استانا: 
2597 
0
استانا، baq.kz ٴتىلشىسى. بەلگىلى ٴانشى ديماش قۇدايبەرگەنوۆتىڭ جەكە كونسەرتى جاقىن ۋاقىتتا الماتى نە استانا قالالارىندا ٴوتۋى مۇمكىن. بۇل تۋرالى ٴانشىنىڭ اكەسى قانات ايتبايەۆ مادەنيەت جانە سپورت ٴمينيسترى ارىستانبەك مۇحامەدي ۇلىمەن وتكەن كەزدەسۋدە ايتتى.
بۇگىن مادەنيەت جانە سپورت ٴمينيسترى ارىستانبەك مۇحامەدي ۇلى ديماش قۇدايبەرگەنوۆپەن جانە قانات ايتبايەۆپەن كەزدەسىپ، لوندوندا وتەتىن كونسەرتكە دايىندىق بارىسىمەن ٴبولىستى. جۋرناليستەردىڭ ٴبىرى ديماشتىڭ كونسەرتى قازاقستاندا قاشان وتەتىنىن سۇرادى.
«كونسەرتتەردى وتكىزۋگە مينيسترلىك تاراپىنان كوپتەگەن قولداۋ كورسەتىلىپ جاتقانىن سەزىپ وتىرعان بولارسىزدار. حالىق «جاياۋدىڭ شانى، جالعىزدىڭ ٴۇنى شىقپايدى» دەپ بەكەر ايتپاعان. ەل بولىپ كوتەرگەن جۇك – جەڭىل. ەلىمىزدە قانشاما جانكۇيەر بار، تىڭدارمان بار، باسشىلىق بار، جاقسى دۇنيەلەردى جۇزەگە اسىرۋعا قولداۋ كورسەتىپ جاتىر. اماندىق بولسا الداعى ۋاقىتتا الماتى قالاسىندا نە استانا قالاسىندا كونسەرت وتكىزسەك دەگەن ويىمىز بار. مۇنىڭ بارلىعى جۇزەگە اساتىن بولادى»، - دەدى ٴانشىنىڭ اكەسى قانات ايتبايەۆ.
ەسكە سالا كەتسەك، لوندوندا 19 قاراشا كۇنى ديماش قۇدايبەرگەنوۆتىڭ جەكە كونسەرتى وتەدى. ٴمينيستردىڭ ايتۋىنشا، بيلەتتەردىڭ ٴبارى ساتىلىپ كەتكەن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
4260
0