BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا حالىقارالىق قارتتار كۇنىنە ارنالعان ۆەلوشەرۋ ٴوتتى

800 جۋىق بەلسەندى دەمالۋدى جاقسى كورەتىندەر بۇل جولى 9،05 شاقىرىم جول ٴجۇردى. ٴداستۇر بويىنشا ۆەلوشەرۋ «نۇرلى تاۋ» بو اۋماعىنان ساعات 9.00-دا باستاۋ الىپ، اتاكەنت الاڭىندا اۋماعىندا اياقتالدى، دەپ حابارلايدى baq.kz اقپارات اگەنتتىگى.

كۇتىلگەندەي مارەدە كوپتەگەن قۇندى جانە باعالى سىيلىقتار ويناتىلدى، باستى سىيلىقتاردىڭ ٴبىرىن ۆەلوساقشى ادىلەت الماحان ۇتىپ الدى.

«ٴبىرىنشى رەت وسىنداي ۇلكەن جۇلدەنى جەڭىپ الدىم، باقىتىمدا شەك جوق. باۋىرىمنىڭ تۋعان كۇنى بولعان، سوعان سىيلايمىن. ۇيىمداستىرۋشىلارعا العىس ايتامىن. مەن ٴوزىم ۆەلوساقشىمىن، 3 جىلدان بەرى ۆەلوشەرۋلەرگە قاتىسىپ كەلەمىن جانە ۆەلوساقشىلار قاتارىنا العاش قابىلدانعانداردىڭ ٴبىرىمىن. ٴبىزدىڭ مىندەتىمىز - قاتىسۋشىلارعا كومەكتەسۋ، قاۋىپسىزدىكتى باقىلاپ ٴجۇرۋ جانە جول پوليسياسىنا كومەكتەسۋ»، - دەيدى ول.

سونداي-اق، الماتى قالاسى دەنە شىنىقتىرۋ جانە سپورت باسقارماسى سپورت ارداگەرلەرىن قۇتتىقتاپ، ولارعا مەرەكە قۇرمەتىنە باعالى سىيلىقتار تابىس ەتتى. ٴوز كەزەگىندە، ارداگەرلەر العىستارىن ٴبىلدىرىپ، بارلىق الماتىلىقتاردى سالاۋاتتى ٴومىر سالتىن ۇستانۋعا جانە سپورتپەن شۇعىلدانۋعا شاقىردى.

ايتا كەتەر جايت، بۇل ۆەلوشەرۋ «سپورتتىق الماتى» قالالىق باعدارلاماسى اياسىندا 2018 جىلى جوسپارلانعان 21 ۆەلوشەرۋدىڭ ون سەگىزىنشىسى بولىپ تابىلادى. «سپورتتىق الماتى» باعدارلاماسى الىپ شاھاردا بۇقارالىق سپورتتى دامىتۋ ماقساتىندا جۇزەگە اسىرىلىپ كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي