BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا زاماناۋي بالالار فۋتبول ورتالىعى اشىلدى

الماتى. baq.kz. «سپۋتنيك» ستاديونىنىڭ قايتا جاڭارتۋ جۇمىستارىنان كەيىن بالالار مەن جاسوسپىرىمدەرگە ارنالعان «جاس قىران» فۋتبول ورتالىعى اشىلدى.

جاڭارتىلعان ستاديوندا 800 ادامعا ارنالعان قورشالعان ىڭعايلى تريبۋنالار، ال ونىڭ استىندا كوپتەگەن بولمەلەر ورنالاسقان. اينالاسى كوگالداندىرىلعان ارنايى يتاليادان الىنعان سوڭعى ۇلگىدەگى فيفا-مەن سەرتيفيكاتتاندارىلعان درەناجدى جۇيەسى بار جاساندى فۋتبول الاڭى مەن سپورت الاڭدارى ورتالىقتىڭ ادەمى كەلبەتىن كەلتىرۋدە.

بۇل جەردە 500-دەن استام جاس فۋتبولشىلار دايىندالۋعا مۇمكىندىك الادى. جالپى ورتالىقتا 50 باپكەر جۇمىس اتقارادى.

«بارلىقتارىڭىزدى كەرەمەت مەرەكەمەن قۇتتىقتايمىن! وسىنداي باستامالار ٴۇشىن العىس بىلدىرەمىن. بۇنىڭ بارلىعى ەلباسىمىزدىڭ سپورتتى دامىتۋ ساياساتىنىڭ ارقاسىندا جۇزەگە اسىرىلۋدا»، - دەدى قازاقستان فۋتبول فەدەراسياسىنىڭ پرەزيدەنتى ادىلبەك جاقسىبەكوۆ.

ايتا كەتسەك، جىلدىن باسىنان قالادا «سپورت مەنىڭ اۋلامادا» جوباسى اياسىندا 18 مىڭ ادام سپورتپەن شۇعىلدانۋدا. سونداي-اق، جەكە سپورتتىق مەكەمەلەردىڭ قولداۋىمەن «باتىل بول» جوباسى ىسكە قوسىلدى. بۇل جوبا جاعدايى تومەن وتباسىلارعا سپورتپەن شۇعىلدانۋعا مۇمكىندىك سىيلادى.

«ٴبىزدىڭ ەلباسىمىز ٴوزىنىڭ قازاقستان حالقىنا دەگەن جولداۋىندا سپورتتىڭ دامۋىنا اسا كوڭىل ٴبولىپ، سپورتتىق قۇرىلىمداردىڭ جاڭارتۋىنا بايلانىستى بىرنەشە باعىتتا تاپسىرما بەرگەن بولاتىن. «جاس قىران» فۋتبول ورتالىعى وسى ستاديوندى جاڭارتۋ ٴۇشىن ۇلكەن جۇمىستار اتقاردى. وزدەرىڭىز بىلەتىندەي، سپۋتنيكتىڭ تاريحى وتە باي. كوپتەگەن فۋتبول جۇلدىزدارى وزدەرىنىڭ كاسىبي مانساپتارىن وسى جەردەن باستاعان بولاتىن. بۇل جاستارعا جاڭا شابىت سىيلاپ، كوپتەگەن دارىنداردىڭ جولىن اشادى دەپ سەنەمىن»، - دەدى الماتى اكىمى باۋىرجان بايبەك.

ونىڭ ايتۋىنشا، بۇگىنگى تاندا الماتى ۆەلوترەگىنىڭ جاڭارتۋ جۇمىستارى اقتالىپ قالدى، ال كەلەسى جىلى 5 مىڭ ادامعا ارنالعان جابىق جەڭىل اتلەتيكا ستاديونى سالىناتىن بولادى.

«باستى ماقسات - بالالار سپورتتان ٴلاززات الىپ، ەلىمزدىڭ پاتريوتى بولىپ ٴوسۋى. ال فۋتبول ولارعا جانە اتا-انالارىنا تەك باقىت سىيلاپ، ٴار وتكىزگەن ويىن تەك شاتتىققا تولى بولسا دەگەن نيەت»، - دەيدى جوبا باستاماشىسى، «جاس قىران» بجفو باسشىسى بەرىك قانيەۆ.

ەستەرىڭىزگە سالا كەتسەك، جاقىندا قازاقستان حالقىنا جولداۋىندا مەملەكەت باسشىسى اكىمدەرگە 100 دەنە شىنىقتىرۋ كەشەندەرىن سالىپ، قازىرگى بار سپورت ورتالىقتارىن ٴتيىمدى پايدالانۋعا تاپسىرما بەرگەن ەدى.

بۇل فۋتبول ورتالىعى مەملەكەتتىك جەكەشەلەندىرۋ سەرىكتەستىگى باعدارلاماسى اياسىندا قازاقستانداعى تانىمال الماتىلىق ٴ№2-شى ماماندىرىلعان بالالار مەن جاسوسپىرىمدەر وليمپيادالىق رەزەرۆ مەكتەبىنىڭ بازاسىندا سالىندى. سوۆەت وكىمەتى زامانىڭدا ول كەزدەگى ٴ№3-شى مبجورم فۋتبول مەكتەبى وزدەرىنىڭ تۇلەكتەرى جانە باپكەرلەرىمەن تانىمال بولعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي