BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانالىقتار ايازعا قاراماستان مارافونعا قاتىستى

فوتو: Нұржас Жақсыбай

استانا، baq.kz ٴتىلشىسى. ەلوردا تۇرعىندارى ايازعا قاراماستان ii اstana winter marathon-2018 مارافونىندا جۇگىردى.

قازاقستاننىڭ دەنساۋلىق ەلشىسى مارات جىلانبايەۆتىڭ قاتىسۋىمەن ii اstana winter marathon-2018 مارافونى ٴوتتى. وعان 12-74 جاس ارالىعىنداعى ازاماتتار قاتىستى. سپورتتىق شارا ترياتلون پاركىندە ۇيىمداستىرىلدى.

«بۇگىن تاڭعى 9-دا 1600-دەن استام ادام جۇگىرۋگە شىقتى. سونشا ادام مارافونعا قاتىسۋعا ٴوتىنىش ٴبىلدىردى. ولار 21، 10، 5 قاشىقتىققا جۇگىرۋدە. اۋا رايىنا بايلانىستى ٴبىز 42 شاقىرىمدى 21-گە قىسقارتتىق. بۇل حالىقارالىق ەرەجەلەردىڭ تالابىنا ساي كەلەدى. وندا اۋا تەمپەراتۋراسى -20 گرادۋستان تومەن بولسا، جارىس كەيىنگە قالدىرىلادى نەمەسە بولمايدى دەپ جازىلعان. ٴبىز بارلىعىن ەرەجەگە ساي جاسادىق»، - دەدى تانىمال مارافونشى.

سونىمەن قاتار ول وسى ۋاقىتتا ەلىمىزدىڭ باسقا دا قالالارىندا مارافون ۇيىمداستىرىلعانىن جەتكىزدى.

«اتىراۋدا 107 ادام، پاۆلوداردا 60 ادام جۇگىرەدى. ورال، ەكىباستۇز، اقتوبە قالالارىنان دا قاتىسۋشىلار بار. ولار دا مەدال الادى. جالپى ٴبىز 2 مىڭ مەدال جاسادىق»، - دەدى مارات جىلانبايەۆ.

مارافونعا جۇگىرۋگە مۇمكىندىگى شەكتەۋلى جاندار دا قاتىستى.

ايتا كەتەيىك، جارىستىڭ ماقساتى – اۋا-رايىنا قاراماستان دەنە شىنىقتىرۋمەن جانە سپورتپەن بەلسەندى تۇردە اينالىسۋعا شاقىرۋ، جاس سپورتشىلاردى قولداۋ جانە بۇقارالىق سپورتتى ناسيحاتتاۋ.

جارىس باعدارلاماسى بويىنشا قاتىسۋشىلار 21 كم، 10 كم جانە 5 كم قاشىقتىققا جۇگىرەدى:
- 21 كم جارتىلاي مارافونعا 18 جاستاعىلار جانە ودان جوعارىلار;
- 10 كم قاشىقتىققا سەرىكتەسىپ جۇگىرۋگە 14 جاستاعىلار جانە ودان جوعارىلار (اتا-انالارىنىڭ/قامقورشىلارىنىڭ جازباشا كەلىسىمى ارقىلى);
- 5 كم قاشىقتىققا 12 جاستاعىلار جانە ودان جوعارىلار (اتا-انالارىنىڭ/قامقورشىلارىنىڭ جازباشا كەلىسىمى جانە بىرگە قاتىسۋى ارقىلى) جىبەرىلەدى.

جەڭىمپازدار مەدال جانە باعالى سىيلىقتارمەن ماراپاتتالادى. ال مارەگە جەتكەن قاتىسۋشىلارعا ەستەلىك مەدالدار بەرىلەدى.

فوتو/ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي