BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اينۇر تۇرسىنبايەۆا: اش قاسقىرداي جالاڭداعان جاس ۇرپاق ٴوسىپ كەلە جاتىر...

ايتىس اقىنى اينۇر تۇرسىنبايەۆا وسكەلەڭ ۇرپاقتىڭ وتە اشۋشاڭ، جامان پىكىرلەر جازىپ، ادامدى رەنجىتىپ، مۇقاتۋعا دايىن تۇراتىنىن جازىپ، بالالاردىڭ قاتىگەز بولىپ ٴوسىپ كەلە جاتقانىنا الاڭداۋشىلىق ٴبىلدىرىپتى، دەپ جازادى baq.kz ٴتىلشىسى.

«وسى شىندارىڭىزدى ايتىڭىزدارشى، سىزدەردى وسى قوعامداعى قاتىگەزدىك قورقىتپاي ما؟ مىسالى، وسى ينستاگرامنىڭ ٴوزىن الايىقشى.. جاپ-جاس كەلىنشەكتەر، تيتتەي قىزدار، بارماقتاي بالالار زىركىلدەپ پىكىر جازىپ وتىرادى. اناسىنان ۇلكەن انشىلەرگە "سەنى جەك كورەم"، "داۋىسىڭ قۇرسىن"، "ٴتۇرىڭ جامان" دەپ ۋ شاشىپ وتىرۋ قورقىتادى مەنى. ادامدى قايتسەم جىلاتام، قايتسەم كەمسىتەم، قايتسەم رەنجىتەم دەپ اش قاسقىرداي جالاڭداعان جاس ۇرپاق ٴوسىپ كەلە جاتىر. جانىم تۇرشىگەدى... جاماندىقتى جازۋ ارقىلى ٴسىز ٴوز جولىڭىزدى جاباسىز..! ٴسىزدىڭ ٴبىر اۋىز سوزىڭىزگە مەنىڭ تۇگىم كەتپەۋى مۇمكىن، ٴبىراق ول سىزگە مىندەتتى تۇردە ورالادى... مەيىرىمدى بولىپ ۇيرەنىڭىز... ٴتىپتى قاتتى جەك كورىپ تۇرساڭىز دا جىلى پىكىر جازىپ ۇيرەنىڭىزشى... جولىڭىز اشىلادى.. وقىعان ادام قۋانسا سىزگە دە سونداي قۋانىش كەلەدى... بۇل ٴومىردىڭ زاڭى..! قاتتى جانىڭىز اشىپ بارا جاتسا جەكەگە جازىپ كورىڭىز.ٴبىراق ٴسىز ايتتى ەكەن دەپ ەشتەڭە وزگەرمەيتىنىن ۇمىتپاڭىز.. بەكەر جۇيكەڭىز قۇرىپ، كەۋدەڭىزگە جامان ەنەرگەتيكا جينايسىز... جامان ەنەرگيا راكقا ۇشىراتادى»،-دەپ جازدى ٴوزىنىڭ ينستاگرام پاراقشاسىندا.

اينۇردىڭ جازباسىنا پىكىر قالدىرىپ، ويلارىمەن بولىسكەن وقىرماندار دا كوپ.

«ٴقازىر ادامداردىڭ ٴبىر -بىرىنە دەگەن مەيىرىم قالماعان. ٴسوزىڭىزدىڭ جانى بار»، «وتە ورىندى جازىلعان سوزدەر اللا رازى بولسىن سىزگە»، «ادامدار وزدەرىن «جۇلدىز» دەپ باعالاپ العاندار نە جەگەنىن، نە ىشكەنىن، وتىرعانىن، تۇرعانىن، ساتىپ العانىن ەلگە جارنامالاپ وتىرادى. سودان دا بولار، ولارعا دا ٴار ٴتۇرلى پىكىر جازاتىن شىعار...»،-دەپ پىكىر قالدىرعان ەكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي