BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا ۇزدىك سپورتشىلار ماراپاتتالدى

استانا، baq.kz. اتىراۋدا سپورتشىلار بالى ٴوتتى، بۇل كەش سپورتشىلار ٴۇشىن وتكەن جىلدى قورىتىندىلايتىن كەش بولدى، شارادا 18 نوميناسيا بويىنشا وبلىس ۇزدىكتەرى انىقتالدى، دەپ xابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

وبلىستا جىل سايىن ٴداستۇرلى تۇردە ۇزدىكتەردى قورىتىندىلايتىن شاراعا رەسپۋبليكاداعى سپورت سالاسىنىڭ مايتالماندارى جينالدى. شارانى سالتاناتتى تۇردە اشقان وبلىس اكىمى ەل ماقتانىشىنا اينالعان جەرلەس سپورتشىلارعا اتىراۋلىقتار اتىنان العىس ٴبىلدىردى.

«سىزدەرگە قاراپ وسى جاستار بوي تۇزەيدى، سپورتپەن اينالىسقىسى كەلەدى. سىزدەردىڭ جەتىستىكتەرىڭىزدى كورىپ سىزدەر سياقتى بولۋعا تالپىنادى. ارتتارىڭىزدان ەرگەن كوپتەگەن ٴىنى-قارىنداستارىمىز دا باستاعان ٴىستى ابىرويلى جالعاستىرىپ كەلە جاتىر. وبلىستىڭ سپورت سالاسىنداعى جەتىستىكتەرىن قىسقاشا تاماشالادىق. بۇل ٴبىر عانا بولىگى. ٴبىز ٴوز سپورتشىلارىمىزدى قۇتتىقتايمىز. الدا تالاي جەتىستىككە جەتىپ، وبلىس قانا ەمەس، ەل ماقتانىشىنا اينالۋلارىڭىزعا تىلەكشىمىز جانە ٴاردايىم قولداۋ بىلدىرەمىز»،- دەدى نۇرلان نوعايەۆ.

سونىمەن قاتار، ايماق باسشىسى ۇزدىكتەرگە قازاقستان رەسپۋبليكاسى مادەنيەت جانە سپورت مينيسترلىگىنىڭ توسبەلگىسىن جانە وبلىس اكىمىنىڭ العىس حاتىن تابىستادى. سونداي-اق، «جىل سپورتشىسى» مەن «جىل جاتتىقتىرۋشىسىن» انىقتادى. بيىلعى جىلى "جىل سپورتشىسى" بولىپ دجاكارتا قالاسىندا وتكەن پاراجۇزۋدەن ەكى التىنعا يە بولعان حالىقارالىق دارەجەدەگى سپورت شەبەرى ەرجان سالىمگەرەەۆ اتانسا "جىل جاتتىقتىرۋشىسى" كاراتەدەن وبلىستىق جاستار كومانداسىنىڭ جاتتىقتىرۋشىسى بولات ٴىزباسقانوۆقا بۇيىردى.

مەرەكەلىك جيىندا جاقسىلىق ۇشكەمپىروۆ، ەرماحان يبرايموۆ، بولات تەمىروۆ، ماكسيم راكوۆ، ايبەك نۇعىماروۆ، سپورت ارداگەرى اقمىرزا باتىرحايىروۆتار قۇتتىقتاۋ ٴسوز سويلەپ، «ەڭ ۇزدىك جاس سپورتشى»، «جىل سەرپىلىسى»، «ەڭ ۇزدىك ٴجاسوسپىرىم سپورتشى»، «ۇزدىك فەدەراسيا»، «سپورت جاناشىرى»، «ۇزدىك سپورتتىق اكىم»،«ۇزدىك سپورت سەرىكتەسى»، «ۇزدىك سپورتتىق باسشى»، «ۇزدىك سپورتتىق ٴبولىم»، «ۇزدىك بۇقارالىق-سپورتتىق شارا»، «ۇزدىك سپورت ارداگەرى»، «ۇزدىك كوماندا»، «ۇزدىك سپورتتىق ۇيىم»، «ۇزدىك سپورت جاڭالىقتارىنىڭ شولۋشىسى»، «ۇزدىك سپورتتىق جوبا»، «ۇزدىك سپورت ٴتىلشىسى» نوميناسيالارىنىڭ جەڭىمپازدارىن انىقتادى.

اتىراۋ وبلىسى دەنە شىنىقتىرۋ جانە سپورت باسقارماسىنىڭ باسشىسى رينات يبراگيموۆ سپورت جاناشىرلارىنا باسقارمانىڭ العىس حاتىن تابىستادى.

سپورت بالىنا قاتىسقاندار وبلىسىمىزدىڭ سپورتشىلارى رەسپۋبليكالىق جانە حالىقارالىق جارىستاردا يەلەنگەن 300 كۋبوكتەن تۇرعىزىلعان جاڭا جىلدىق شىرشانى تاماشالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي