احمەدوۆ ەلىمىزدىڭ كاسىپقوي بوكستاعى كوشباسشىسى گەنناديي گولوۆكيننىڭ پروۋموۋتەرلىك كومپانياسىمەن كەلىسىمشارتقا وتىرعان. قازىرگى كەزدە رۋسلان ماديەۆ ەكەۋى وسى كوماندا ساپىندا ٴجۇر. ٴالي مەن رۋسلاندى گولوۆكيننىڭ باپكەرى ابەل سانچەس جاتتىقتىرادى. ال قارسىلاس تاڭداۋ، كەلىسسوز جۇرگىزۋ پروموۋتەر توم لەففلەردىڭ موينىندا.

جاقىندا گەنناديي گولوۆكين قازاقستانعا كەلىپ، الماتىدا جۋرناليستەرمەن كەزدەسكەن. سول كەزدە ٴباسپاسوز ماجىلىسىندە كومانداسىنا تالانتتى قازاق بوكسشىلارىن شاقىرىپ، تالابىن ۇشتاۋعا دايىن ەكەنىن ايتقان. الايدا، كوماندا ساپىنا قوسىلاتىن سپورتشىعا قوياتىن شارتى بار كورىنەدى. ازىرگە مۇنداي تالاپتارعا ماديەۆ پەن احمەدوۆ لايىقتى بولىپ شىعىپتى. ەندەشە، ٴggg-دىڭ كوڭىلىنەن شىققان 23 جاستاعى الماتىلىق بوكسشىنىڭ وسال بولۋعا قاقىسى دا جوق.

«ٴقازىر، شىنىمەن، كوبىسى كىممەن جانە قالاي جۇمىس ىستەيتىنىمدى ٴجيى سۇرايدى. گولوۆكيننىڭ كومانداسىنا كەلگەنشە مەن ەركىن اگەنتتەردىڭ ٴبىرى بولاتىنمىن. ياعني ەشقانداي كومپانيامەن كەلىسىمشارتقا وتىرماعانمىن. ٴتىپتى، پروموۋتەرىم دە، مەنەدجەرىم دە بولماعان. كاسىپقوي بوكس وتە ٴقاۋىپتى بيزنەس. جاس بوكسشىلاردىڭ كوبىسى اسىعىس كەلىسىمشارتقا قول قويىپ، الدانىپ قالىپ جاتادى. مەن باسىندا كىممەن جۇمىس ىستەگىم كەلەتىنىمدى بىلمەدىم. كوپ ويلاندىم. كەيىننەن شەشىم قابىلداپ، ماكسيم گولوۆكينگە حابارلاسىپ، ودان كەڭەس سۇرادىم. بۇل تۇستا مەنىڭ كاسىپقوي بوكستا جۇرگەنىمە جارتى جىلداي بولعان. ارادا ٴبىراز ۋاقىت وتكەندە گەننادييدىڭ وزىمەن سويلەستىك. ول مەنى ٴوزىنىڭ جاتتىعۋ زالىنا شاقىردى. گولوۆكين ماعان قانداي جولداردان ٴوتۋ كەرەكتىگىن، ونىڭ ٴبارى وڭاي بولمايتىنىن ايتتى. ٴوز كەزەگىمدە بارلىعىنا دايىن ەكەنىمدى ايتتىم. كوپشىلىگى باسىنداعى سىناقتاردىڭ وزىنە شىداي الماي، كەتىپ قالىپ جاتادى. مەن شىدادىم. تاعدىرىما جانە كومانداما العىسىم شەكسىز. ەشقانداي ارتىق اۋىز ٴسوز بولعان جوق. كوماندادا بارلىعى ٴوز جۇمىسىن جاقسى بىلەدى. ٴبىزدىڭ ورتاق ماقساتىمىز بار. سول جوسپارىمىز بويىنشا الدىعا جىلجىعىمىز كەلەدى. ەندى مەن ggg promotions كومپانياسىنىڭ اتىنان شىعامىن. بۇل مەن ٴۇشىن ابىروي جانە ۇلكەن جاۋاپكەرشىلىك. وسى سەنىمدى اقتاۋ ٴۇشىن ايانىپ قالمايمىن»، – دەيدى ٴالي گولوۆكيننىڭ ۆكونتاكتە الەۋمەتتىك جەلىسىندەگى رەسمي توبىنا بەرگەن سۇحباتىندا.

گولوۆكيننىڭ جاسى كەلىپ قالدى. كاسىپقوي بوكستا ۇزاق ٴجۇرۋى نەعايبىل. سوندىقتان ول ٴوزىنىڭ كومانداسىنىڭ اتىن شىعاراتىن ٴىزباسار ىزدەپ جۇرگەنى جاسىرىن ەمەس. گەنناديي قازاقستاندىق بوكسشىلارمەن جۇمىس ىستەۋگە دايىن ەكەنىن جوعارىدا جازدىق. ەگەر، توم لەففلەر لايىقتى قارسىلاستار تاۋىپ بەرىپ جاتسا، ٴاليدىڭ پوتەنسييالى وتە جوعارى. تەك ساپالى بوكسشىلارمەن كەزدەسسە دەگەن تىلەگىمىز بار.

قانات يسلامنىڭ قاتەلىگىن قايتالاماسا...

ٴالي جانە ونىڭ كومانداسىنىڭ سوڭعى تاڭداعان قارسىلاسىنا جانكۇيەرلەردىڭ كوڭىلى تولماعانىن تۇسىنۋگە بولادى. سەبەبى، بىزدە وسىنداي السىزدەرمەن شىعىپ، ٴوز وزدەرىن الداپ جۇرگەن بوكسشىلار وتە كوپ. سونىڭ سالدارىنان الەم چەمپيونى اتاعىنا تالاسا الماي جۇرگەندەر جەتەرلىك. ونىڭ جارقىن مىسالى، قانات يسلام. اۋەسقوي بوكستا تالاي بيىكتەردى باعىندىرعان قانات تاريحي وتانىنا ورالعان سوڭ، كاسىپقوي بوكسقا اۋىستى. وسى ۋاقىتقا دەيىن 25 كەزدەسۋ وتكىزگەن يسلامنىڭ قارسىلاستارىنىڭ اراسىندا بىردە-بىر تانىمال بوكسشى جوق. ايتپەسە، قاناتتىڭ دەڭگەيىن، پوتەنسيالىن جانكۇيەرلەرى جاقسى بىلەدى...

ەندى ٴالي احمەدوۆ 34 جاستاعى جەرلەسىنىڭ قاتەلىگىن قايتالاماي، كەرسىنشە ۋكراينالىق ۆاسيليي لوماچەنكو سەكىلدى تەك مىقتىلارمەن كەزدەسۋدەن شىعۋدان قايمىقپاسا ەكەن. سول كەزدە ٴوزىنىڭ كۋميرى مۇحاممەد ٴالي، مەنني پاكياو، گەنناديي گولوۆكيندەردىڭ دەڭگەيىنە جەتە الادى.

ٴالي احمەدوۆتىڭ سالماعىندا كىمدەر بار؟

ەندى ٴاليدىڭ سالماعىندا ۇزدىكتەردەن كىمدەر بار دەگەن سۇراققا كەلسەك. جەرلەسىمىز قازىرگى كەزدە جارتىلاي اۋىر سالماقتا ونەر كورسەتەدى. ياعني، 79،4 كەلىگە (175 فۋنت) دەيىن سالماقتا جۇدىرىقتاسىپ ٴجۇر.

بۇل سالماقتا مىقتىلارعا توقتالىپ وتسەك. قازىرگى كەزدە wbo تۇجىرىمى بويىنشا الەم چەمپيون اتاعى كولۋمبيالىق ەلەيدەر الۆارەسكە تيەسىلى. ول كاسىپقوي بوكستا 24 كەزدەسۋ وتكىزىپ، بارلىعىندا جەڭىسكە جەتكەن. ونىڭ ىشىندە ٴ12-سىن نوكاۋتپەن اياقتاعان. سوڭعى كەزدەسۋىندە رەسەيلىك سەرگەي كوۆالەۆتى 7 راۋندتا قۇلاتقان.

ال wbc تۇجىرىمىنىڭ بەلبەۋىن 2013 جىلدان بەرى كانادالىق ادونيس ستيۆەنسون ەشكىمگە بەرمەي ٴجۇر. ارداگەر بوكسشى الداعى 1 جەلتوقساندا ۋكراينالىق سايىپقىران الەكساندر گۆوزديكپەن كەزدەسىپ، بەلبەۋىن وزىندە ساقتاپ قالۋدى كوزدەيدى.

قىرعىزستاندا دۇنيەگە كەلگەن رەسەيلىك دميتريي بيۆول wba بەلبەۋىن جەڭىپ العان بولاتىن. سوندىقتان وسى تۇجىرىم بويىنشا 79،4 كەلىدەگى بەلبەۋگە 28 جاستاعى رەسەيلىك يە بولىپ ٴجۇر. بيۆول بۇعان دەيىن 14 كەزدەسۋ وتكىزىپ، بارلىعىندا جەڭىسكە جەتكەن.

ibf تۇجىرىمى بويىنشا بەلبەۋدى 2017 جىلى رەسەيلىك ارتۋر بەتەربيەۆ جەڭىپ العان. ول ۆاكانتتىق بەلبەۋگە تالاس كەزىندە نەمىس ەنريكو كەللينگتى ۇتقان بولاتىن.

قازىرگى كەزدە 175 فۋنتتاعى نەگىزگى مىقتىلار وسىلار. بۇل قاتارعا ەكس-چەمپيون رەسەيلىك سەرگەي كوۆالەۆتى دە قوسۋعا بولادى.

«بوكستا جۇرگەن ادام ٴوزىن ۇزدىك دەپ ساناۋى ٴتيىس. بۇل جەردە تىم قاتتى سەنىمدىلىك جايلى ايتىپ وتىرعان جوقپىن. سونداي-اق قارسىلاستى باعالاماۋ دەگەن بولماۋ كەرەك. مەنىڭ ايتپاعىم بىرەۋمەن كەزدەسكەندە ٴوزىڭدى الدىن-الا ٴالسىز ساناماۋ قاجەت. مەن توپ-20 قاتارىنا كىرەتىندەرمەن جۇدىرىقتاسقىم كەلەدى. الداعى ۋاقىتتا سەرگەي كوۆالەۆپەن كەزدەسسەم دەپ ويلايمىن. وتە كەرەمەت بوكسشى. دميتريي ديۆولمەن دە جەكپە-جەك وتكىزۋگە قارسى ەمەسپىن. جاس جانە بولاشاعىنان ۇلكەن ٴۇمىت كۇتتىرەتىن بوكسشى. 11 كەزدەسۋ وتكىزىپ-اق الەم چەمپيونى بولىپ ۇلگەردى. ودان كەيىن – ستيۆەنسون بار. ونى ۇزاق ۋاقىت باقىلاپ ٴجۇرمىن. كانادالىق بوكسشىنىڭ ٴستيلى ەرەكشە. سوققىسى مىعىم، اگرەسسيالىق ادىسكە بەيىم. ەكەۋىمىز كەزدەسسەك، جاقسى جەكپە-جەك بولادى دەپ ويلايمىن. ماعان سولاقايلارمەن جۇدىرىقتاسۋ ىڭعايلى. ونىڭ ۇستىنە، مەن ٴقازىر wbc تۇجىرىمىنىڭ بەلبەۋىن كوزدەپ ٴجۇرمىن. وسى تۇجىرىمنىڭ جاسىل بەلدىگىن جەڭىپ الۋ ارمانىم»، – دەيدى ٴالي vesti.kz تىلشىسىنە بەرگەن سۇحباتىندا.

بوكسشىنىڭ العاشقى جاتتىقتىرۋشىسى ساعاتبەك مۇساحانوۆ شاكىرتىنىڭ سەرگەي كوۆالەۆتى وڭاي جەڭەتىنە سەنىمدى.

«ارينە، ٴالي ونى ەركىن جەڭەدى. تەك دميتريي بيۆولمەن كەزدەسۋدە عانا قيىندىق تۋىنداۋى مۇمكىن. ويتكەنى، بيۆول وتە ىڭعايسىز بوكسشى. بۇل ديۆيزيوندا بيۆول مەن گۆوزديكتى ەڭ قيىن قارسىلاستار دەپ ايتار ەدىم. گۆوزديكتىڭ ەكپىنى كۇشتى، ال بيۆول جان-جاقتى بوكسشى: وتە جاقسى قوزعالادى، اراقاشىقتىقتى ٴتيىمدى پايدالانادى جانە سوققىسى مىعىم. ٴالي ەكەۋىمىز كاسىپقوي بوكستاعى جولىمىزدى باستاعاندا ۇنەمى وعان ٴبىزدىڭ ەڭ باستى قارسىلاس وسى دميتريي بيۆول ەكەنىن ايتاتىنمىن. باسقاسىن شاكىرتىمنىڭ وڭاي جەڭەتىنە سەنەمىن»، – دەيدى قازاقستاندىق جاتتىقتىرۋشى sports.kz سايتىنا بەرگەن سۇحباتىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي