BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا كۇزدىڭ بەسىنشى ۆەلوشەرۋى ٴوتتى

استانا، baq.kz. بۇگىن «سپورتتىق الماتى» باعدارلاماسى اياسىندا قالا كۇنىنە ارنالعان كۇزدىڭ بەسىنشى ۆەلوشەرۋى ٴوتتى. بۇل تۋرالى اقپاراتتىق جانە سپورتتىق حاب حابارلايدى.

400-گە جۋىق ۆەلوسۇيەر قاۋىم نۇرلى تاۋ بيزنەس ورتالىعىنان تۇڭعىش پرەزيدەنت ساياباعىنا دەيىن 7،5 كم قاشىقتىقتى ٴجۇرىپ ٴوتتى.

مارەدە قاتىسۋشىلار اراسىندا باعالى سىيلىقتار ويناتىلدى. بۇگىن اندرەي شاپوۆالوۆتىڭ باعى جاندى، ول باس جۇلدە – جاڭا ۆەلوسيپەدتى جەڭىپ الدى.

«مەن ٴبىرىنشى رەت جۇلدەلى بولدىم. ۆەلوشەرۋلەرگە ەكى جىل بويى قاتىسىپ كەلەمىن، ۇيىمداستىرۋشىلار ٴبىز ٴۇشىن جولداردى جاۋىپ، جاقسى كوڭىل كوتەرىپ، ٴوز قالاڭمەن سەرۋەندەۋگە مۇمكىندۋك بەرەدى. ۆەلوسپورت - مەن ٴۇشىن حوببي، ٴوزىم جەكە كاسىپكەرمىن. بارلىق قالا تۇرعىندارىن سپورتپەن شۇعىلدانۋعا، ۆەلوشەرۋلەرگە قاتىسۋعا شىقىرامىن، قالا اكىمدىگى ٴبىز ٴۇشىن بارلىق جاعدايدى جاساپ جاتىر»، - دەپ بۇگىنگى تەمىر تۇلپاردىڭ يەسى سالاۋاتتى ٴومىر سالتىن جۇرگىزۋگە شاقىردى.

سونداي-اق، ۆەلوشەرۋگە جاستار قۇرىلتايىنىڭ اياسىندا الماتىدا باس قوسقان «قازمۇنايگاز» ۇلتتىق كومپانياسىنىڭ 100-گە جۋىق قىزمەتكەرلەرى قاتىستى.

«بۇگىنگى ۆەلوشەرۋگە «قازمۇنايگاز» كومپانياسىنىڭ جاس قىزمەتكەرلەرى قاتىسىپ وتىر. ٴار كومپانيادا جاستار كەڭەسى قۇرىلعان، ٴبىز بەس باعىت بويىنشا جۇمىس اتقارامىز، ولاردىڭ ٴبىرى - سالاۋاتتى ٴومىر سالتى. بىزدە جىل سايىن جاستار قۇرىلتايى وتەدى. بيىلعى جىلى الماتىدا جينالىپ وتىرمىز. 2019 جىلى جاستار جىلى دەپ جاريالانعاندىقتان، وسى باعىتتا جۇمىسىمىزدى جالعاستىرامىز»، - دەدى «قازمۇنايگاز» ۇك اق جاستار كەڭەسىنىڭ ٴتوراعاسى سايات قايگەلدينوۆ.

ايتا كەتەر جايت، بۇل ۆەلوشەرۋ «سپورتتىق الماتى» قالالىق باعدارلاماسى اياسىندا 2018 جىلى جوسپارلانعان 21 ۆەلوشەرۋدىڭ ون توعىزىنشىسى بولىپ تابىلادى. «سپورتتىق الماتى» باعدارلاماسى الىپ شاھاردا بۇقارالىق سپورتتى دامىتۋ ماقساتىندا جۇزەگە اسىرىلىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي