BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ديماش قۇدايبەرگەننىڭ لوندونداعى كونسەرتى قالاي ٴوتتى

استانا، baq.kz. 19 قاراشا كۇنى لوندوندا ديماش قۇدايبەرگەننىڭ العاشقى جەكە كونسەرتى ٴوتتى. شوۋ قازاقستاننىڭ ۇلىبريتانياداعى مادەني كۇندەرى اياسىندا مادەنيەت جانە سپورت مينيسترلىگى مەن ۇلىبريتانيا جانە سولتۇستىك يرلانديا بىرىككەن كورولدىگىندەگى قر ەلشىلىگىنىڭ قولداۋىمەن ۇيىمداستىرىلدى.

«10 جىلدان بەرى مەملەكەت «شەتەلدە جاس تالانتتاردى قولداۋ» باعدارلاماسىن قارجىلاندىرىپ كەلەدى. وسى باعدارلامانىڭ اياسىندا تالانتتى جاستار حالىقارالىق كونكۋرستارعا قاتىسۋعا مۇمكىندىك الادى. 10 جىلدىڭ ىشىندە قانشاما تالانتتى جىبەردىك، ونىڭ ىشىندە ديماش تا بار. ول «سلاۆيان بازارىنا»، تۇركيا مەن فينلياندياعا، سونداي-اق قىتايداعى i’m the singer شوۋىنا مينيسترلىكتىڭ قولداۋىمەن قاتىستى»، - دەدى مادەنيەت جانە سپورت ۆيسە-مينيسترى اقتوتى رايىمقۇلوۆا.

ٴانشىنى قولداۋعا بريتانيانىڭ جۇلدىزى تاليا ستورم كەلدى. ول جۋرناليستەرگە بەرگەن سۇحباتىندا ديماشتىڭ العاشقى جەكە كونسەرتى لوندوندا ٴوتىپ جاتقانىنا قۋانىشتى ەكەنىن جەتكىزدى.

indigo at the o2 كونسەرت زالىندا ينە شانشار جەر بولمادى. قازاقستان، چەحيا، بەلگيا، ۇلىبريتانيا، قيتاي، كانادا، گەرمانيا، رەسەي، فينليانديا، جانە ت.ب الەمنىڭ 45 ەلىنەن جانكۇيەرلەرى كەلدى. لوندون ۋاقىتىمەن ساعات 17.30-دا جانكۇيەرلەر جينالىپ، ەسىك الدىندا ۇزىن-سونار كەزەككە تۇردى. كونسەرت باستالعانعا دەيىن كورەرمەندەر ديماشتىڭ ساحناعا شىعۋىن كۇتىپ، ونىڭ ەسىمىن جارىسا ايتتى.

ەكى ساعاتتان استام ۋاقىتقا سوزىلعان كونسەرتتىك باعدارلامادا ٴانشى ٴار نومىرىندە جاڭا دەكوراسيا، جاڭا كوستيۋممەن شىقتى. ديماش قۇدايبەرگەننىڭ جاندى داۋىستا ٴان شىرقاۋى ەشكىمدى بەي-جاي قالدىرمادى. ٴار ادام وسى كەشتە ٴتۇرلى سەزىمدى سەزىنە الدى.

كەش شىمىلدىعى ديماشتىڭ «قازاقستان، العا» اتتى جاڭا انىمەن ٴتۇرىلدى. كونسەرتتىڭ باسىنان اياعىنا دەيىن ٴانشى كورەرمەنمەن ديالوگ جۇرگىزدى، ٴتىپتى ولارعا قازاق ٴتىلىن ۇيرەتۋگە تىرىستى. وسى ارقىلى ول كورەرمەن جۇرەگىنەن ورىن تاپتى.

كونسەرتتىك باعدارلامادا ديماش adajio، دايديداۋ، ساعىندىم، m. jackson tribuet، the show must go on، «لەيلا»، if i never breathe again جانە ت.ب. اندەردى شىرقادى. يگور كرۋتويدىڭ «ليۋبوۆ ۋستاۆشيح لەبەدەي» اتتى ٴانى دە ٴىndigo at the o2 ساحناسىندا اۋەلەدى. كەش سوڭى sos d'un terrien كومپوزيسياسىمەن اياقتالدى. ول بۇل ٴانى قازاقستاندىق مانەرلەپ سىرعاناۋشى، دوسى دەنيس تەنگە ارنادى. وسى ٴاندى شىرقاعان ساتتە زالدا تىنىشتىق ورنادى. ورىنداپ بىتكەن سوڭ كورەرمەندەر انشىگە ۇزاق قول سوقتى.

ديماش ەكى ساعاتتان استام ۋاقىتقا سوزىلعان كونسەرتىندە 29 ٴان شىرقادى. تىڭدارماندار ونىڭ ٴار ٴانىن جىلى قابىلادى. ديماش شوۋ بويى بىرنەشە وبراز اۋىستىردى. ٴار نومىرىندە ول ٴان ايتىپ قانا قويماي، مۋزىكالىق ساپاپتاردا ويناپ، بيلەدى.

«وسىنداي كوزدەرى جانىپ تۇرعان كورەرمەندەر الدىندا ونەر كورسەتكەن كەزدە، سونىمەن بىرگە ٴوزىڭنىڭ سۇيىكتى اندەرىڭدى ورىنداعان كەزدە كونسەرتتىڭ قالاي بولعانىن ايتۋ قيىن. مەن بىرنارسە عانا ايتا الامىن، وتە قۋانىشتىمىن»، - دەدى ديماش قۇدايبەرگەن كونسەرتتەن كەيىن جۋرناليستەرگە بەرگەن سۇحباتىنادا.

شوۋ سوڭىندا ديماش كورەرمەندەردى قازاقستانعا شاقىردى. پۋبليكا ۇزاق ۋاقىت كونسەرت زالىنان شىققىسى كەلمەدى.

ەسكە سالا كەتسەك، بيلەتتەر ساتىلىمىنان تۇسكەن بار قارجى قازاقستانداعى جاس تالانتتاردى حالىقارالىق بايقاۋلار مەن كونسەرتتەرگە قاتىسۋى ٴۇشىن قولداۋعا جۇمسالادى.

ديماش قۇدايبەرگەن – قازاقستاندىق ٴانشى، كومپوزيتور، مۋلتي-ينسترۋمەنتالشى، 5 وكتاۆا، 4 نوتا، 1 جارتىلاي توننان تۇراتىن كەڭ ۆوكالدى دياپازون يەگەرى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي