BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىداعى كوركەم گيمناستيكادان تۋرنير اسەرلى شوۋمەن باستالدى

استانا، baq.kz. الماتىدا «دوستىق» سپورت كەشەنىندە «سپورتتىق الماتى» باعدارلاماسى اياسىندا كوركەم گيمناستيكادان تۋرنير باستالدى. بۇل تۋرالى الماتى اقپاراتتىق ورتالىعى حابارلادى.

ونىڭ اشىلۋ سالتاناتىندا قالا اكىمدىگى مەن فەدەراسيا وكىلدەرى قۇتتىقتاۋ سوزدەرىن ايتىپ، قاتىسۋشىلارعا ساتتىلىك تىلەدى.

قر ەڭبەگى سىڭگەن جاتتىقتىرۋشى ماحمۋد يسكەنديروۆ ٴوز سوزىندە وسىنداي جارىستار تەك قالادا ەمەس، ەلىمىزدە كوركەم گيمناستيكانىڭ دامۋىنا ٴوز سەپتىگىن تيگىزەتىندىگىن اتاپ ٴوتتى.

اشىلۋ سالتاناتى بارىسىندا كوپتەگەن بي انسامبلدەرى ٴوز ونەرلەرىن ورتاعا سالىپ، ادەمى ٴارى اسەرلى كورىنىس كورسەتتى.

جارىستىڭ العاشقى كۇنىندە ٴوز اسەمدىكتەرى مەن كەرەمەت نومىرلەرىن كورسەتۋگە 2003-2011 جىلى تۋعان گيمناستشىلار كەلدى. جالپى بۇل 3 كۇنگە سوزىلاتىن جارىسقا 400-گە جۋىق سپورتشىلار قاتىسادى. ولار مەنسۇلۋ، مادينا، نيكا، ناتاليا كۋزنەسوۆا، №11 بجودسم، كەربەز، فەنيكس، كازستا، گراسيا جانە وقۋشىلار سارايىنان مەكتەپتەرى مەن كلۋبتارىنىڭ سپورتشى قىزدارى. سايىس fig ەرەجەلەرىنە سايكەس جەكەلەي جانە توپتىق بولىپ وتەدى. جارىستىڭ باستالۋى كۇندەلىكتى ساعات 09:00-دە.

«بۇل ادەمى سپورت ٴتۇرى قالامىزدا وتە جاقسى دامىپ كەلەدى. ٴقازىر الماتىدا 17 كوركەم گيمناستيكا سپورت كلۋبى جۇمىس ىستەيدى. ولاردىڭ بارلىعى دا تولىق. اراسىندا №11 بجودسم مەن وقۋشىلار سارايى مەملەكەتتىك بولسا، قالعاندارى جەكەمەنشىك كلۋبتار»، - دەيدى جارىستىڭ باستى تورەشىسى گالينا ۆەرۆەيكينا-راحيمبايەۆا.

بۇل ەرەكشە اسەمدەلگەن سپورت كەشەنىندە ناعىز مەرەكەلىك اتموسفەرا بايقالادى. ۇيىمداستىرۋشىلار ٴوز كەزەگىندە جاڭا جىل مەرەكەسى قارسانىندا ۇلكەن بەس مەترلىك ارنايى شارلارمەن بەزەندىرىلگەن شىرشا قۇرىپ، قوناقتاردى ٴتانتى قىلدى. ولاردىڭ ايتۋىنشا بۇل شىرشا قالا بويىنشا ەش جەردە ورنالاسپاعان.

جارىس جەڭىمپازدارى مەن جۇلدەگەرلەرى ديپلوم، مەدالدار جانە باعالى سىيلىقتارعا يە بولادى. ال، 4، 5، 6 ورىن يەلەنگەن قاتىسۋشىلار گراموتا جانە ەستەلىك سىيلىقتارمەن ماراپاتتالادى.

«ٴبىزدىڭ «مەنسۇلۋ» كوركەم گيمناستيكا مەكتەبىنىڭ قىزدارى توپتىق جارىستا جەڭىمپاز اتاندى. ٴبىز وتە قۋانىشتىمىز. ولار ٴارقاشاندا جۇلدەلى ورىندار الىپ جۇرەدى، بۇگىندە جەڭىستەرىنە سەڭگەن بولاتىنمىن. وسىنداي شارا ٴۇشىن ۇيىمداستىرۋشىلارعا العىس ايتامىن. بارلىعى دا كەرەمەت بولدى»، - دەپ ٴوز ويىمەن كوماندا جاتتىقتىرۋشىسى اسيا نۋحايەۆا-ماركينا ٴبولىستى.

ايتا كەتۋ كەرەك، سايىستىڭ باستى ماقساتى سالاۋاتتى ٴومىر سالتىن ناسيحاتتاپ، قالاداعى كوركەم گيمناستيكانى دامىتۋ، سپورتشىلاردىڭ ونەرىن شىنداۋ، سونىمەن قاتار، ولاردىن سپورتتىق رازريادتارىن ارتتىرۋ بولىپ تابىلادى.

تۋرنير باتۋتتىق ورتالىق «gravity»، «hawaii» جانە «miami» اكۆاپاركتەرىنىڭ، سونداي-اق، قازاقستاننىڭ كونديتەرلەر قاۋىمداستىعىنىڭ قولداۋلارىمەن ۇيىمداستىرىلۋدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي