BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«نۇرمۇقاساننىڭ» تاراۋىنا نۇرلاننىڭ «قايراتكەر» اتانباۋى سەبەپ بولدى ما؟

جاقىندا وتاندىق باق وكىلدەرى ۇزاق جىلدان بەرى قازاق ساحناسىندا ونەر كورسەتىپ كەلە جاتقان تانىمال توپ «نۇرمۇقاساننىڭ» تاراپ كەتكەنىن جارىسا جازدى، دەپ حابارلايدى baq.kz ٴتىلشىسى.

وتكەن جىلى تاۋەلسىزدىك كۇنىنە وراي ٴارتۇرلى دارەجەدەگى مەملەكەتتىك ماراپاتقا يە بولعان 200-دەن استام قازاقستاندىقتىڭ اراسىندا وسى دۋەتتىڭ مۇشەسى مۇقاسان شاحزادايەۆ تا بولعان ەدى. ٴبىراق ەكىنشى داۋىستا ٴان شىرقاپ، دومبىراسىن تاستامايتىن نۇرلان قونىسبايەۆقا بۇل اتاق بۇيىرعان جوق. «نۇرمۇقاسان» توبى تارايدى دەگەن اڭگىمە وتكەن جىلدىڭ سوڭىندا پايدا بولا باستاعان ەدى. ياعني مۇقاسان شاحزادايەۆتىڭ قايراتكەر اتانۋىنان كەيىن.

ٴدال وسىنداي جاعداي «مۋزارت» توبىنداعى ساكەن مايعازيەۆتىڭ دە باسىنان وتكەن ەكەن. ول ٴبىراق جالعىز وزىنە بەرىلەتىن اتاقتان باس تارتقان كورىنەدى.
قازاقستاننىڭ ەڭبەك سىڭىرگەن مادەنيەت قايراتكەرى اتاعى وسىدان بىرنەشە جىل بۇرىن ٴبىرىنشى ساكەنگە ۇسىنىلعان كورىنەدى. الايدا سىيلىقتى الىپ كەتۋگە شاقىرعان كەزدە، ساكەن ونىڭ مەيرامبەككە بەرىلمەيتىنىن ٴبىلىپ، باس تارتقان كورىنەدى.

"مەنى «جاس وتاننان» ۇسىنعان. سودان كەيىن مەن سوڭعى ساتتە مەيرامبەكتىڭ جوعىن ٴتۇسىندىم. سوسىن جوق، ماعان كەرەك ەمەس دەدىم»، – دەيدى س. مايعازيەۆ.

كەيىننەن توپتاعى ٴۇش انشىگە دە وسى اتاق بەرىلگەن. بالكىم «نۇرمۇقاسان» توبىنىڭ تاراۋىنا وسىنداي اتاق جولىنداعى تارتىس اسەر ەتتى مە ەكەن؟

مۇقاسان شاحزادايەۆ جاقىندا «استانا» ارناسىنداعى «ەل اۋزىندا» باعدارلاماسىنا سۇحبات بەرگەندە قازىرگى تاڭدا نۇرلان قونىسبايەۆتىڭ قايدا جانە نەمەن اينالىسىپ جۇرگەنىنەن بەيحابار ەكەنىن مالىمدەدى. بۇل تۋرالى stan.kz حابارلاعان ەدى.

«نۇرلان ٴقازىر ٴوز شىعارماشىلىعىمەن، مەن ٴوز شىعارماشىلىعىممەن اينالىسىپ جاتىرمىن. بۇعان دەيىن دە ايتىلعان بولاتىن. بۇل تەك نۇرلان ەكەۋمىزدىڭ ارامىزداعى اڭگىمە. ونى جارنامالاعىم كەلمەيدى. 26 جىلدىڭ ىشىندە ٴبىر-بىرىمىزدى كەشىرمەيتىندەي جاعداي بولعان ەمەس، دەسە دە كىشىگىرىم تۇسىنىسپەۋشىلىكتەر بولدى. ٴبىر جاعى 26 جىل قاتتى كەتپەي، شىداپ كەلگەن سياقتىمىز. ٴقازىر نۇرلان جايلى ەشتەڭە ايتا المايمىن. بەيحابارمىن. توسىنسىي ازىرلەپ جاتقان شىعار. ٴبىر كۇنى جارق ەتىپ شىعا كەلۋى دە مۇمكىن. ول ٴوزى توسىنسىي جاساعاندى جاقسى كورەتىن ادام»،– دەيدى مۇقاسان شاحزادايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي