BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەيبىت نازاروۆ «titan fc 51» xالىقارالىق تۋرنيرىندە جەڭىلدى

استانا، baq.kz. almaty arena كوپفۋنكسيونالدى سپورت كەشەنىندە ارالاس جەكپە-جەكتەن «titan fc 51» حالىقارالىق ٴتۋرنيرى ٴوتتى.

كەشتىڭ باستى جەكپە-جەگىندە alem fighters كلۋبىنىڭ ساربازى بەيبىت نازاروۆ (14-3) تورەشىلەردىڭ شەشىمىمەن امەريكاندىق مارتين براۋننان (12-5) ۇتىلدى. وسىلايشا ول جەڭىل سالماقتا (70،3 كگ) ۋاقىتشا چەمپيوندىق بەلبەۋىن قورعاي الماي مارتين براۋنعا بەرىپ قويدى.

سونداي-اق، بۇل جارىستىڭ ەكىنشى تيتۋلدىق كەزدەسۋىندە قازاقستاندىق قازىبەك ٴاشىموۆ (13-3) جەڭىل سالماقتاعى چەمپيوندىق بەلبەۋ ٴۇشىن (57 كەلى) كولۋمبيالىق حۋان پۋەرتامەن (15-6) ايقاسىپ، ەسە جىبەرىپ قويدى.

ايتا كەتەر جايت، جارىستا 9 رەسمي جانە 4 رەسمي ەمەس كەزدەسۋلەر ٴوتىپ، قازاقستان، رەسەي، اقش، كولۋمبيا، قىتاي، برازيليا، ٴازىربايجان، قىرعىزستان، گەرمانيا، يامايكا، گوللانديا مەملەكەتتەرىنەن كەلگەن 18 سپورتشى ونەر كورسەتتى. ەلىمىزدىڭ نامىسىن بەيبىت پەن قازىبەكتەن بولەك سىرىم بەكتۇرسىن، سالاۋات بەيسەنحانوۆ، رۋسلان قامزايەۆ، نۇرجان تۇتقا جانە ايبەك نۇرسەيىت قورعاعان بولاتىن. ولاردىڭ اراسىندا تەك رۋسلان قامزايەۆ ٴوز قارسىلاسى رەسەيلىك يگور پەستەرەۆتى قىلقىندىرۋ ادىسىمەن ۇتىپ، قازاقستاندىقتارعا قۋانىش سىيلايدى.

«مەن بارلىق قازاقستاندىقتارعا، اعايىن، باۋىرلارعا وسىنداي كەرەمەت قولداۋ كورسەتكەنى ٴۇشىن ٴوز العىسىمدى بىلدىرەمىن. وكىنىشكە قاراي، بۇل تيتۋلدىق جەكپە-جەكتەر ٴبىزدىڭ پايدامىزعا شەشىلمەدى. نەگىزىندە ٴبىز بۇلاردى سوتقا بەرەمىز، سەبەبى بەيبىت جەڭىلگەن جوق. مىسالى، جاڭا جاتقان كەزدە ول بەيبىتتى باستان تەۋىپ جىبەردى، ا ول ٴۇشىن ونىڭ ۇپايى جويىلۋ كەرەك. بەيبىتكە جەڭىس بەرمەگەننىڭ وزىندە ولار تەڭ ناتيجە بەرۋ كەرەك ەدى. ونى بارلىعىمىز كوردىك. ەندى، بولار ٴىس بولدى. ەر ازاماتپىز، مويىنىمزبەن كوتەرەمىز، جىگىتتەرىمىزدىڭ ساعى سىنباسىن. جەڭىستى كۇندەر ٴالى دە الدا»، - دەدى تۋرنير ۇيىمداستىرۋشىسى ارداق نازاروۆ.

بۇل جارىس تىكەلەي ەفيردە الەمنىڭ 150 مەملەكەتتەرىندە كورسەتىلىپ، وعان 9 مىڭ ادام كەلىپ، جانكۇيەر بولدى.

تۋرنير الماتى قالاسى اكىمدىگىنىڭ قولداۋىمەن، حالىقارالىق «titan fc» ۇيىمى جانە «alem fighters» سپورت كلۋبىنىڭ ۇيىمداستىرۋمەن وتكىزىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي