BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

28 جىلدان كەيىن «اقتوبە» حوككەي كلۋبى قايتا قۇرىلدى

اقتوبە سپورت تاريحىندا 28 جىل وتكەن سوڭ وڭىرىندە كاسىپقوي حوككەي كومانداسى قايتا قۇرىلدى، دەپ حابارلايدى baq.kz اگەنتتىگى اقتوبە وبلىسىنىڭ دەنە شىنىقتىرۋ جانە سپورت باسقارماسىنا سىلتەمە جاساپ.

اقتوبە وبلىسى اكىمدىگى مەن قازاقستاندىق حوككەي فەدەراسياسىنىڭ باستاماسىمەن قۇرىلعان «اقتوبە» حك كومانداسى 7-8 قازان ارالىعىندا ٴوز جەرىندە رەسپۋبليكالىق جاستار حوككەي ليگاسىنىڭ ماۋسىمدىق اشىلۋىندا العاشقى ويىنىن وتكىزەدى. العاشقى ويىندا «اقتوبە» حوككەي كلۋبى پەتروپاۆلدىق «قۇلاگەر» كومانداسىنا قارسى ماتچتا وينايدى.

«ەندى بىزدە حوككەي كلۋبى بار. بۇل سپورت ٴتۇرىنىڭ قايتا جاندانۋى، ايماقتا قىسقى سپورت تۇرلەرىن دامىتۋعا جانە جاستاردىڭ قىزىعۋشىلىعىنىڭ ودان ٴارى ارتتىرۋعا سەپتىگىن تيگىزەدى. سونداي-اق، كلۋبتىڭ باس باپكەرى - سلوۆاكيالىق يۋليۋس پەنزەس. بۇعان دەيىن «ەرتىس» كومانداسىن جاتتىقتىرعان. قازىرگى ۋاقىتتا، اقتوبە وڭىرىنە شاقىرتىلىپ، ٴوزىنىڭ جۇمىسىن باستاپ كەتتى»، - دەيدى اقتوبە وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى مەيرامبەك ماحامبەتوۆ.

ايتا كەتەيىك، 7-8 قازان ارالىعىندا رەسپۋبليكالىق جاستار حوككەي ليگاسىنىڭ ماۋسىمدىق اشىلۋى اقتوبەدە جاڭادان بوي كوتگەن مۇز سارايىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي