ٴمولدىر اۋەلبەكوۆانىڭ ۇلىنىڭ ەسىمى نەنى بىلدىرەدى؟ - شوۋ-بيزنەس|25 قاڭتار 2017، 15:29
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴمولدىر اۋەلبەكوۆانىڭ ۇلىنىڭ ەسىمى نەنى بىلدىرەدى؟

فوتو: Әлеуметтік желі

تانىمال ٴانشى جاقىندا دۇنيەگە كەلگەن بالاسىن قىرقىنان شىعارىپ، وعان سالتاي دەگەن ەسىم بەرگەنىن ايتىپتى. جانە بۇل ەسىمنىڭ ارابشادان ٴتارجىمالاعاندا دەنى ساۋ، مىقتى دەگەندى بىلدىرەتىنىن ايتىپتى.

سونىمەن بىرگە ٴمولدىر اۋەلبەكوۆا ۇلىنىڭ ەسىمىن ەكى ٴبولىپ، «سال» جانە «تاي» دەگەن سوزدەردىڭ قوسىندىسىنان العاندىعىن دا ايتقان ەكەن.

«قىرقىنان شىعاردىق، قۇدايعا شۇكىر. ەسىمىن سالتاي دەپ قويدىق. مەنىڭ جولداسىم ارىستاننىڭ ەڭ جاقىن دوسىنىڭ ەسىمى – سالتاي، سول دوسىنىڭ قۇرمەتىنە اتاپ قويدىق. سالتاي دەگەن ەكى ماعىنادا. «سال» جانە «تاي» دەپ ەكىگە بولەتىن بولساق، سال دەگەنىڭىز ۇلكەن جايلاۋدا بيەنىڭ قاسىندا ەركىن وسكەن ق ۇلىنشاق، «سال تاي» دەگەندەگى ماعىناسى سونداي. ەكىنشى ماعىناسى – اراب تىلىنەن اۋدارعاندا دەنساۋلىعى مىقتى دەگەندى بىلدىرەدى»، – دەيدى ٴمولدىر اۋەلبەكوۆا «توي دۋمان» ارناسىنا بەرگەن سۇقباتىندا.

ارينە، ارابشاسىنداعى ماعىناسىنا كەلىسە وتىرىپ، ەكىنشى «بيەباۋ باسىندا ەركىن وسكەن سال تاي» تۋرالى شامالى ويلانىپ قالدىق. سەبەبى «قىسىردىڭ تايى»، «اردا ەمگەن تاي» دەگەن سەكىلدى قازاقى تۇسىنىكتەگى «تايلاردى» بىلەمىز ٴبىراق سال تايدى ەستىمەپپىز.

سونىمەن سال تاي دەگەن نە ماعىنا بەرەتىنىن تەكتەپ كەلسەك، ٴمولدىر اۋەلبەكوۆا ايتقانداي «جەلى باسىندا ەركىن وسكەن تاي» ەمەس ەكەن.

«سال تاي ۇعىمى اياعى كەمتار بولىپ تۋعان ق ۇلىن. ال بالاسى شەتىنەپ توقتامايتىن ايەل وسى ق ۇلىندى باعىپ-قاعىپ، وسىرسە، بالا توقتايدى جانە سول بالاسىنا سالتاي دەپ ەسىم بەرەتىن سالت بار» - دەيدى اقتوبە قالاسىنىڭ تۇرعىنى الماز جانتىكەنوۆ.

ٴانشى قىزىمىز بۇل ەسىمدى ٴبىلىپ قويدى ما، بىلمەي قويدى ما ٴبىز ٴۇشىن ول ماڭىزدى ەمەس. بۇل سالتاي دەگەن ەلدەن ەرەكشە ەسىم كوبىندە تاتار حالقىندا كوپ كەزدەسەدى ەكەن. ول – ادال، دوستىققا بەرىك، دەنساۋلىعى مىقتى، ادامدارمەن تەز ٴتىلتابىسقىش دەگەن ماعىنانى بەرەدى. لايىم ٴمولدىردىڭ ۇلىنىڭ الاشقا ارداقتى ازامات بولۋىنا تىلەكتەسپىز!

دەگەنمەن مۇحتار شاقانوۆ اعامىزدىڭ قىرعىزستاننىڭ قازاقستانداعى ەلشىسىنىڭ قىزىنا قويعان ەسىمىن وزگەرتتىرگەنى سەكىلدى، ٴار ٴسوزدىڭ بايىبىنا بارىپ، ادام ەسىمىن قويعان ابزال بولار ەدى دەگەن وي بىزدىكى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي