BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ديماشتىڭ لوندونداعى كونسەرتىنىڭ بيلەتتەرى ساتىلىپ كەتتى

استانا، baq.kz ٴتىلشىسى. بەلگىلى ٴانشى ديماش قۇدايبەرگەنوۆتىڭ 19 قاراشا كۇنى لوندوندا وتەتىن جەكە كونسەرتىنىڭ بيلەتتەرىنىڭ ٴبارى ساتىلىپ كەتتى. بۇل تۋرالى مادەنيەت جانە سپورت ٴمينيسترى ارىستانبەك مۇحامەدي ۇلى انشىمەن وتكەن كەزدەسۋدە مالىمدەدى.

«19 قاراشادا لوندوندا ديماش قۇدايبەرگەنوۆتىڭ ۇلكەن جەكە كونسەرتى وتەدى. قازاقستاندا ٴبىرىنشى رەت جەكە ورىنداۋشى ۇلكەن ساحناعا شىعىپ جاتىر. بۇل ۇلكەن جاڭالىق. 19 قاراشاداعى كونسەرتىنە ورىن قالمادى. قوسىمشا ورىن قويىڭىزدار دەپ تالاپ ەتىپ جاتىر. جانكۇيەرلەرگە ارنايى زونا دايىندادىق. ول جەردە دە بيلەت قالمادى. ديماشتىڭ الەمدىك ۇلكەن تۋرى بولادى. وسىعان دەيىن قانشاما كونسەرتى ٴوتتى. لوندون – بۇل الىپ الەمدىك ونەر ورتالىعى. ول جەردە جەكە كونسەرت وتكىزۋ ەرلىك پەن ىنتانى قاجەت ەتەدى»، - دەدى مينيستر.

مۇحامەدي ۇلى لوندونداعى كونسەرتتە 2000 وتىراتىن ورىن بولادتىنىن ايتتى. سونداي-اق فان-زونانى قوسا العاندا بارلىعى 4600 ورىندى قۇرايدى جانە بارلىق بيلەت ساتىلىپ كەتتى.

«وكىنىشكە قاراي، كونسەرتكە باراتىن قازاقستاندىقتار ۇلەسى 3-4 پروسەنت قانا. بارلىق بيلەتتى لوندوندىقتار ساتىپ الدى»، - دەدى مۇحامەدي ۇلى.

ٴانشىنىڭ اكەسى قانات ايتبايەۆتىڭ ايتۋىنشا، كونسەرت بيلەتتەرىن الەمنىڭ 45 ەلىنەن كەلەتىن تىڭدارماندار ساتىپ العان. دەگەنمەن اعىلشىن ٴتىلدى تىڭدارمان كوبىرەك بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي