BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«سلاۆيان بازارىنا» قازاقستاننان كىم قاتىساتىنى بەلگىلى بولدى

«ۆيتەبسكتەگى سلاۆيان بازارى» حالىقارالىق ونەر فەستيۆالىندە وسى جىلى العاش رەت « ۇلى دالا ونەرى» اتىمەن قازاقستان كۇنى وتەدى، دەپ حابارلايدى baq.kz ٴتىلشىسى.

«ۆيتەبسكتەگى سلاۆيان بازارى» وسىمەن 27 رەت ٴوتىپ جاتىر. ٴبىز جيىرما جىل بويى وسى فەستيۆالگە قاتىسىپ كەلەمىز جانە باس جۇلدە مەن العاشقى ۇزدىك ٴۇش ورىندى اركەز ٴبىزدىڭ ەلدىڭ وكىلدەرى الىپ كەلە جاتقانى جاسىرىن ەمەس. وسى جىلى قازاقستاننىڭ حالىق ٴارتىسى روزا رىمبايەۆا اتالعان فەستيۆالدە قازىلار القاسىنا ٴتوراعالىق ەتەتىن بولادى. سونىمەن قاتار، بەلارۋس مەملەكەتىنىڭ پرەزيدەنتى الەكساندر لۋكاشەنكو «ۆيتەبسكتەگى سلاۆيان بازارى» اياسىندا امفيتەاتر الدىنداعى جۇلدىزدار الاڭىندا روزا قۋانىشقىزىنىڭ جۇلدىزىن جاعۋ تۋرالى سايكەس جارلىققا قول قويدى. بۇل ماڭىزدى وقيعا قازاقستان كۇنىن وتكىزۋمەن تۇسپا-تۇس كەلىپ وتىر»، - دەدى قازاقستاننىڭ ورتالىق كوممۋنيكاسيالار قىزمەتىندە وتكەن بريفينگ بارىسىندا قازاقستان مەن ورتالىق ازياداعى «سلاۆيان بازارى» حالىقارالىق فەستيۆالىنىڭ رەسمي وكىلى قارلىعاش ابدىكارىموۆا.

سونىمەن قاتار، ٴباسپاسوز ٴماسليحاتىندا بەلگىلى بولعانداي، بەلارۋس مەملەكەتىندەگى « ۇلى دالا ونەرىنە» ەلىمىزدەن ناعيما ەسقاليەۆا، ٴجاميليا سەركەبايەۆا، مارجان اراپبايەۆا، ەرلان كوكەەۆ، الىشەر كارىموۆ، دينارا سۇلتان سەكىلدى ٴبىرقاتار ونەر وكىلدەرى بارادى. ال ٴانشى ەرنار سادىربايەۆ «ۆيتەبسكتەگى سلاۆيان بازارىندا» قازاقستان اتىنان ونەر بايگەسىنە ٴتۇسىپ، باق سىنايتىن بولادى.

«سلاۆيان بازارى» جوباسىنىڭ ارقاسىندا ٴبىزدىڭ ەلىمىزدەن كوپتەگەن تانىمال انشى-ارتىستەر شىعىپ، ٴقازىر قازاقستان جانە الەمگە تانىمال بولۋدا. سونىڭ ايقىن مىسالى رەتىندە ديماش قۇدايبەرگەنوۆتى اتاپ وتۋگە بولادى. ول ٴقازىر الەمدىك ارەناداعى جۇلدىز. ال، وسى جىلى «سلاۆيان بازارىنا» قازاقستان اتىنان ەرنار سادىربايەۆ قاتىساتىن بولادى. ول كوپشىلىككە «امرە» لاقاپ اتىمەن تانىمال. ٴبىز ونىڭ دايىندىعىنا بارىنشا كومەكتەسۋدەمىز. مەنىڭ پىكىرىمشە، ول سايىسقا تۇسۋگە دايىن»، - دەيدى پروديۋسەر جان مۇقانوۆ.

ٴانشى ەرنار سادىربايەۆ ٴمالىم ەتكەندەي، بايقاۋعا ٴۇش ٴان دايىندالۋدا. سونىڭ ٴبىرى - نۇرعيسا تىلەنديەۆتىڭ «قۇستار ٴانى» جانە ول تۋىندى وزگەشە، ياعني، كونكۋرستىق ستيلدە ورىندالاتىن بولادى.

ەسكە سالا كەتسەك، 2015 جىلى سلاۆيان بازارى فەستيۆالىنىڭ باس جۇلدەسىن ديماش قۇدايبەرگەنوۆ جەڭىپ العان بولاتىن. ديماش اعىمداعى جىلى «سلاۆيان بازارى» كونكۋرسىنىڭ بالالار اراسىندا وتەتىن سايىسىندا قازىلىق ەتكەن. بالالار باعدارلاماسىنا قازاقستان اتىنان 7 جاستاعى ٴابىلقايىر جۇماباي قاتىسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي