BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا» ۆەلوكومانداسى بيىل قانداي جەتىستىككە جەتتى

فوتو: astanaproteam.kz

استانا، baq.kz. «استانا» ۆەلوكومانداسى 2018 جىلعى ماۋسىمدى «داۋن اندەر تۋرى» جارىسىنداعى 3-ورىننان باستاپ، «گۋانسي تۋرىنداعى» 3-ورىنمەن اياقتادى. جىل باسىنان بەرگى جارىستاردىڭ بارلىعىندا دەرلىك «استانا» شاباندوزدارى جەڭىس تۇعىرىنان تۇسپەدى.

اstana pro team وتكەن جەكسەنبىدە بيىلعى ماۋسىمدى رەسمي تۇردە اياقتادى. ەڭ سوڭعى جارىس قىتايدا وتكەن «گۋانسي تۋرىندا» استانالىق ۆەلوشاباندوزدار جالپى كوماندالىق ەسەپتە ٴبىرىنشى ورىننان كورىندى.

جالپى العاندا 2018 جىل «استانا» ۆەلوكومانداسى ٴۇشىن وتە جەمىستى بولدى. ٴبىر جىل ىشىندە «استانا» شاباندوزدارى 33 رەت جەڭىس تۇعىرىنان، 62 رەت جۇلدەلى ورىننان كورىندى.

«بيىلعى جىلدى اياقتاي كەلە كورسەتكەن ناتيجەمىزبەن ماقتانا الامىز. كوماندا جوعارى دەڭگەيدەگى جەتىستىكتەرگە قول جەتكىزدى. 95 جۇلدەلى ورىننىڭ ٴ33-ى – تازا جەڭىس. بۇل – ٴبىز ٴۇشىن عالامات كورسەتكىش. سوڭعى ەكى جىلدا «استانا» كومانداسىنىڭ بەت-بەينەسى دە، مىنەز-قۇلقى دا وزگەردى. كوماندا ٴبىرشاما جاسارىپ قالدى. ۇجىمىمىز بىركۇندىك جانە بىرنەشە كۇندىك كلاسسيكالىق جارىستاردىڭ بارلىعىندا جۇلدە الدى. ال قازاقستاندىق شاباندوزدار الەكسەي لۋسەنكو، ەۆگەنيي گيديچ، نيكيتا ستالنوۆتار ۇلكەن پروگرەسس جاسادى. ٴبىز سونىمەن قاتار گراند-تۋرلارداعى جۇلدەلى ورىندارعا قايتا كوتەرىلدىك. دەگەنمەن، بيىلعى جەتىستىكتەرىمىزدى ايتىپ ماقتانا بەرمەي كەلەر جىلعا دايىندىقتى باستاپ كەتۋىمىز كەرەك. وسى العان بەتىمىزدەن تايماۋىمىز قاجەت»، - دەدى astana pro team باس مەنەدجەرى الەكساندر ۆينوكۋروۆ.

فوتو: astanaproteam.kz

ۆەلوشاباندوزدار «استانا» ساپىندا 30 جەڭىسكە جەتسە، الەكسەي لۋسەنكو قازاقستان قۇراماسى ساپىندا ازيا ويىندارىندا چەمپيون اتاندى. يتاليالىق مورەنو موزەردە بىركۇندىك «تروفەو لايگۋەليا» جارىسىندا ۇتتى. 33 جەڭىستىڭ 10-ى الەمدىك تۋر سانالاتىن جارىستاردا تىركەلدى.

فوتو: astanaproteam.kz

«تۋر دە فرانس» ۆەلوجارىسىنىڭ 14-كەزەڭىندە ومار فرايلە، 15-كەزەڭىندە ماگنۋس كورت ٴبىرىنشى بولىپ مارە سىزىعىن كەستى. «ومان تۋرى» جارىسىن الەكسەي لۋسەنكو جەڭدى. سونىمەن قاتار، «كريتەريۋم ديۋ دوفينە» دە پەلو بيلباو، «رومانديا تۋرىندا» ياكوب فۋلسانگ پەن ومار فرايلە، «باسك ەلدەرى تۋرىندا» ومار فرايلە، «بينك بانك تۋرىندا» ماگنۋس كورت جانە «تۇركيا تۋرىندا» الەكسەي لۋسەنكو جەڭىس تۇعىرىنان كورىندى. سونداي-اق ميحاەليا ۆالگرەننىڭ «وملۋۋپ حەت نيۋزبلاد» پەن «امستەل گولد رەيس» كلاسسيكالىق جارىستارىنداعى جەڭىستەرىن دە اتاپ ٴوتۋ كەرەك.

فوتو: astanaproteam.kz

ميگەل انحەل لوپەس «دجيرو د’يتاليا» مەن «ۆۋەلتا يسپانيا» جارىستارىندا 3-ورىن الدى. 2017 جىلداعى قيىندىقتاردان كەيىن «استانا» سۋپەر كوپكۇندىكتەردەگى كوشباسشىلار تىزىمىنە قايتا ورالدى.

فوتو: astanaproteam.kz

گراند-تۋرلاردان بولەك «استانا» شاباندوزدارى ٴىرى كلاسسيكالىق جارىستاردىڭ باستى ەسەبىندە تۇعىردان كورىندى. مىسالى: «ۆۋەلتا ۆالەنسيا» (ٴ2-شى جانە ٴ3-شى ورىنداردى لۋيس لەون سانچەس پەن ياكوب فۋلسانگ يەمدەندى)، «دۋباي تۋرى» (2-ورىن ماگنۋس كورت)، «ٴابۋ-دابي تۋرى» (3-ورىن ميگەل انحەل لوپەس)، «حورۆاتيا تۋرى» (3-ورىن ەۆگەنيي گيديچ)، «شۆەيساريا تۋرى» (2-ورىن ياكوب فۋلسانگ)، «تۇركيانىڭ پرەزيدەنتتىك تۋرى» (2-ورىن، الەكسەي لۋسەنكو)، «گۋانسي تۋرى» (3-ورىن، سەرگەي چەرنەسكيي) جانە ت.ب. جارىستار.

سونىمەن بىرگە، «استانا» شاباندوزدارى اتاقتى بىركۇندىك جارىستاردا دا جۇلدەلى بولدى. ولاردىڭ ىشىندە «برەتانيا كلاسسيكاسى» (2-ورىن ميحاەل ۆالگرەن) جانە «ميلان – تۋرين» (2-ورىن ميگەل انحەل لوپەس).

«استانا» ٴۇشىن ماۋسىم وتە ٴساتتى ٴوتتى. كوماندا جىل سوڭىندا الەمدىك تۋر ساناتىنداعى رەيتينگتە 6-ورىننان كورىندى (7859 ۇپاي).

فوتو: astanaproteam.kz

2018 جىلدىڭ ناتيجەسى بويىنشا ازيا قۇرلىعىنداعى رەيتينگتە 1-ورىندى الەكسەي لۋسەنكو يەمدەنگەنىن ايتا كەتەيىك. ول بيىل 6 بىردەي ٴىرى جەڭىسكە قول جەتكىزدى («ومان تۋرى»، قازاقستان بىرىنشىلىگىندەگى توپتىق كەزەڭدە 1-ورىن، «اۋستريا تۋرى» جارىسىنىڭ 6-كەزەڭىندەگى 1-ورىن، ازيا ويىندارىنداعى جەكەلەي جەانە توپتىق سىنداعى 1-ورىندار جانە «تۇركيا پرەزيدەنتتىك تۋرى» جارىسىنىڭ 4-كەزەڭىندەگى 1-ورىن). «استانا» كومانداسى شاباندوزدارىنىڭ ارقاسىندا قازاقستان قۇراماسى uci asia tour رەيتينگىسىندە دە ٴبىرىنشى ورىننان كورىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي