BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ديماش قۇدايبەرگەن قازاقستاننىڭ تۋريزم جونىندەگى ەلشىسى اتاندى

ديماش قۇدايبەرگەنگە قر مادەنيەت جانە سپورت ٴمينيسترى اتىنان «قازاقستان رەسپۋبليكاسىنىڭ تۋريزم جونىندەگى ەلشىسى» مارتەبەسىن «kazakh tourism» ۇك» اق باسقارما ٴتوراعاسى راشيد كۇزەمبايەۆ تابىستادى.

سالتاناتتى ٴراسىم اقتوبە قالاسىندا ٴانشىنىڭ «ديماشتىڭ وتانى» اتتى تۋرىنا قاتىسۋشى 10 مەملەكەتتەن كەلگەن تابىنۋشىلىق توپتاردىڭ جەتەكشىلەرىمەن كەزدەسۋ كەزىندە ٴوتتى.

«ٴبىر جارىم اي بۇرىن فۋتبوليست مەسسي الەم ٴتۋريزمىنىڭ ەلشىسى اتاندى. ٴبىز دە ديماشقا قازاقستاندىق تۋريزم ەلشىسىنىڭ سەرتيفيكاتىن ۇسىنىپ وتىرمىز. ول ٴوز ەلىنىڭ پاتريوتى»، - دەپ اتاپ ٴوتتى kazakh tourism ۇك اق باسقارما ٴتوراعاسى راشيد كۇزەمبايەۆ.

ديماش قۇدايبەرگەن تۋريزم ەلشىسى رەتىندە قازاقستاندى حالىقارالىق دەڭگەيدە ىلگەرىلەتۋدى جانە الەمنىڭ تۇپكىر-تۇپكىرىنەن ٴوز تىڭدارماندارىن ەلىمىزدى كورۋگە شاقىرۋدى بەلسەندى تۇردە جالعاستىرادى دەپ كۇتىلۋدە.

ديماش ناعىز پاتريوت بولا تۇرا، ٴوز كونسەرتتەرىندە جانە باق كوزدەرىندە ٴارقاشان فاناتتارىن قازاقستانعا شاقىرىپ جۇرەدى. تۋردىڭ يدەياسى دا وسىدان شىققان. ال مارشرۋت قۇرامىنا ديماش شەتەلدە ۇنەمى ايتىپ جۇرەتىن تۋعان قالاسى اقتوبە، ەلوردامىز استانا جانە ەڭ ۇلكەن قالامىز الماتى كىردى.

جالپى تۋر ٴانشىنىڭ بالالىعى مەن شىعارماشىلىعىمەن بايلانىستى جەرلەرگە بارۋدى، مىسالعا اقتوبەدەگى مەكتەبىن كورۋدى، سونداي-اق ٴارتيستىڭ جاقىندارى مەن تۋىستارىمەن ٴتۇرلى كەزدەسۋلەردى، ديماشتىڭ ۇستازى، ٴارى قازاقستان رەسپۋبليكاسىنىڭ ەڭبەك سىڭىرگەن قايراتكەرى مارات ايتيموۆتىڭ ماستەر-كلاسسى جانە تاعى باسقانى قامتيدى.

بۇكىل الەمنەن كەلگەن ديماشتىڭ تابىنۋشىلارىنا ارناپ وسىنداي تۋرلاردى وتاندىق تۋروپەراتورلار تۇراقتى تۇردە وتكىزەتىن بولادى. ال وسى تۋرلاردان تۇسكەن قارجىنىڭ ٴبىر بولىگى كەلەشەكتە ديماش برەندىن الەمدىك دەڭگەيدە ودان ٴارى نىعايتۋعا جانە ورلەتۋگە باعىتتالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي