BAQ.kz - Қазақстан жаңалықтары USD 376.4 BAQ.kz - Қазақстан жаңалықтары EUR 427.36 BAQ.kz - Қазақстан жаңалықтары RUB 5.86
استانا:

استانادا دزيۋدودان ەل بىرىنشىلىگى وتەدى

فوتو: Нұржас Жақсыбай

استانا، baq.kz ٴتىلشىسى. 13-16 قاراشا كۇندەرى استانادا «داۋلەت» سپورت كەشەنىندە دزيۋدودان ەرلەر مەن ايەلدەر اراسىندا قر چەمپيوناتى وتەدى. جارىس ناتيجەسىندە جەڭىمپاز اتانعان سپورتشىلاردان 2019 جىلعى دزيۋدودان ۇلتتىق قۇراما كومانداسى جاساقتالادى.

بيىل دزيۋدودان قازاقستان چەمپيوناتىنا رەسپۋبليكا بويىنشا 437 سپورتشى قاتىسادى.

دزيۋدو فەدەراسياسى دامىتۋ جونىندەگى ديرەكتورى اسحات جيتكەەۆ ەل بىرىنشىلىگىن وتكىزۋگە نەلىكتەن استانا قالاسى تاڭدالعانىن ايتتى.

«وسىعان دەيىن استانادا سپارتاكيادالار بولدى، ٴبىراق چەمپيونات وتكەن جوق. نەگە استانا، سەبەبى ايماقتاردان ٴوتىنىم كەلگەن كەزدە ول جاقتاعى فەدەراسيالار قالاي جۇمىس ىستەيتىنىن كورەمىز. استانادا بارلىق جاعداي بار، قوناق ٴۇي دە، سپورت زال دا بار. سونداي-اق، استانادا بىرىنشىلىك وتپەگەنىنە كوپ بولدى»، - دەدى ول.

اسحات جيتكەەۆ جۇلدەلى ورىننان كورىنگەن سپورتشىلار ۇلتتىق قۇراماعا قابىلداناتىنىن ايتتى.

«چەمپيونات ارقىلى ۇلتتىق قۇراما جاساقتالادى. ولار نەگىزگى قۇراماعا قوسىلىپ، حالىقارالىق جارىستارعا قاتىساتىن بولادى. ٴقازىدىڭ وزىندە وليمپياداعا جولداما الۋ ٴۇشىن ۇپاي الىپ ۇلگەرگەن سپورتشىلار بار. سوعان قاراماي ولار دا چەمپيوناتقا قاتىسادى»، - دەدى قدف دامىتۋ جونىندەگى ديرەكتور.

اسحات جيتكەەۆ ەرلەر كۇرەسىمەن قاتار ايەلدەر دزيۋدوسى دامىپ كەلەدى دەگەن پىكىردە. ازيا چەمپيوناتىندا قولا مەدال العان گۇلجان يسانوۆا مەن بارعان جارىسىنان جۇلدەسىز قايتپايتىن گالبادراح وتگونسەسەگ سونىڭ ايقىن دالەلى.

«باگاما ارالدارىندا وتكەن دزيۋدودان جاستار اراسىندا الەم چەمپيوناتىندا ەل قۇراماسى كوماندالىق جارىستا قولا مەدال الدى. شەشۋشى كۇرەستە ايەلدەردىڭ قوسقان ۇلەسى جوعارى بولدى»، - دەدى ول.

ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي