BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاعى ٴبىر گولليۆۋد جۇلدىزى ايەلدەرگە تيىسكەنى ٴۇشىن ايىپتالدى

فوتو: PA

بەيسەنبى كۇنى امەريكالىق كينواكتەر، «وسكار» يەگەرى مورگان فريمەن مالىمدەمە جاريالاپ، ٴوزىنىڭ ارەكەتى سالدارىنان ىڭعايسىز سەزىمدە بولعان ادامداردىڭ بارىنەن كەشىرىم سۇرادى دەپ حابارلايدى baq.kz اقپارات اگەنتتىگى bbc news-كە سىلتەمە جاساپ.

سەگىز ايەل cnn تەلەارناسىنا بەرگەن سۇحباتىندا وزدەرىن فريمەن تاراپىنان جاسالعان نامىسقا تيەتىن ارەكەتتەردىڭ قۇربانى دەپ جاريالادى. ولاردىڭ سوزىنە قاراعاندا مۇنداي وقيعالار اكتەر قاتىسقان فيلمدەردى ٴتۇسىرۋ جانە جارنامالىق تۋرنە كەزىندە بولعان.

81 جاسقا تولعالى وتىرعان مورگان فريمەننىڭ اسسيستەنتى 2017 جىلى پروكاتقا شىققان «ادەمى كەتۋ» كومەدياسىن ٴتۇسىرۋ كەزىندە اكتەر وزىنە بىرنەشە اي بويى تيىسكەنىن ٴمالىم ەتتى. سوزىنە قاراعاندا، فريمەن ونىڭ يۋبكاسىنان تارتقان جانە ىشكيىم كيدىڭ بە دەپ سۇراعان.

تاعى ٴبىر ايەلدىڭ ايتۋىنشا، 2013 جىلى «الداۋ يلليۋزياسى» ٴفيلمىن تۇسىرۋگە قاتىسقان ادامداردىڭ ٴبارى مىنا نارسەنى تۇسىنگەن: ەگەر مورگان فريمەنگە جاقىن جۇرسەڭ، ايەلدەر كەۋدەسى اشىق بلۋزكا نەمەسە دەنەگە جابىسىپ تۇراتىن يۋبكا كيمەگەن دۇرىس.

ونىڭ وسىنداي قىلىقتارىن كورگەن اكتەر الان اركين ودان مۇنى توقتاتۋدى تالاپ ەتكەن. فريمەنگە بۇل تىم جايسىز اسەر ەتىپ، ەشتەڭە ايتا الماي قالعان.

«مەنى تانيتىن نەمەسە مەنىمەن بىرگە جۇمىس ىستەگەن ادامداردىڭ ٴبارى بىلەدى: مەن جۇرتتىڭ ادەيىلەپ نامىسىنا تيەتىن، يا بولماسا سانالى تۇردە ٴوزىن ىڭعايسىز سەزىنۋگە ماجبۇرلەيتىن ادام ەمەسپىن» دەلىنگەن فريمەن تاراتقان مالىمدەمەدە.

بۇدان بۇرىن گوللۋۆيدتىڭ اتاقتى پروديۋسەرى حارۆي ۆاينشتەين، الەمگە تانىمال اكتەر كەۆين سپەيسي ادامدارعا سەكسۋالدىق تۇرعىدا تيىسكەنى ٴۇشىن ايىپتالعان بولاتىن. ۆاينشتەينگە قاتىستى وقيعالار جاريا ەتىلگەن سوڭ اكتيۆيستەر مۇنداي ارەكەتكە قارسى باعىتتالعان جانە ولاردى اشكەرەلەۋدى ماقسات ەتەتىن #metoo («مەن دە» نەمەسە «ماعان دا») اكسياسىن باستادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي