BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ديماشقا جەتپەيسىڭ» دەيتىندەردى تۇسىنبەيمىن — امىرە

فوتو: ашық дереккөзден

«سلاۆيان بازارى» بايقاۋىندا ٴبىرىنشى ورىنمەن ەلگە ورالعان ەرنار سادىربايەۆ ديماش قۇدايبەرگەنمەن سالىستىراتىن ادامدارعا جاۋاپ بەردى، دەپ حابارلايدى baq.kz ٴتىلشىسى.

«سلاۆيان بازارى» بايقاۋى وسىدان ٴۇش جىل بۇرىن ديماش قۇدايبەرگەننىڭ دە جۇلدىزىن جاققان ەدى. ەندى مىنە امىرە دە ديماشتىڭ جولىن قۋىپ، حالىقارالىق فەستيۆالدەن جۇلدەمەن ورالدى.

«ٴبىزدىڭ ەلدە دە، بەلارۋستە دە ديماش تۋرالى كوپ ەستىدىم. ديماشتى ٴبارى وتە قاتتى سىيلايدى. ۆيتەبسكتە ديماشتىڭ كونسەرتىندە بولدىق. قىتايدان، جان-جاقتان جانكۇيەرلەرى كەلدى. كەيدە جۇرت مەنى ديماشپەن سالىستىرىپ جاتادى. «سەن ديماشقا جەتپەيسىڭ» دەپ جامانداپ جاتاتىندار بار. شىن ايتسام، سونداي ادامداردى تۇسىنبەيمىن. مەنىڭ ماقساتىم ول ەمەس»، - دەيدى امىرە.

ول اركىمنىڭ ٴوز دارا جولى بار ەكەنىن اتاپ ٴوتتى.

«اركىمنىڭ قۇداي بەرگەن تالانتى بار. مەن ديماشتى ادام رەتىندە سىيلايمىن، جاقسى كورەمىن. ونى ۇنەمى ايتىپ جۇرەمىن. ونىمەن باياعىدان تانىسپىز. ول مەنىڭ ارىپتەسىم، دوسىم. ٴاردايىم ديماشتى قولداپ جۇرەمىن، ول دا مەنى سولاي قولدايدى. وعان تەك قانا ساتتىلىك تىلەيمىن»، - دەدى ٴانشى.

ەسكە سالا كەتسەك، «سلاۆيان بازارىندا» قازاقستاندىق ٴانشى امىرە مەن رۋمىنيا ەلىنەن كەلگەن مارچەل روشكا ەكەۋى بىردەي 156 ۇپاي الدى. دەگەنمەن قازىلار بايقاۋدىڭ گران-پري جۇلدەسىن روشكاعا، ال 1-ورىندى ەرنار سادىربايەۆقا بەردى. ۋكراينادان كەلگەن ٴانشى – ەكىنشى ورىندى، ال ٴۇشىنشى ورىن پولشا مەن بەلارۋس ەلىنىڭ دارىندىلارىنا بۇيىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي