BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 426.65 BAQ.kz - Қазақстан жаңалықтары RUB 5.82
استانا:

قايرات نۇرتاس اۋىر دەرتكە شالدىققان قىزدىڭ ارمانىن ورىندادى

قازاق ەستراداسىنىڭ تانىمال جۇلدىزى قايرات نۇرتاس اۋىر دەرتكە شالدىققان ايدانا ەسىمدى قىزدىڭ وتىنىشىمەن پەدياتريا ورتالىعىندا بولىپ، ٴحالىن ٴبىلدى، دەپ حابارلايدى baq.kz اقپارات اگەنتتىگى «پەدياتريا جانە بالالار حيرۋرگياسى عىلىمي ورتالىعى» ٴباسپاسوز قىزمەتىنە سىلتەمە جاساپ.

جاقىندا عانا وتادان شىققان ايدانا سۇيىكتى ٴانشىسىن ٴبىر كورۋدى ارمانداپتى. كىشكەنتاي جانكۇيەرىمەن تانىسقان ٴانشى ايداناعا جانە بارشا ونكوگەماتولوگيا بولىمىندە ەم الۋشى بالالارعا اق تىلەگىن ٴبىلدىرىپ، تەز ساۋىعىپ كەتۋلەرىن تىلەدى. ٴانشى باسقا بولمەلەردە جاتقان بالالاردىڭ دا قال-جاعدايلارىن سۇراپ، اڭگىمەلەستى.

«كىشكەنتاي قىزدىڭ ٴبىر اۋىز تىلەگىن ورىنداعان قايرات نۇرتاسقا جانە كەزدەسۋدى ۇيىمداستىرۋعا مۇرىندىق بولعان «اميلا» قورىنا العىسىمىزدى بىلدىرەمىز. نيەتى مەن تىلەگى قابىل بولسىن! بۇل كەزدەسۋ بالالاردىڭ سىرقاتتان ساۋىعىپ كەتۋلەرىنە سەپتىگىن تيگىزەدى دەگەن ۇمىتتەمىز. اتا-انالارىنا توزىمدىلىك پەن سابىر، سەنىم مەن ٴۇمىت تىلەيمىز! دۇنيەدە ەشقانداي ٴسابي اۋىرماسىن، اۋرۋ اتاۋلى انانىڭ كوڭىلىنە قاياۋ تۇسىرمەسىن!

قايىرىمدى، مەيىرىمدى، كەڭ پەيىلدى بولۋ قازاق حالقىنىڭ قانىندا بار قاسيەت. بۇل دۇنيەدە انانىڭ كوز جاسى مەن بالانىڭ اۋىرعانىن كورۋدەن ارتىق قاسىرەت جوق. مۇنداي تاعدىردى ەشكىم وزىنە تىلەپ المايدى. ٴار جۇرەككە مەيىرىمدىلىك، ىزگىلىك، ادامگەرشىلىك ٴتارىزدى اسىل قاسيەتتەردى ۇيالاتۋ، قينالعان جاندارعا قولداۋ كورسەتۋ، تاعدىردىڭ جازۋىمەن جارالى بولعاندارعا جاردەم بەرۋ ٴاربىر ازاماتتىڭ پارىزى»، - دەيدى دارىگەرلەر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي