BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ninety one توبى. سىرعا قايدا، بي قايدا، بوياۋ قايدا؟

داۋلى ninety one توبى "جىل تاڭداۋى" كونسەرتىنە سىرعاسىز كەلىپ، بي بيلەمەي قويدى، - دەپ حابارلايدى tengrinews.kz ٴتىلشىسى.

الماتى قالاسى "الماتى ارەنادا" كەشە، 16 قاراشادا وتكەن "جىل تاڭداۋى" جوباسىندا ninety one توبىنىڭ ونەرى وزگەشە بولدى. ولاردىڭ ونەر كورسەتۋ ٴساتى بۇگىن youtube ۆيدەوحوستينگىندە پايدا بولدى. ۆيدەودا توپ مۇشەلەرى ساحناعا شىعىپ، "قالاي قارايسىڭ" ٴحيتىن ورىندايدى. ٴبىراق كورەرمەنىن ادەتتەگىدەي بيىمەن قۋانتپادى. روليكتە توپتىڭ مۇشەلەرى قارا كيىم كيىپ، قاققان قازىقتاي ٴبىر ورىندا تۇرادى. ولارمەن قاتار ساحناعا شىققان اق جەيدەلى بيشىلەر دە ٴبيسىز، قوزعالماي تۇرادى.

ال وسى كەشتە تۇسىرىلگەن تاعى ٴبىر ۆيدەودا جۇرگىزۋشىلەر ninety one توبىنىڭ مۇشەلەرىمەن سۇحباتتاسادى. وسى كەزدە جۇرگىزۋشىلەردىڭ ٴبىرى ٴلايلا سۇلتانقىزى توپ مۇشەلەرىنەن "سىرعا قايدا، بي قايدا، بوياۋ قايدا" دەپ سۇرايدى. وسى كەزدە ورىنداۋشىلار "ٴبارى ۇيدە" دەپ ازىلمەن جاۋاپ قاتادى.

توپ مۇشەلەرىنىڭ بۇل ارەكەتىن الەۋمەتتىك جەلى قولدانۋشىلارى تۇرلىشە ٴتۇسىندىرىپ الەك. ٴبىرى مۇنى قاساقانا جاسالعان نارازىلىق دەيدى.

"حەيتەرلەر، مə سەندەرگە. وسى ەدى عوي سەندەرگە كەرەگى. ٴبىزدىڭ قازاقتىڭ əنشىلەرىنىڭ شوۋ جاساعانىن كورىپ پە ەدىڭدەر؟! شوۋدى تەك ناينتي ۋان جاسايدى"، - دەپ بازىناسىن ايتادى.

تاعى ٴبىر تىڭدارماننىڭ ايتۋىنشا، داۋلى توپ بۇل ارەكەتىمەن وتاندىق ەسترادانىڭ ساحنادا بيلەمەي، شوۋ جاسامايتىنىن قايتالاپ بەرگەن. "بۇل ٴبىزدىڭ ەستراداداعى دەڭگەي: ساحنادا دىم بولماعانداي تۇرىپ، "فانەراعا" ٴان سالۋ! جارايسىڭدار، جىگىتتەر!"، - دەيدى تىڭدارمانداردىڭ ٴبىرى.

ال توپتىڭ پروديۋسەرى ەربولات بەدەلحاننىڭ جۇبايى بۇعان قاتىستى instagram جەلىسىندە پىكىر ٴبىلدىردى.

"ۇنسىزدىكتى ەلەمەۋ دەپ، سالقىنقاندىلىقتى ارەكەتسىزدىك دەپ، جاقسىلىقتى السىزدىك دەپ ويلاماۋ كەرەك. قىمباتتى eaglez، حورەوگرافيا سىزدەرگە ۇنادى ما؟ جىگىتتەرگە ٴبىر ورىندا تۇرۋ وتە قيىن بولدى"، - دەپ جازدى اسىل بەدەلحان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي