BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"eurovision-2017" بايقاۋىندا قازاقتىڭ جيەنى ەكىنشى ورىن الدى

كيەۆتە «ەۆروۆيدەنيە-2017» حالىقارالىق بايقاۋىنىڭ اقتىق سايىسى ٴوتتى. پورتۋگاليالىق سالۆادور سوبرال ٴداستۇرلى ٴان دوداسىنىڭ جەڭىمپازى اتاندى، دەپ حابارلايدى baq.kz.

فينالدا 9 جانە 11 مامىر كۇندەرى كيەۆتە وتكەن ەكى جارتىلايفينالدىق كەزەڭدەردەن سۇرىنبەي وتكەن 20 ٴانشى، سونداي-اق «ەۆروۆيدەنيەنىڭ" نەگىزگى بەس سپونسور ەلى ۇلىبريتانيا، فرانسيا، گەرمانيا، يسپانيا، يتاليانىڭ جانە بايقاۋدى قابىلداۋشى ەل ۋكراينانىڭ وكىلدەرى باق تالاستىردى.

بايقاۋدىڭ شەشۋشى كەزەڭىن قازاقستاندىقتار «حابار» تەلارناسىنان تىكەلەي ەفيردەن تاماشالادى.

بۋكمەكەرلەر ٴبىرىنشى ورىندى فينالعا اۆتوماتتى تۇردە وتكەن يتاليالىق فرانچەسكو گابباني يەلەنەتىندىگىن بولجاعان ەدى. ولاردىڭ پايىمىنشا، ەكىنشى ورىندى پورتۋگاليا ٴانشىسى سالۆادور سوبرال، ال ٴۇشىنشى ورىندى 17 جاستاعى بولگارلىق كريستيان كوستوۆ الۋى ٴتيىس بولاتىن.

شەشۋشى دودادا «beautiful mess» ٴانىن ورىنداعان كوستوۆ قازاققا جيەن بولىپ كەلەدى. ول ماسكەۋدە دۇنيەگە كەلگەن. ونىڭ اكەسى كونستانتين – بولگار، اناسى زاۋرە – قازاق. زاۋرە 1985 جىلى ماسكەۋدەگى ينستيتۋتقا وقۋعا ٴتۇسىپ، ونى اياقتاعاننان كەيىن رەسەيدە قالادى. ٴانشىنىڭ اتا-اناسى ونىڭ ونەرگە دەگەن قۇلشىنىسىنا قولداۋ ٴبىلدىرىپ، ٴتورت جاسىندا «نەپوسەدى» تانىمال ستۋدياسىنا جىبەرگەن. اناسىنىڭ ايتۋىنشا، كريستيان قازاق ٴتىلىن جاقسى تۇسىنەدى. سەبەبى زاۋرە ماسكەۋدە بيزنەسپەن اينالىسىپ جۇرگەندە، ونى ناعاشى اتاسى مەن اجەسى تاربيەلەگەن ەكەن.

ايتا كەتەيىك، كوستوۆ ٴوزىنىڭ انشىلىك قابىلەتى ناعاشى اتاسىنان دارىعانىن ايتقان بولاتىن.

«مەنىڭ ناعاشى اتامنىڭ جاسى 85-تە. وتباسىلىق باسقوسۋلاردا ٴاندى كەيبىر ەسترادا انشىلەرىنەن كەم ايتپايدى. ونىڭ داۋىسىن تىڭداپ وتىرىپ، ٴوزىمنىڭ مۋزىكالىق قابىلەتىمنىڭ قايدان كەلگەنىن تۇسىنەمىن»، – دەگەن بولاتىن ول.

قازىلار القاسى مەن كورەرمەندەردىڭ داۋىس بەرۋ ناتيجەسى بويىنشا ٴبىرىنشى ورىندى پورتۋگاليا وكىلى سالۆادور سوبرال جەڭىپ الدى. ەكىنشى ورىن كريستيان كوستوۆقا بۇيىردى . ٴۇشىنشى ورىنعا مولدوۆادان كەلگەن sunstroke project توبى لايىق دەپ تابىلدى. بايقاۋ شارتتارىنا «ەۆروۆيدەنيە-2018» جەڭىمپاز مەملەكەتتە، ياعني پورتۋگاليادا وتەدى.

khabar.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي