BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقتوبەدە مانەرلەپ سىرعاناۋدان ەل بىرىنشىلىگى باستالدى

فوتو: aktobegazeti.kz

استانا، baq.kz. اقتوبەدە مانەرلەپ سىرعاناۋدان ەرەسەكتەر اراسىندا قازاقستان رەسپۋبليكاسىنىڭ چەمپيوناتى ٴوتىپ جاتىر. ايتۋلى دوداعا الماتى مەن استانا قالالارىنان وزگە 6 وڭىردەن كەلگەن 72 سپورتشى قاتىسۋدا. بۇل تۋرالى aktobegazeti.kz سايتى حابارلايدى.

سارسەنبى كۇنى مۇز سارايىندا وتكەن چەمپيوناتتىڭ اشىلۋىنا وبلىس اكىمى بەردىبەك ساپاربايەۆ قاتىسىپ، بارلىق قاتىسۋشىلارعا ساتتىلىك تىلەدى.

«سپورتتىڭ ادامعا قانداي پايداسى بار ەكەنىن جاقسى بىلەسىزدەر. مەملەكەت باسشىسى نۇرسۇلتان نازاربايەۆ ٴاردايىم سپورتقا ەرەكشە كوڭىل ٴبولىپ كەلەدى. ٴبىز دە اقتوبەدە سپورتتىڭ ماتەريالدىق بازاسىن نىعايتۋ ٴۇشىن جۇمىس جاساپ جاتىرمىز. بۇگىنگى تاڭدا اقتوبەلىكتەردىڭ 32 پايىزى سپورتپەن شۇعىلدانادى. وزدەرىڭىز بىلەتىندەي، سوڭعى ٴۇش جىلدا اقتوبە وڭىرىندە 70-كە جۋىق سپورت نىسانى سالىنىپ، حالىق يگىلىگىنە بەرىلدى. سونىڭ ٴبىرى – بۇگىنگى چەمپيونات ٴوتىپ جاتقان مۇز سارايى. اقتوبەدە سوڭعى جىلدارى شورت-ترەك، مانەرلەپ سىرعاناۋ، حوككەي سەكىلدى سپورت تۇرلەرى جاقسى دامىپ كەلەدى. اتالعان سپورت تۇرلەرىمەن بۇگىندە 800-گە جۋىق بالا اينالىسادى. بۇل ناتيجە ٴالى دە كوبەيەدى دەپ ويلايمىز»، - دەگەن وبلىس اكىمى مانەرلەپ سىرعاناۋدان قازاقستان رەسپۋبليكاسىنىڭ چەمپيوناتىنىڭ اقتوبەدە ٴوتۋى، اقتوبەلىك سپورتشىلار ٴۇشىن ۇلكەن ناتيجە ەكەندىگىن ايتتى.

ٴۇش كۇنگە سوزىلاتىن جارىس قىسقا جانە ەركىن باعدارلاما بويىنشا ٴوتىپ جاتىر. بۇل جارىستا جۇپتىق باسەكە جوق. سوندىقتان سپورتشىلار تەك جەكەلەي سىندا ونەر كورسەتەدى.

چەمپيوناتقا تەك دەڭگەيى قازاقستان رەسپۋبليكاسىنىڭ ٴى سپورتتىق رازريادىنان تومەن ەمەس مانەرلەپ سىرعاناۋشىلار قاتىسۋدا. سولاردىڭ ٴبىرى – پاۆلودار وبلىسىنان كەلگەن مانەرلەپ سىرعاناۋشى داريا قۋانتاي. اتالعان سپورت تۇرىمەن 6 جاسىنان باستاپ اينالىساتىن جاس سپورتشىنىڭ ماقساتى – وليمپيادا چەمپيونى اتانۋ.

«مانەرلەپ سىرعاناۋ سپورتىنا مەنى اكەم اكەلگەن بولاتىن. كەيىن وسى سالاداعى دەنيس تەن، ەليزابەت تۇرسىنبايەۆا سەكىلدى سپورتشىلاردى كورگەن سوڭ بۇل سپورتقا دەگەن قىزۋشىلىعىم ارتا ٴتۇستى. ٴقازىر ۋاقىتىمنىڭ باسىم بولىگىن مۇز ايدىنىندا وتكىزەمىن. باستى ماقساتىم — وليمپيادا ويىندارىنا قاتىسىپ، ەلىمنىڭ اتىن شىعارۋ»، - دەيدى ول.

چەمپيونات قازان ايىنىڭ باسىندا پايدالانۋعا بەرىلگەن مۇز سارايىندا ٴوتىپ جاتىر. مۇنداعى مۇز الاڭى جىل بويى تەك حوككەيدەن عانا ەمەس، سونىمەن قاتار شورت-ترەكتەن، مانەرلەپ سىرعاناۋدان، باسكەتبولدان، شاعىن فۋتبولدان، بوكستان، ۇلكەن تەننيستەن، گيمناستيكادان كاسىبي جارىستار، سونداي-اق مادەني ويىن-ساۋىق شارالارىن وتكىزۋگە مۇمكىندىك بەرەدى. سپورت كەشەنىنىڭ جالپى اۋماعى — 8500 شارشى مەتر. 2500-دەن اسا كورەرمەنگە ارنالعان ورىن بار.

ينۆەستورى – «h+h technikا». مەملەكەتتىك-جەكەمەنشىك سەرىكتەستىك اياسىندا قارجىلاندىرىلعان مۇز سارايىنىڭ جالپى قۇنى – 3،8 ملرد تەڭگە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي