BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2018 جىلداعى قازاقستان سپورتىنداعى باستى وقيعالار

استانا، baq.kz ٴتىلشىسى. 2018 جىلى قازاقستاندىق سپورتشىلار وڭتۇستىك كورەيادا وتكەن اق وليمپيادا مەن يندونەزيادا وتكەن جازعى ازيا ويىندارىنا قاتىستى. سونداي-اق، ٴىىى جاسوسپىرىمدەر وليمپياداسىندا جاس سپورتشىلار نامىستى قولدان بەرمەدى. كاسىپقوي بوكسشى گەنناديي گولوۆكين ٴۇشىن 2018 جىل وڭاي بولمادى. ال دەنيس تەن 25 جاسىندا ۇرىلاردىڭ قولىنان قازا تاۋىپ، الەم جۇرتى ازا تۇتتى. وسى جانە وزگە دە قازاقستان سپورتىنداعى وقيعالاردى نازارلارىڭىزعا ۇسىنامىز.

پحەنچحان-2018

موگۋلشى يۋليا گالىشەۆا وليمپيادانىڭ قولا مەدالىن جەڭىپ الدى. جۇلدەگەرگە قر ۇكىمەتى 75 مىڭ اقش دوللارى سىياقى بەردى.

فريستايلدىڭ موگۋل تۇرىنەن فاۆوريت سانالعان دميتريي رەيحارد جۇلدەسىز قالدى.

وسىمەن ٴتورتىنشى وليمپياداسىنا قاتىسقان شاڭعىشى الەكسەي ٴپولتورانيننىڭ دە جولى بولمادى.

ال قىسقى پاراليمپيادا ويىندارىندا شاڭعىشى الەكساندر كوليادين التىن مەدالعا يە بولدى. قر ۇكىمەتى چەمپيونعا 250 مىڭ اقش دوللارىن تابىس ەتتى.

گەنناديي گولوۆكين

2018 جىلى 5 مامىرعا جوسپارلانعان گولوۆكين مەن كانەلو اراسىنداعى رەۆانش وتپەيتىن بولدى. ساۋل "كانەلو" الۆارەستىڭ دوپينگ سىناماسىنان تىيىم سالىنعان پرەپارات تابىلىپ، جارتى جىلعا بوكستان شەتتەتىلدى. كوپ كۇتپەي گولوۆكين جاڭا قارسىلاس تاڭداپ، 5 مامىر كۇنى امەريكالىق ۆانەس مارتيروسيانمەن بوكستاساتىنىن حابارلادى.

گولوۆكين ەكىنشى راۋندتا قارسىلاسىن نوكاۋتقا ٴتۇسىردى. قازاقستاندىق بوكشسى 38-جەڭىسىنە جەتسە، ۆانەس مارتيروسيان كارەراسىنداعى 4-جەڭىلىسىنە ۇشىرادى. گولوۆكين بۇل جەكپە-جەكتە 19-رەت wba تيتۋلىن، ۆ 17-رەت ibo جانە ٴتورتىنشى رەت wbc تيتۋلىن قورعادى.

العاشقى جەكپە-جەكتەن كەيىن اراعا ٴبىر جىل سالىپ گولوۆكين مەن الۆارەس رەۆانشى 15 قىركۇيەكتە وتەتىن بولدى.

15 قىركۇيەك كۇنى گولوۆكين تورەشىلەردىڭ شەشىمىمەن كاسىپقوي بوكستاعى كارەراسىندا العاش رەت جەڭىلىس تاپتى. سۋديالار شەشىمى: 115:113، 114:114، 115:113. ٴۇشىنشى جەكپە-جەك قاشان وتەتىنى بەلگىسىز.

دەنيس تەن

مانەرلەپ سىرعاناۋشى دەنيس تەن پحەنچحان وليمپياداسىندا ەركىن باعدارلاماعا وتە المادى. سەبەبى سپورتشىنى جاراقاتى مازالاپ جۇرگەن ەدى. ول 9 ماۋسىمدا استانادا "دەنيس جانە ونىڭ دوستارى" ٴداستۇرلى شوۋىن وتكىزدى. مانەرلەپ سىرعاناۋ سپورتىنداعى الەمدىك جۇلدىزدار مۇز ايدىندا ونەر كورسەتتى. بۇل دەنيستىڭ سوڭعى شوۋى ەدى.

2018 جىلدىڭ 19 شىلدەسىندە قازاقستاندىقتار قارا جامىلدى. قاپىدا سوچي وليمپياداسىنىڭ قولا جۇلدەگەرى دەنيس تەننەن ايىرىلىپ قالدى. 25 جاسىندا سپورتشى اۆتوكولىك ۇرىلارىنىڭ قولىنان قازا تاپتى. دەنيس تەننىڭ ولىمىنە قاتىستى ٴىس تەرگەلىپ جاتىر.

بۇگىندە دەنيس تەن اتىنداعى قور جۇمىس ىستەيدى. قوردىڭ قولداۋىمەن استانا جانە الماتى قالالارىندا d10 world كورمەسى ٴوتتى. كورمەگە سپورتشىنىڭ جەكە زاتتارى، ٴوزى تۇسىرگەن فوتوسۋرەتتەرى، دەنيستىڭ فوتولارى قويىلدى. سونداي-اق، كەلۋشىلەر پلانشەتتەن دەنيس جازعان اندەردى تىڭداۋ مۇمكىندىگىنە يە بولدى.

جازعى ازيا ويىندارى

دجاكارتادا 18 تامىز بەن 2 قىركۇيەك ارالىعىندا جازعى ازيا ويىندارى ٴوتتى. قازاقستان قۇراماسى يندونەزيادان 76 مەدالمەن ورالدى، ونىڭ 15 – التىن، 17 – كۇمىس جانە 44 – قولا. جالپى ەسەپتە 9-ورىننان كورىندى.

قازاقستان قۇراماسى ساپىندا العاشقى "التىندى" سەمسەرلەسۋدەن دميتريي الەكسانين اكەلدى. ول فينالدا ريو وليمپياداسىنىڭ چەمپيونى پاك سان ەنانى جەڭدى.

قر ۇكىمەتى ازيا ويىندارىندا التىن مەدال ٴۇشىن – 10 مىڭ اقش دوللارى، كۇمىس – بەس مىڭ، ال قولا – ٴۇش مىڭ دوللار تابىستادى.

جازعى ازيا پارا ويىندارىندا قازاقستان قۇراماسى 33 مەدالمەن جالپى ەسەپتە 13-ورىننان كورىندى. قازاقستاندىق سپورتشىلار سپورتتىڭ التى تۇرىنەن 5 التىن، 15 كۇمىس، 13 قولا جەڭىپ الدى.

يليا يلين سپورتقا قايتا ورالدى

يليا ٴيليننىڭ سىناماسىنان تىيىم سالىنعان زاتتار تابىلعان سوڭ ەكى جىلعا جارىستاردان شەتتەتىلگەن ەدى. 2018 جىلدىڭ 10 ماۋسىمىندا جازا مەرزىمى اياقتالىپ، يليا يلين سپورتقا ورالاتىنىن مالىمدەدى.

سپورتشى توكيو وليمپياداسىنا قاتىسىپ، توپ جارۋدى قالايتىنىن ايتتى. تالدىقورعاندا وتكەن اۋىر اتلەتيكادان ەل بىرىنشىلىگىندە "التىن" العان ول الەم چەمپيوناتىنا قاتىساتىن بولدى. الايدا جارىسقا از ۋاقىت قالعاندا جاراقاتى بارىن ايتىپ، چەمپيوناتقا سپورتشى ەمەس، باپكەر رەتىندا باراتىنىن مالىمدەدى.

جاسوسپىرىمدەر وليمپياداسى

6-18 قازاندا بۋەنوس-ايرەستە وتكەن وليمپياداعا قازاقستاننان سپورتتىڭ 23 تۇرىنەن 58 سپورتشى قاتىستى. جالپى ەسەپتە 10 مەدال (التىن– 4، كۇمىس– 3، قولا– 3) العان قازاقستان قۇراماسى 14-ورىننان كورىندى. سونداي-اق، روزا ابيتوۆا كوركەم گيمناستيكادان حالىقارالىق ارالاس كوماندا ساپىندا ونەر كورسەتىپ، كۇمىس مەدالعا يە بولدى. دزيۋدوشى بەكارىس ٴسادۋاقاس حالىقارالىق ارالاس سىندا «لوندون» كومانداسىمەن بىرگە قولا مەدال الدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي